данела арсоска – Kurir.mk

Арсовска: Шилегов го почнал мостот на булевар АСНОМ без визија како ќе го реализира, има нерешени над 150 имотноправни односи, мостот ќе се доврши, но прво да се решат истите

Тале Кристо — Wed, 22 Dec 2021 14:38:28 +0000

Шилегов почнал да го гради мостот на булевар АСНОМ без никаква визија и план кога тој ќе заврши и како ќе се поврзат двете страни затоа што постојат нерешени над 150 имотноправни односи, информираше градоначалничката на град Скопје, Данела Арсовска одговарајќи на новинарски прашања по денешната конститутивна седница на ЗЕЛС на која беше избрана за претседателка. - Што се однесува до мостот моето објаснување беше јасно и концизно, некој почнал да гради мост без да има решено над 150 имотноправни прашања од кои голем дел се влезено во спорни побарувања измеѓу физички и правни лица кои немаат врска со градот, односно нешто кое граѓаните прво треба меѓу себе да го разрешат па да се пристапи кон експропријација, рече Арсовска. Таа посочи дека проектот ќе се реализира, но за динамиката не може да се гарантира затоа што Шилегов почнал проект кои не знаел како ќе го реализира. - Мостот ќе се доврши, но во оваа фаза треба да се потрудиме да се решат овие имотноправни спорови кои во овој момент ги има на лице место, за тој да биде поврзан. Не е проблем изградбата, тој ќе биде изграден. Поврзувањето од двете страни е нешто кое што има повеќе имотноправни спорови. Треба да се знае дека некој го почнал без да има јасна цел и визија и да знае за колку време ќе биде реализирано, потенцираше Арсовска:

Арсовска: Како претседател на ЗЕЛС ветувам дека заедно со градоначалниците ќе ги застапуваме интересите на граѓаните

Тале Кристо — Wed, 22 Dec 2021 14:30:02 +0000

Ви се заблагодарувам денеска што сте тука на конститутивното Собрание кое што се одржа на ЗЕЛС. Би сакала да ве информирам дека ЗЕЛС како организација која што ги обединува сите 81 општина во Македонија , денеска Управниот одбор практично ми ја даде едногласно својата доверба во следниот четиригодишен мандат да го водам ЗЕЛС како негов претседател. А, едновремено избрани беа и двајцата потпретседатели и тоа господинот Висар Ганиу кој што е градоначалник актуелен на општината Чаир, и градоначалникот на општината Валандово Перо Костадинов“, истакна Данела Арсовска, градоначалничка на град Скопје денес при својата изјава за медиуми. Арсовска додаде дека она што е значајно е дека при состанокот се дискутираше дека во текот на четиригодишниот мандат ќе се посветат сите поинтензивно на децентрализација која што се одвива повеќе години наназад. И овој процес треба до следниот четиригодишен период да обезбеди поголема финансиска стабилност на локалната власт и секако преземање на нови и поголеми надлежности на единиците на локалната самоуправа. -Верувам дека ќе имаме можност да покажеме и да докажеме како ЗЕЛС, како организација која што ги обединува сите 81 општина во Македонија дека ќе можеме како и денешниот ден едногласно да ги носиме одлуките, да ги застапуваме интересите на граѓаните кои што сега во овој момент ни ја дале својата доверба и дека ќе овозможиме во следниот четиригодишен мандат да ги реализираме сите проекти, појасни Арсовска.

Арсовска: Дивите депонии се еден од најголемите проблеми за загадувањето на воздухот, ние ќе ги санираме за точно 82 дена

Ивона Петрова — Tue, 05 Oct 2021 05:34:32 +0000

Независната кандидатка за градоначалник на Град Скопје, Данела Арсовска која истовремено е подржана и од ВМРО-ДПМНЕ и Коалицијата за Обнова на Македонија како и од албанската опозиција Алијанса за Албанците и Алтернатива, синоќа на ТВ ШЕЊА објасни како таа како градоначалник ќе се справи со загадувањето, проблем кој најмногу ги мачи скопјани. Во врска со загадувањето Арсовска посочи дека ниту еден проблем кој што не се решава системски да не се повторува, не е решен проблем. - Ниту еден проблем кој што не се решава системски да не се повторува, не е решен проблем, затоа што ние во една година можеби ќе имаме среќа да има ветришта низ градот и навистина воздухот да не е толку загаден како што бил претходната година, меѓутоа, тоа не е системско решение, тоа е добрата волја на природата дали ќе ни дозволи да се труеме или не. Има решение за се. Знаеме кои се главните загадувачи, има начин ова што кажавте за домаќинствата, со субвенционирање и со инстант решение ние не можеме да решиме проблем кој што е навистина голем, рече Аросовска. Според неа за решение на проблемот со загадувањето најпрвин треба да се свртиме кон гасификацијата, нешто што актуаелната локална власт го вети а не го исполни. -Најпрвин треба да свртиме кон гасификација на домаќинствата, ветувано а неисполнето. Јас знам дека има можност тоа да се реализира и да биде за доброто на сите скопјани. Понатаму делот каде што може да разговараме за алтернативни начини е и поврзувањето на постојната мрежа за топлификација, има навистина многу потенцијал и има како да се приклучат граѓаните. Меѓутоа и алтернатива со гасификацијата треба да им се понуди. Така да, јас верувам дека на граѓаните треба да им се понуди системско решение, посочи Арсовска. Арсовска напомена дека едно од клучните прашања за решавање на проблемот со загадувањето се дивите депонии, но исто така истакна дека со еколошките автобуси може делумно да се реши овој проблем. -Со еколошките автобуси делумно ќе се реши овој проблем. Со намалувањето на бројот на користење на автомобилите во сообраќајот повторно ќе се намали овој проблем. Едно од клучните прашања, јас сметам дека во Скопје има толку голем број на диви депонии кои што постојано согоруваат отпад што можеби е еден од најголемите причинители на ова што ни се случува сега, односно што депониите не се расчистени. Јас видов ете господинот Петре пред некој снимил така еден убав спот кај што вели исчистивме една дива депонија и го покажува потегот кај железничка станица. Извенете но тоа не е дива депонија, тоа е место каде што граѓаните случајно фрлале отпад или имало отпад. Дива депонија е Вардариште, диви депонии се депониите во Ново Село и да не ги набројувам сега сите. Секаде каде што отидовме има толкави диви депонии кои што се согоруваат и кои што го загадуваат воздухот и директно ни го нарушуваат здравјето и животот на сите кои што живееме во овој град. Во мојата програма санирањето на овие диви депонии ќе се случи за 82 дена, за точно 82 дена, рече Арсовска.