даниел крег – Kurir.mk

Да се прашуваше Даниел Крег, Џејмс Бонд ќе беше убиен многу пред филмот „No Time To Die“

Ристе Здравков — Wed, 14 Dec 2022 09:04:47 +0000

Како што е познато, Даниел Крег повеќе нема да го игра Џејмс Бонд по филмот „No Time To Die“. Да се прашуваше тој, тоа ќе се случеше порано. Односно, по филмот „Casino Royale“ од 2006 г. „Возев од берлинската премиера на Casino Royale со продуцентката Барбара Броколи. Искрено мислев дека ќе направам еден филм за Бонд и потоа ќе биде готово. Но, тогаш знаевме дека имаме хит. Сфатив колку е огромен, па затоа ѝ реков на Барбара: Уште колку? Три? Четири? Таа рече: Четири! Реков: Добро. Може ли да го убијам тогаш? Таа рече: Да“, изјави Даниел Крег за Sunday Times. Крег, на крајот, не сакаше повеќе да го игра Бонд. „Реков: „Тоа е тоа. Не сакам да правам ништо повеќе“, рече Крег за влегувањето во неговиот последен филм 007. „Вистинската трагедија е кога немаш апсолутно никаков избор. Моравме да најдеме начин неговата смрт да не биде избор. Тоа беше најсреќниот Бонд досега бидејќи го најде токму она што го бараше. Како и сите на Земјата, тој бараше љубов“, рече Крег. „Ако го убиеме Бонд, можеме да почнеме од почеток. Мислам дека тоа го мислеше и Барбара. Но, МГМ рече: „Што зборуваш? Дали си луд?” Имаше неподготвеност. Затоа, всушност, моравме да го направиме тоа во тајност”, рекол Крег.

Даниел Крег ја добива истата кралска чест како Џејмс Бонд

Ристе Здравков — Wed, 19 Oct 2022 11:46:07 +0000

Крег и Бонд се уште повеќе поврзани овие денови. Крег можеби заврши со портретирањето на тајниот агент 007, но наследството на ликот останува испреплетено со она на актерот. Принцезата Ана го одликуваше Крег (54) со „Орден на Свети Мајкл и Свети Џорџ“, британски орден за витештво основан во 1818 година. Тоа е истата чест што ја доби и неговиот измислен лик 007. На социјалните мрежи во вторникот беше споделена фотографија од кралското семејство кое му ја оддава честа на Крег. We’ve been excepting you („Ве очекувавме…“) се наведува во твитот. „Кралската принцеза му врачува на Даниел Крег орден на Свети Мајкл и Свети Џорџ – истата чест што ја има неговиот лик Џејмс Бонд – како признание за неговиот исклучителен придонес во филмот и театарот.“ Крег претходно беше именуван за почесен командант во Кралската морнарица на Обединетото Кралство, во септември 2021 година. Ликот Бонд исто така бил член на Кралската морнарица. Мандатот на Крег како Џејмс Бонд се прошири на пет филмови, вклучувајќи ги „Казино Ројал“ (2006), „Трошка надеж“, (2008), „Скајфол“ (2012) и „Спектре“ (2015). Тој се повлече од улогата со „Не е време за умирање“ од 2021 година.

Даниел Крег го коментира крајот нa својот последен филм како 007

Ристе Здравков — Wed, 09 Mar 2022 15:36:37 +0000

Ѕвездата на култниот серијал „Џејмс Бонд“, Даниел Крег, неодамна ги сподели своите размислувања за крајно неочекуваниот крај на најновиот No Time to Die („Не е време за умирање“). No Time to Die означи крај на ерата на Даниел Крег како Џејмс Бонд. Во неговото испраќање, Бонд на Крег не успева да излезе жив по лансирањето на проектил, а неговата штотуку откриена ќерка преживува. Во разговор со „Вараети“, Крег го сподели своето мислење за трагичниот крај на филмот. „Ако заабалежувате, на самиот крај на филмот, пишува ‘Џејмс Бонд ќе се врати’, така што сè е добро. Мислам дека најважното беше што сите се обидувавме да создадеме ситуација на трагедија. Идејата дека постои несовладлив проблем, дека во игра е поголема сила и дека никој ништо не може да направи за тоа. А поголемата сила е оружјето на Савин. И дека тоа го убива единственото нешто што Бонд го сака во животот – да биде со луѓето што ги сака, а не може да биде со нив – и затоа, не му останува ништо за што вреди да живее. И тој всушност би ги загрозил нивните животи, а тоа е последното нешто што сака да се случи“. „Тој елемент беше неверојатно важен да оди до крај, бидејќи не можеше да биде случаен чин. Мораше да има тежина – без неа, немаше да биде добро. Ќе баравме друг начин да ставиме крај“. Крег се присети на еден разговор со продуцентката. “Ја прашав на Барбара колку вакви филмови треба да снимам, таа одговори четири“. „В ред. Може ли да го убијам во последниот? ја прашав. Таа се согласи. И така, се договоривме дека трагичен крај е единствениот начин на кој можев да го завршам мојот мандат. Потоа ќе дојде некој друг да продолжи.“

