дани алвес – Kurir.mk

Алвес не е нималку нежен: Двајца „кариоки“ ги почувствуваа крампоните на ветеранот!(ВИДЕО)

Ристе Здравков — Wed, 16 Nov 2022 17:30:16 +0000

Според многумина селекецијата на Бразил е еден од главните кандидати за златниот медал на Светското првенство во Катар, кое започнува оваа недела. Селекторот Тите неодамна го објави списокот на „кариоките“, а на него се најде 39-годишниот Дани Алвес, еден од најдобрите дефанзивци на сите времиња, сега член на мексиканскиот Пумас. Повикот на Алвес предизвика бројни контроверзи во фудбалската јавност во Бразил и пошироко, бидејќи многумина веруваат дека неговите најдобри денови се во далечното минато и дека повеќе не е на нивото на репрезентацијата. Дополнителен скептицизам предизвикаа снимките и фотографиите од тренингот на репрезентацијата, на кои Алвес многу грубо ги фаулира соиграчите. Неговите крампони ги почувствуваа Педро и Рафиња, но засега нема информации за повреди во бразилската репрезентација. Видеото погледнете го ТУКА Бразил во Катар е сместен во групата Г, заедно со Швајцарија, Србија и Камерун.

Алвес со порака за разделбата со Барселона: Лавот останува лав…

Ристе Здравков — Wed, 15 Jun 2022 20:38:43 +0000

Барселона реши да не ја продолжува соработката со Дани Алвес, па бразилскиот ветеран вторпат во кариерата ќе се раздели со каталонскиот гигант. Клубот денеска му ја соопштил одлуката на Алвес, за подоцна фудбалерот преку социјалните мрежи да се збогува со фановите, испраќајќи специјална порака во негов стил. – Дојде време за разделба, осум години му бев посветен на клубот и неговите бои. – Но, како и се друго во животот, годините проаѓаат, патиштата се разидуваат, а приказните се пишуваат на некои други места. Се обидоа да ме отпишат, не можете да замислите колку сум отпорен, нели? – Се надевам дека нема да ви недостасува мојата лудост, на оние кои остануваат од срце им пожелувам да испишуваат историја на клубот. Светот нека не заборава, лавот дури и ако има 39 години се уште останува луд лав, – напиша Алвес во својата долга порака објавена покрај видеото на Инстаграм.

View this post on Instagram

A post shared by Daniel Alves (@danialves)

Дани Алвес се врати во Барселона

Бошко Тасиќ — Fri, 12 Nov 2021 22:37:40 +0000

Бразилскиот фудбалер Дани Алвеш, повторно се врати во каталонскиот клуб за да му помогне на тимот кога е најтешко. Информацијата ја официјализираа од клубот, од каде посочија дека е постигнат договор со Алвес да игра за Барселона до крајот на актуелната сезона. Но, играчот нема да може да игра до месец јануари, затоа што не постои опција да се регистрира. Алвес од следната седмица ќе биде присутен на тренинзите на Барселона, а повеќе детали ќе бидат откриени на презентацијата на играчот пред медиумите.

Алвес ги повика соиграчите од репрезентацијата добро да се подготват за полуфиналето на Купот на Америка

Ивана Ефремовски — Fri, 28 Jun 2019 11:10:46 +0000

Капитенот на бразилската фудбалска репрезентација Дани Алвес по четвртфиналниот меч на Купот на Америка со Парагвај (0:0, 4:3 на пенали) ги повика соиграчите добро да се подготват за следниот меч. -Играчите на бразилската репрезентација сфатија дека денес е неопходно да се биде совршено подготвен тактички за Парагвај кој беше тежок ривал. Ние сме во одлична физика кондиција, нема да дозволиме опуштање. Било кој д ани се падне во полуфиналето ќе бара да бидеме добро подготвени. Треба да размислуваме во таа насока. Сега сме чекор поблиску до целта, а тоа е трофејот, истакна Алвес. Бразил кој е домаќин на купот, во полуфиналето ќе игра со подобриот од дуелот меѓу Аргентина и Венецуела.

Скандалозна изјава на Алвес по смртта на Астори: Дали сме потресени? Не сме!

Ивана Ефремовски — Tue, 06 Mar 2018 09:36:05 +0000

Пари Сен Жермен вечерва го пречекува Реал Мадрид во реванш дуелот од осминафиналето во Лигата на шампионите. Дани Алвес даде свое видување за трагичниот настан во Италија, откако доби прашање дали во ПСЖ се потресени поради смртта на Астори. -Дали сме потресени? Не сме. Можеби затоа што не бевме премногу блиски со него, не го познававме доволно добро. Сочуство за семејството, навистина ми е жал. Јас размислувам за животот, сите сме тука со некоја цел. Кога ќе го завршиме тоа, одиме на другиот свет. Можеби, во овој хаотичен свет, Давиде направи тоа што можеше, а сега сигурно е на подобро место, вели дефанзивецот на ПСЖ. Алвес сурово потсети дека во светот секојдневно умираат многу деца, а за тоа на никој не му е грижа. -Во светот, поради глад и други причини, дневно умираат илјадници деца низ целиот свет, но не добиваат доволно внимание, а еднакво се важни. Едноставно како на никој да не му е грижа. Она што сакам да го кажам е дека сега сме тука, но ќе дојде моментот кога сите ќе умреме, порано или подоцна. Жал ми е за семејството на Астори, слушнав дека бил многу сакан и почитуван. Секако дека ми е жал бидејќи починал човек кој се занимавал со истата работа како и јас, но ние кои не сме биде доволно поврзани и блиски со него, не сме многу потресени, објасни Алвес.