Дани Олмо – Kurir.mk

Реал Мадрид тргна по Дани Олмо

Бошко Тасиќ — Tue, 11 Apr 2023 04:20:13 +0000

Реал Мадрид сака да го засили составот со шпанскиот репрезентативец Дани Олмо. Клубот се уште не стапил во преговори за потпис на 24-годишниот играч за врска би бил одлично решение за следната сезона. Олмо е во Лајпциг од јануари 2020 година. Оваа сезона одигра 23 натпревари во сите натпреварувања, постигнувајќи четири гола и шест асистенции. Фудбалерот е подготвен да го продолжи договорот со Лајпциг само доколку клубот се пласира во Лигата на шампионите. Во спротивно, сериозно ќе ја разгледа опцијата за преселба во Ла Лига.

Хорор за шпанскиот репрезентативец – Го нападнаа разбојници, брат му заврши во болница

Бошко Тасиќ — Sun, 19 Jun 2022 19:33:11 +0000

Шпанскиот фудбалски репрезентативец Дани Олмо преживеа хорор во Валенсија каде е на одмор, откако го нападнаа разбојници пред фризерски салон и му украдоа часовник вреден околу 30 илјади евра, а брат му е повреден и заврши во болница. Олмо излегол од фризерскиот салон и бил нападнат од непозната група, а со него бил и неговиот брат, кој се обидел да им се спротивстави на криминалците и со полесни повреди завршил во болница. Олмо останал без часовникот, но што е најважно не е повреден, а и неговиот брат по укажаната помош е пуштен од болница.

Барселона договори големо засилување

Бошко Тасиќ — Sat, 04 Sep 2021 07:17:26 +0000

Шпанскиот фудбалски гигант Барселона ќе ги добие услугите на Дани Олмо, својот поранешен талент кој ја напушти познатата школа „Ла Масија“ како 16-годишен тинејџер. Новинарка на шпанскиот медиум „Ла секста“ тврди дека условите за големиот трансфер се договорени, ѕвездата на Лајпциг прифатила пониска плата и сé ќе се комплетира во 2022 година. Каталонците се обидоа да го доведат Олмо на „Камп ноу“ и во последните денови од летниот преоден рок, но не беа во можност да ја исплатата бараната сума од 75 милиони евра. По сите изгледи трансферот сепак толку ќе чини, а останува да се види дали Олмо ќе се врати во Барселона уште на полусезона, односно во јануари, или пак ќе се чека следниот летет пазарен период.

Шпанецот од Динамо З. пред трансфер: Олмо се сели во Лајпциг

Тале Кристо — Fri, 24 Jan 2020 20:56:37 +0000

Талентираниот шпански фудбалер од редовите на Динамо Загреб, Дани Олмо пристигна во Лајпциг каде го делат само лекарски прегледи до трансфер во екипата на Ред Бул. Според германските медиуми, вредноста на трансфер ќе биде 35 милиони евра со што ќе биде соборен балканскиот рекорд на Лука Модриќ за кого Тотенхем им плати 21 милион евра на раководството на „модрите“. Олмо во изминатите шест години го носеше дресот на Динамо Загреб на кој се придружи од младинскиот погон на Барселона. Одличните партии за хрватскиот шампион и за младата шпанска репрезентација, но и А тимот на „црвената фурија“ го направија во еден од најбараните играчи на европскиот пазар. Инерес за неговите услуги имаа гиганти како Манчестер сити, Барселона, Милан, но предност најупорен и најконкретен се покажа Лајпциг.