Даниел Аврамовски – Kurir.mk

ВИДЕО: Аврамовски му се приклучи на Васовски, Сараево се пофали со опасниот македонски репрезентативец

Ивона Петрова — Tue, 08 Feb 2022 06:11:43 +0000

Даниел Аврамовски кариерата ќе ја продолжи во Сараево во БиХ каде тренер е Александар Васовски. Македонскиот репрезентативец кој има 28 години потпиша договор на две години со Сараево. -Среќен сум што дојдов во Сараево. Долго време бевме во контакт и среќен сум што постигнавме договор. Сакам да му помогнам на клубот да ги оствари целите и резултатите, со нетрпение ги очекувам натпреварите во овој дрес, изјави Аврамовски.

𝐎𝐏𝐀𝐒𝐍𝐀 𝐋𝐉𝐄𝐕𝐈𝐂𝐀 𝐈𝐙 𝐌𝐀𝐊𝐄𝐃𝐎𝐍𝐒𝐊𝐄 𝐑𝐄𝐏𝐑𝐄𝐙𝐄𝐍𝐓𝐀𝐂𝐈𝐉𝐄 𝐒𝐓𝐈𝐙̌𝐄 𝐔 𝐁𝐎𝐑𝐃𝐎 𝐃𝐑𝐄𝐒 💥 ➡ https://t.co/Lmi3S73qet #DanielAvramovski pic.twitter.com/wM7QW5vFqy
— FK Sarajevo (@FK_Sarajevo) February 7, 2022

Даниел Аврамовски потпиша за Сараево

Бошко Тасиќ — Sat, 05 Feb 2022 18:40:15 +0000

Македонскиот фудбалски репрезентативец, Даниел Аврамовски, кариерата ќе ја продолжи во Сараево. На трансферот на Аврамовски инсистираше новиот тренер на Сараево, Александар Васоски. Аврамовски, деновиве ќе им се приклучи на новите соиграчи во Анталија. Аврамовски од септември е без клуб, откако ја раскина соработката со Кајзериспор. 26-годишниот фудбалер кариерата ја започна во Работнички, има играно за Македонија ЃП, Црвена звезда, ОФК Белград, Олимпија, Војводина и Вардар.

Даниел Аврамовски: Ова е голем успех за сите нас

Бошко Тасиќ — Fri, 28 May 2021 15:57:59 +0000

Македонската фудбалска репрезентација продолжува со подготовките за континенталниот собир. Даниел Аврамовски кој беше дел од У21 селекцијата на ЕП во Полска, вели дека нашата селекција е подготвена да ги изненади сите противници и да стигне до самата завршница на овој собир. „Со У21 репрезентацијата настапив на Европско првенство, но сега возбудата е далеку поголема, затоа што играме на големо натпреварување со најдобрите селекции во Европа. Ова е голем успех за сите нас, а јас се надевам на добра претстава на шампионатот и посакувам добар резултат, бидејќи крајот го краси делото. Се надевам дека можеме да ги изненадиме сите репрезентации и да направиме голем успех. Ние сме професионалци и го даваме максимумот на сите натпревари, а како спортисти треба да се надеваме на голем успех и пласман во финале. Со нетпрение го очекуваме првиот натпревар, имаме позитивна трема, но имаме и голема желба да ја претставиме Македонија во најдобро светло“, вели Аврамовски.

ФОТО: Најдобриот играч на Вардар, нов член на турски Кајзериспор

Тале Кристо — Sat, 15 Aug 2020 10:44:15 +0000

Даниел Аврамовски е нов играч на Кајзериспор од Турција, новиот клуб на поранешниот напаѓач на Вардар, го доби речиси бесплатно, за само 150.000 евра по сезона. Најдобриот играч на Вардар од минатата сезона како слободен агент дојде во Турција, Кајзериспор доби добар напаѓач по симболична цена. Аврамовски во кариерата покрај за Вардар настапуваше и за Македонија ЃП и Работнички, Црвена Звезда, Војводина, ОФК Београд и Олимпија од Љубљана.

TRANSFER | Kayserispor, Vardar takımından Makedon futbolcu Daniel Avramovski ile anlaşma sağladı. pic.twitter.com/wtaChMDAqJ
— Kayserispor TV (@KayserisporTV) August 14, 2020

Замина и најдобриот стрелец: Аврамовски го напушти Вардар

Ивана Ефремовски — Mon, 10 Aug 2020 15:19:23 +0000

Поради финансиската криза која го тресе скопски Вардар, оваа сезона беше последна во дресот на „црвено-црните“ за Даниел Аврамовски. Тој дојде на Градски во зимскиот преоден рок 2019 година од екипата на Олимпија. Во „црвено-црниот“ дрес одигра вкупно 41 натпревар со постигнати 12 голови. -Фудбалскиот клуб Вардар на Даниел, кој беше интегрален дел од минатогодишната шампионска титула му се заблагодарува на досегашната соработка и му посакува многу успех во понатамошната кариера, соопштија од клубот. Засега не е познато каде Аврамовски би ја продолжил својата кариера. Тој започна во Работнички, откаде играше како позајмен во Македонија ЃП. Потоа замина во Црвена звезда и играше уште за ОФК Београд, пред да премине во Олимпија Љубљана. (МИА)