Дамјан Стојановски – Kurir.mk

Браќата Стојановски ќе го носат дресот на МЗТ Скопје и во новата сезона

Бошко Тасиќ — Sat, 29 Jul 2023 06:25:16 +0000

Македонските кошаркарски репрезентативци Дамјан и Војдан Стојановски ќе го носат дресот на МЗТ Скопје и во натпреварувачка сезона 2023/2024. Дамјан веќе долго време е дел од тимот од Аеродром и е симбол на клубот, капитен без кој не може да се замисли екипата. Тој иста како и неговиот брат близнак Војдан имаат договори и за следната сезона, па дефинитивно ќе бидат клучот во остварување на целите, амбиците на „штрковите“. Покрај нив тука ќе биде и Андреј Андоноски од кого се очекува да блеска и покаже многу повеќе во блиска иднина. Претходно МЗТ потврди дека предводник останува Васко Атанасов, а воедно најави дека ќе соопшти вести за новите ангажмани, засилување веднаш штом се постигне договор со истите.

Војдан и Дамјан остануваат во МЗТ Скопје

Бошко Тасиќ — Thu, 13 Jul 2023 04:37:35 +0000

Како што пренесува спортскиот портал СПОРТМЕДИА во дресот на МЗТ Скопје останува братскиот тандем, капитенот Дамјан Стојановски и Војдан Стојановски. Дамјан во МЗТ Скопје е од 2012 година, тој е заштитен знак на овој клуб. Низ годините беше една од главните причини за доминацијата на тимот од Аеродром, како и титулите кои ги освои. Војдан, кој после повеќе од една деценија се врати во македонскиот шампионат, на дело покажа зошто е еден од најдобрите кошаркари на денешницата. Капитенот на македонската репрезентација е пример за идните генерации, како треба да изгледа еден професионалец на теренот, и надвор од него. Тој во финалето на плеј-офот беше нерешлива енигма за Пелистер, битолчани немаа решение за неговата шампионска игра. Војдан сезоната што измина беше прогласен за МВП на финалето и Купот на Македонија. МЗТ Скопје ростерот ќе го гради со домашни играчи, а потоа ќе се решава прашањето за странски засилувања. foto: sportmedia.mk

МЗТ Скопје го продолжи договорот со Дамјан Стојановски

Бошко Тасиќ — Fri, 08 Jul 2022 19:12:11 +0000

Легендата на македонската кошарка Дамјан Стојановски го продолжи договорот со МЗТ Скопје на уште една сезона. Таа ќе биде десетта за него во тимот со кој освои седум и ќе атакува на осмата шампионска титула. Стојановски е осми кошаркар од составот кој триумфираше последната сезона што останува во клубот (заедно со Бојан Крстевски, Дамјан Робев, Адем Мекиќ, Бре Ајви, Марко Спасовски, Димитар Иванов и Бојан Величковски), а прв кој го продолжува договорот од оние на кои им истекува.

Дамјан Стојановски: МЗТ со помош на публиката може до пласман во АБА1 лигата

Бошко Тасиќ — Sun, 10 Apr 2022 22:06:57 +0000

Најважниот дел од сезоната за кошаркарите на МЗТ Скопје Аеродром допрва претстои. Тоа е плејофот во АБА2 лигата, чиј домаќин ќе биде токму македонскиот шампион. На турнирот што ќе се игра во СЦ Јане Сандански од 13 до 17 април, сино-белите во четвртфиналето за противник ќе ја имаат црногорската екипа Сутјеска од која во регуларниот дел од сезоната (8 коло турнир Бања Лука) загубија со еден поен разлика. . „Поразот во првиот меч не мотивира повеќе, да потврдиме дека сме подобар тим од Сутјеска и дека тоа беше сало лоша среќа. Но, натпреварот што претстои ќе биде многу поинаков. Влогот е голем, се игра само еден натпревар, нема прво на грешка, па затоа мораме да бидеме максимално фокусирани и да ги спроведеме сите договорени задачи“, вели капитенот Дамјан Стојановски. Поддршката од трибините ќе биде од голема помош, па Стојановски верува дека и овојкат ќе биде така. „Знаеме дека со поддршката од нашите верни навивачи секогаш да одиграме многу подобро. Со нивната поддршка сме се враќале и од безизлезни ситуации и сме победувале, а потоа и заедно радувале. Верувам дека и овојпат ќе биде така и дека со нашите навивачи ќе може да прославиме пласман во прволигашкото друштво“, додава Дамјан. Веќе неколку дена се пуштени во продажба влезниците не само за поединечните натпревари, туку и како блок карти за сите дуели. А, првиот кошаркарите на МЗТ ќе го имаат во среда од 18 часот за кога е закажан мечот со Сутјеска.

МЗТ Скопје без Дамјан Стојановски во Бања Лука

Бошко Тасиќ — Sun, 06 Feb 2022 16:09:03 +0000

Капитенот на МЗТ Скопје, Дамјан Стојановски ќе го пропушти четвртиот турнир од АБА 2 лигата што од денеска до сабота ќе се одржи во Бања Лука. Искусниот репрезентативец се повреди на претходниот меч од домашното првенство, против Куманово и воопшто не отпатува со остатокот од тимот за БиХ. Станува збор за повреда на скочниот зглоб која бара малку подолг одмор и Дамјан нема да може да помогне во обидот да се нападне првото место на табелата во АБА 2 лигата. Војдан е со екипата и ќе биде во комбинација за утрешниот меч со Сутјеска, а ако нема дополнителни проблеми, двајцата ќе бидат на располагање на тренерот Радуловиќ за завршницата од Купот на Македонија, што се игра од 18 до 20 февруари.

