Норвешкиот ски скокач Танде пуштен на домашно лекување

Дарко Андоновски — Tue, 13 Apr 2021 17:14:02 +0000

Норвешкиот репрезентативец во скијачки скокови, 27 – годишниот Даниел Андре Танде, кој пред две и пол недели доживеа тежок пад на скокалницата во Планица по што во бессознание беше пренесен во болница, денеска е пуштен на домашно лекување, соопшти Норвешката скијачка федерација. Танде по падот беше хоспитализиран со скршена клучна коска и пробиено белодробно крило, а норвешкиот ски скокач мина неколку денови во болницата во Љубљана во индуцирана кома. На почетокот на април беше пренесен во болница во Осло каде му беше извршена операција на клучната коска. Неговата здравствена состојба во моментот се оценува како добра. Лекарот на норвешката репрезентација појасни дека Танде е пуштен на домашно лекување и оти ќе му бидат потребни неколку недели одмор и рехабилитација.

По тешкиот пад, норвешкиот ски скокач Танде во стабилна состојба

Тале Кристо — Fri, 26 Mar 2021 16:03:10 +0000

Здравствената состојба на норвешкиот ски скокач Даниел Андре Танде, кој вчера доживеа тежок пад на скокалницата во Планица, е стабилна и тој се наоѓа во болница во Љубљана. – Последните медицински прогнози се добри, се надеваме дека утре ќе биде уште подобар и оти веќе ќе може да комуницира со нас. Состојбата беше навистина тешка, Даниел беше во многу лоша состојба по падот, изјави денеска Клас Бреде Братен, спортскиот директор на норвешкиот тим во скијачки скокови. Братен особено ја потенцираше брзината со која на Танде му беше пружена помош, наведувајќи дека норвешкиот ски скокач бил пренесен во болница во Љубљана за само 59 минути по инцидентот. Танде на вчерашниот тренинг на скокалницата во Планица доживеа страшен пад, откако непосредно по скокот загуби контрола врз скиите по што падна на главата и со тешки повреди итно беше пренесен во болница.

Даниел Андре Танде – Kurir.mk

Норвешкиот ски скокач Танде пуштен на домашно лекување

По тешкиот пад, норвешкиот ски скокач Танде во стабилна состојба