данев – Kurir.mk

Данев: За зголеменото нездоволство во образовниот систем одговорна е актуелната влада

Тале Кристо — Sun, 15 Dec 2019 20:05:09 +0000

Има пад во доверба во образовниот систем за времето на оваа власт, или процентот на незадоволство оди од 46,3 проценти на 51,6 процент. За овој тренд одговорна пред се е владеачката гарнитура, рече Драган Данев, пратеник од ВМРО-ДПМНЕ кој гостуваше на телевизија Сител. -Претходно се направи компјутеризација и дигитализација во образованието, зголемување на средства за стипендиии, воведување на светски познати програми, модерно опремени лабораториии во високо образовниот систем и друго. Денес нема ништо, нема дополнителен поттик, на пример нема поголем број на стипендии. Сега имаме само некои законски измени и ништо друго, се застана, нема никаков проект, рече Данев. Според него очекувањата на граѓаните беа огромни, бидејќи СДСМ во предизборието рече дека еден од приоритетите е образованието, и доживеаја фијаско. -Сега имаме влада која крати, при ребалнас на Буџетот пред два месеци, 14 милиони евра во делот на образование. Каде е ставено воопшто образованието на агендата на оваа влада, праша Данев.

Данев: Во образованието не ни треба политикантсво

Тале Кристо — Sun, 15 Dec 2019 19:52:22 +0000

Не треба да сме задоволни со резултатите од ПИСА тестирањето. Не гледам дека има сериозно подобрување. Подобрена е само техниката на тестирање, констатираше пратеникот од ВМРО-ДПМНЕ, Драган Данев на гостувањето на дебатата на телевизија Сител. Според него за квалитет ни треба општествена мобилизација и како што вели „да не применуваме политикантство, туку да дадеме се од себе за квалитетен образовен процес“. -Мора да се земе во предвод фактот дека сега се вклучени и земји кои претходно не биле вклучени во тестирањето како Азербејџан, Мароко, Панама и други, оттука не значи дека поради ваквото рангирање сме и нешто подобри. И ако ги видите резултатите нема подобрување во читање и математика, само за 0,5 проценти сме подобрени во наука, посочи Данев. Тој се осврна и на најавата за транспарентност во оваа област, образовната која е многу важна. -Законот за основно образование во сите фази помина за десеттина дена во летен период, а ветија транспарентност и дебата, посочи Данев. Ова не е начин да се оди напред кога станува збор за образовниот систем, рече Данев кој укажа дека Македонија едноставно треба да гради свој образовен систем со позитивни светски пракси.

Данев: Време е граѓаните да дадат свое мислење за работата на двоецот СДСМ-ДУИ

Дарко Андоновски — Sun, 11 Aug 2019 12:49:46 +0000

Пратеникот од редовите на ВМРО-ДПМНЕ, Драган Данев ја потсетува јавноста за тоа што се во 2016 година ветуваше СДСМ со нивниот „План за живот во Македонија“, притоа прикажувајжи ја и фактичката состојба од тригодишното владеење на СДСМ -Ветување: " Ќе ги зголемиме платите на наставниците и професорите,со тоа што за ДВЕ ГОДИНИ ќе ја изедначиме почетничката наставничка плата со просечната плата во државата. " Реализација: Јуни-2019(третта година власт) Почетничка наставничка плата - 21500 Просечна плата во државата -25500 Заклучок:" ВЕТЕНО-СТОРЕНО" Решение: Значаен параметар во развојот на образовниот систем покрај современа образовна инфраструктура,современи образовни програми и помагала,среќни и задоволни ученици е и МОТИВИРАНИ НАСТАВНИЦИ! П.С. Флоскулата "нема доволно пари" - сега во контекс на актуелните случувања е само флоскула! Пари јасно е дека има но распределбата треба да биде во правец на обезбедување квалитетна иднина за сегашните и идните генерациии! Време е граѓаните да дадат свое мислење за работата на двоецот СДСМ-ДУИ на ВОНРЕДНИ ПАРЛАМЕНТАРНИ ИЗБОРИ!, пишува на својот Фејсбук профил претеникот Данев.