дамјан шишковски – Kurir.mk

Шишковски: Ќе го оставиме срцето за Македонија на натпреварите во Лигата на нации

Бошко Тасиќ — Fri, 27 May 2022 21:55:13 +0000

Прв ривал ќе биде Бугарија на 2 јуни во Разград, па три дена подоцна ќе му гостуваме на Гибралтар. На 9 јуни е третиот меч во Скопје против Грузија, а 12 јуни на Националната арена „Тодор Проески“ сме домаќини на Гибралтар. Голманот на нашата А селекција, Дамјан Шишковски ветува дека ќе се даде максимумот да се оправдуваат нивните очекувања, но и оние на јавноста. – Македонската јавност очекува многу, бидејќи ние тоа многупати го докажавме, и против Италија, и против Португалија, и наназад многу натпревари. Ние сме максимално спремни за тие четири натпревари во јуни, нашата селекција е подмладена, имаме неколку млади фудбалери кои се искусни, прволигаши во своите тимови – рече Шишковски.

Дамјан Шишковски го продолжи договорот со Докса

Бошко Тасиќ — Tue, 17 Aug 2021 18:38:50 +0000

Македонскиот репрезентативен голман Дамјан Шишковски останува член на кипарска Докса уште три години, откако нашиот интернационалец ја продолжи соработката со актуелниот клуб до 2024 година.

Шишковски, кој е дете на Работнички, минатата година бранеше на сите мечеви за македонската репрезентација во Ц-дивизијата во Лигата на нации, а во Докса досега има 35 настапи. Поранешниот голман на Работнички во досегашната кариера беше дел од белгиски Гент, каде не запиша настап, а потоа мина кратки авантури во финските Лахти и Ропс.

Македонскиот голман се огласи пред првиот натпревар на ЕП

Ивана Ефремовски — Thu, 10 Jun 2021 11:46:40 +0000

Голманот на македонската фудбалска репрезентација Дамјан Шишковски очекува тежок натпревар в недела против Австрија во 1. коло од Ц-групата на Европското првенство. – Австрија е силна репрезентација со корпулентни фудбалери. Негуваат германски фудбал. Најголем дел од нив играат во германскиот шампионат. Ќе бидат опасни на прекини. Затоа мора да сме подготвени на силни дуели. За да немаме проблеми ќе треба да освоиме голем дел од дуелите. Ние одработивме добри подготовки. Атмосферата во тимот е одлична. Сите што ќе излезат на теренот в недела ќе дадат максимум, последен атом од нашите сили за добар резултат, а за мене добар резултат е победа, истакна Шишковски. Според него, од поразите од Австрија во минатото, треба да се научени грешките. – Овој меч ќе биде различен од квалификациските средби. Почнуваме од нула. Ќе излеземе на теренот мотивирани да покажеме дека сме подобри од нив. Се надевам дека ќе го имаме најсреќниот ден на репрезентацијата, истакна Шишковски. Натпреварот в недела (13 јуни) ќе се игра на „Национална арена Букурешт“ со почеток во 18 часот. (МИА)

Шишковски се врати во Работнички

Дарко Андоновски — Sat, 20 Jul 2019 13:32:15 +0000

Голманот Дамјан Шишковски потпиша едногодишен договор со Работнички, а од денеска му се става на располагање на тренерот Александар Влахо. Шишковски замина од Работнички во финскиот клуб Лахти во зимскиот преоден рок во 2018 година, а изминатава сезона беше член на Ропс, за кој настапуваше и во квалификациите за Лигата на Европа. Откако завршија неговите обврски со финскиот клуб, сега комплетно е на располагање на тренерот Влахо, соопштија од клубот. „РОмантичарите“ утринава заминаа на подготовки во Банско. Таму ќе одиграат четири пријателски натпревари, а противници се израелските клубови Хапоел Нир Рамат Хашарон (21 јули) и Хапоел Рамат Ган (24 јули), бугарскиот тим Септември (26 јули) и Алтин Асир (27 јули) од Туркменистан.