Дамјан Стојановски нема да настапи за националниот тим во претквалификациите за СП

Бошко Тасиќ — Wed, 23 Jun 2021 14:59:24 +0000

Македонскиот национален тим ќе биде значително ослабен во претквалификациите за Светското првенство што ќе се одржат во август во Скопје. Покрај Војдан, кој е повреден и ќе мора да паузира уште најмалку три месеци, новиот селектор Драган Бајиќ не може да смета ни на Дамјан Стојановски кој го откажал својот настап во овој циклус. Тоа не значи дека тој нема повеќе да игра за националниот тим. „Дамјан Стојановски ни соопшти дека нема може да игра во овие претквалификации. Другите, на кои ќе смета Бајиќ, се надеваме дека ќе бидат на располагање и заедно ќе обезбедат пласман во главните квалификации за Мундијалот“, вели Тодор Гечевски, директор на КФСМ. Според планот, подготовките ќе почнат на 12 јули, но на почетокот ќе тренираат помладите кошаркари кои треба да се наметнат кај Бајиќ. Претквалификациите се играат од 12 до 18 август во Скопје, а противници на Македонија се Словачка и Швајцарија.

Дамјан Стојановски МВП на финалето од Купот на Македонија

Бошко Тасиќ — Sun, 16 May 2021 17:53:01 +0000

Дамјан Стојановски кошаркарот на МЗТ Скопје беше прогласен за најкорисен играч на завршницата на турнирот во кошарка. Македонскиот репрезентативец дуелот го заврши со 19 постигнати поени Ова за него беше трето МВП признание во кариерата, а како кошаркар го освои седмиот трофеј во Купот на Македонија.. МЗТ го освои десеттиот Куп-трофеј, а сега е фокусиран на домашната сцена каде следи плеј-офот.

Дамјан Стојановски не е сериозно повреден, најверојатно ќе настапи на мечот со Италија

Бошко Тасиќ — Sun, 21 Feb 2021 08:00:02 +0000

Македонскиот кошарарски репрезентативец Дамјан Стојановски има повреда на скочниот зглоб на левата нога, но не е од посериозен карактер. По неколку третмани кои ги направи лекарскиот тим досега, а ќе ги има и до пред почетокот на следниот натпревар во „балонот“ во Перм, очекувањата се дека искусниот бек-шутер ќе биде подготвен за следниот меч. Дополнителните прегледи не покажале сериозно оштетување на лигаментите, па кошаркарот ќе му се стави на располагање на селекторот Александар Тодоров за мечот против Италија кој ќе се игра денес попладне, со почеток од 13:00 часот. Македонија во Перм доживеа два порази од Италија и Русија, па ќе мора да оди на победа на следните две средби доколку сака пласман на Евробаскетот наредната година.

Дамјан Стојановски : Немаме многу избор, ќе се обидеме да се пласираме

Бошко Тасиќ — Mon, 15 Feb 2021 18:41:46 +0000

Машката македонска кошаркарска репрезентација утринава отпатува за Перм, Русија каде ќе го одигра последниот круг од квалификациите за пласман на ЕП .

Со утринскиот чартер лет од Скопје, нашата експедиција во Перм треба да пристигне во вечерните часови по локално време. Во наредните два дена селекторот Тодоров ќе може да ги направи последните подготовки со тимот во кој утринава се приклучија интернационалците од Шпанија, Димитриевиќ и Ѓуроски.

„Да, одлична вест е дека сите повикани кошаркари се појавија на повикот, работевме заедно од првиот па се до последниот тренинг во Скопје, и се надевам дека сите ќе бидеме здрави, и дека одиме во Русија во полн состав. Четири натпревари во пет дена е многу напорно темпо. Но немаме многу голем избор. Токму поради тоа е добро што се јавија сите повикани играчи за секој да помогне за пласман на Европско првенство“, изјави Дамјан Стојановски.

Првиот дуел, против Италија на програмата е во четврток по што ден подоцна следува средбата со Русија. По денот за одмор (сабота) во недела повторно ќе играме против Русите, а во понеделник е дуелот против Естонија директниот конкурент за пласман на Европскиот шампионат

Трето коло по ред МЗТ го има најдобриот играч во АБА2-лигата

Ивона Петрова — Thu, 17 Oct 2019 11:12:31 +0000

Третата победа по ред на МЗТ Скопје Аеродром во АБА2-лигата, остварена во вторникот на домашен терен против Рогашка (74:54), го донесе и третото во низа индивидуално признание за најкорисен кошаркар на колото. По Нуни Омот и Џабари Хиндс, овој пат МВП-наградата заврши во рацете на Дамјан Стојановски, кој средбата против словенечкиот тим ја заврши со 18 поени, девет скока и пет украдени топки. Во следното коло МЗТ Скопје повторно ќе игра на домашен терен. Во СЦ „Јане Сандански“ доаѓа Борац Чачак кој иста така има максимални три победи во досегашниот тек од сезоната во АБА2-лигата.