данела арсовски – Kurir.mk

Арсовска: Град Скопје нема да го исклучува јавното осветлување на булеварите, безбедноста и сигурноста на граѓаните мора да бидат на првото место

Тале Кристо — Mon, 29 Aug 2022 17:17:05 +0000

„Градот Скопје по ниту една цена нема да го исклучи јавното осветлување на булеварите и сите делници коишто се под градска надлежност. Во однос на штедењето отпочнавме со малку поинаков пристап, штедиме секаде онаму каде што можеме, но не на штета на граѓаните. Тоа значи дека безбедноста и сигурноста на граѓаните мора да бидат на првото место”, вели градоначалничката Арсовска во вечерашното гостување во Жешко политичко лето на Канал 5 ТВ. Арсовска објасни дека во изминатиот период градот работи на реформи и голем дел на средства се собрани од заштеди од јавните набавки преку електронски аукции, сериозна сума на средства заштедени што до сега не било случај во градот. „Направивме многу реформи во начинот на работа и значително штедиме. Сето она кое го заштедивме ќе остане во буџетот, за улицата Славка Динкова која ја промовиравме минатата недела, дури 32% имаме заштеда на проценетата вредност. На улицата Бутелска заштедата е над 40%. Сите средствата коишто ги штедиме ќе овозможиме скопјани да имаат јавно осветлување на градските улици и булевари”, појасни Арсовска. Според неа, безбедноста и сигурноста на скопјани треба да биде на прво место, имајќи во предвид дека дел од општините почнаа да ги гасат своите јавни осветлувања. „Доколку прашате било кој што живее во Скопје дали сака да шета во вечерните часови во целосен мрак, јас сум сигурна дека ќе ви каже дека не сака да шета во мрак бидејќи така се чувствува небезбедно и несигурно”, вели таа.

Mинистерката за култура бега од средба со Арсовска!

Тале Кристо — Wed, 23 Feb 2022 16:16:49 +0000

Град Скопје и градоначалничката Данела Арсовска ја поканија министерката за култура Бисера Костадиновска – Стојчевска на средба на која ќе ѝ ги објаснат системските пропусти и неправилности на проектот за реконструкција на Универзалната сала. Исто така побараа од министерката лично да гарантира за безбедноста на објектот. Инфомакс испратиле прашање до Министерството „дали министерката ќе ја прифати средбата за запознавање со неправилностите во проектот и дали министерката Стојчевска лично ќе ја гарантира безбедноста на Универзална сала, како што побараа од неа од Град Скопје?“. Ги пренесуваме одговорите на Минситерството во целост: “Почитувани, повелете одговори на вашите прашања: За министерката за култура Бисера Костадиновска-Стојчевска констатира, јавното обраќање на градоначалничката Данела Арсовска е партиско соопштение испратено на меморандум на Град Скопје. Тоа не е формат на официјална покана за средба помеѓу градоначалничка и министерка. Гаранции при реконструкција на кој било објект, па и на Универзалната сала издаваат надлежни институции. Со почит, Министерство за култура” Дадените одговори насочуваат кон мислата дека средба во догледно време нема да има, ниту некој ќе гарантира за безбедноста на Универзална сала.

ДНК со поддршка за Данела Арсовски

Ристе Здравков — Wed, 27 Oct 2021 11:50:02 +0000

Денеска заедно со Андреј се сретнавме со независната кандидатката за градоначалник на Скопје, госпоѓата Данела Арсовска. Поразговаравме на неколку различни теми меѓу кои и темата која највеќе не засега нас и сите наши колеги од Македонската сцена, напиша на Фејсбук, Владимир Блажев од групата ДНК. Разговаравме и се сложивме околу тоа дека Македонските артисти треба да се позастапени низ градот убав поготово оние алтернативни и кавер бендови кои имаат помали можност да настапат пред јавноста или на комерцијални места. Дојдовме до заклучот и ветување од нејзина страна дека ако стане градоначалнчка односно “Мајка” на Скопје ќе реализира повеќе културни настани вклучувајќи многу повеќе Македонски изведувачи. Се сложи и со тоа дека кај Македонските артисти има многу квалитетни изведувачи и дека ќе настојува да ги ангажира согласно видот и потребите на настанот. Странски гости се секогаш добредојдени но исто така треба да си го цениме своето, домашното, Македонското. Исто така ни вети дека ќе се погрижи Скопје да биде почисто, позелено и место во кое што сите граѓани ќе се чуствуваат безбедни, истакна Блажев. Ние ја држиме за збор и се надеваме дека ќе ја видиме како градоначалничка, односно “МАЈКА” која ќе се грижи подеднакво за сите граѓани на Скопје. Да не заборавиме дека мајка си е мајка, татко може да биде секој, додаде тој. ПС: Ни ја пофали и нашата последна песна “Сите Патиша” за која кажа дека и будела убави спомени од детството и ја вратила во времето на нејзиното безгрижно детство и на другарите со кои пораснала и со кој и ден, денес комуницира.