Даниел Крег објасни зошто филмовите за Џејмс Бонд треба да се гледаат само во кино

Ристе Здравков — Fri, 24 Dec 2021 13:04:42 +0000

Актерот последен пат го играше Бонд во филмот „Нема време за умирање“ Даниел Крег тврди дека франшизата за Џејмс Бонд не треба да се префрла на стриминг сервисите, велејќи дека франшизата треба да остане во кината. Актерот изјави дека пријавениот предлог на Амазон за снимање на спин-оф филмови за Бонд може да биде катастрофа за кината, велејќи дека франшизите треба да останат на големото платно. Даниел, кој последен пат го глумеше Бонд во филмот „Нема време за умирање“, тврди дека се додека има филмови за настани што го привлекуваат целото семејство, кината имаат шанса да преживеат. – Една од најголемите работи што се случи беше што го ставивме овој филм во кината, таму и треба да бидат филмовите за Бонд. Не изгледаат добро на телефон. Изгледаат одлично на на Imax екран – изјави актерот за „The Sun“. Не е првпат Даниел да зборува за важноста на киното, велејќи дека се надева дека објавувањето на филмот „Нема време за умирање“, кој е 25-ти филм во франшизата, ќе ја поттикне индустријата, пренесува „Дејли Мејл“. Во септември тој изјави: „Киното е тука да остане што се однесува до мене, и ако можеме на некој начин да помогнеме, ќе бидам многу среќен“. Со него се согласи и филмскиот продуцент за Бонд филмовите, Барбара Броколи. – Мислам дека нема подобро место за собирање од киното. И се надеваме дека ова ќе биде радосно враќање за луѓето да се видат со своите пријатели и семејства за да го гледаат филмот и повторно да се забавуваат, по многу долг и тежок период – рече еднаш Броколи.

ФОТО: Даниел Крег ја доби својата ѕвезда на „Булеварот на славните“

Ивона Петрова — Thu, 07 Oct 2021 08:30:46 +0000

Актерот Даниел Крег доби своја ѕвезда на холивудскиот Булевар на славните, неколку дена пред прикажувањето на новиот филм со Џејмс Бонд во САД. Филмот „No Time To Die“ е петтиот и последен настап на Крег во улогата на британскиот таен агент. Ѕвездата на актерот е 2704 ѕвезда на Булеварот, а поставена е покрај ѕвездата на Роџер Мур кој од 1973 до 1985 година го играше Бонд во седум филмови. -Апсолутна чест е да одат по мене во Холивуд. Тоа што на овој плочник сум опкружен со такви легенди ме прави многу, многу среќен, истакна Крег.

Бонд девојката потврди: Имам коронавирус, заклучена сум дома

Ивона Петрова — Mon, 16 Mar 2020 10:14:39 +0000

Поранешната Бонд девојка Олга Куриленко (40) е позитивна на коронавирус, јавуваат светските медиуми. Вирусот и бил дијагностициран откако имала чувство на замор и зголемена телесна температура. Сега таа се наоѓа во изолација. -Се заклучив дома откако дознав дека сум позитивна на коронавирус. Всушност болна сум веќе една недела. Температурата и заморот се моите симптоми. Внимавајте на себе и сфатете го ова сериозно, напиша таа на социјалните мрежи.

View this post on Instagram

Locked up at home after having tested positive for Coronavirus. I’ve actually been ill for almost a week now. Fever and fatigue are my main symptoms. Take care of yourself and do take this seriously! Сижу в изоляции дома с диагнозом Коронавирус. Уже почти неделю болею. Температура и слабость - мои основные симптомы. Будьте осторожны и принимайте это во всерьёз! #coronavirus #коронавирус

A post shared by Olga Kurylenko (@olgakurylenkoofficial) on Mar 15, 2020 at 10:42am PDT

Последниот филм кој Олга го работела беше трејлерот „The Bay Of Silence“. Олга играше со Даниел Крег во филмот за тајниот агент 007 во 2008 година каде ја имаше улогата на Камила Монтес.

Коронавирусот ја откажа азиската турнеја за најновиот Џејмс Бонд филм

Ивона Петрова — Mon, 17 Feb 2020 10:16:16 +0000

Последното продолжение од Џејмс Бонд филмот со Даниел Крег „No time to die“ би требало да стане најисплатлив филм за тајниот агент 007 на сите времиња. Новиот филм во киносалите пристигнува кон почетокот на април, а подготвена е и голема светска турнеја, која засега се откажана поради заканите од коронавирусот. Со оглед на фактот дека кинеските власти досега затворија над 70.000 киносали ширум земјата, продуцентите одлучија да го откажат доаѓањето на актерот на Кина. Дури и вирусот мистериозно да исчезне од планетата, ѕвездите на филмот не да добијат дозвола од доктор, како и од осигурителните компании за нивно заминување во Кина. Со светска заработка од 1,1 милијарда долари, титулата најпрофитабилен филм за Бонд ја има „Skyfall“ од 2012 година, а многумина предвидоа дека “No time to die“ ќе ја надмине оваа заработка. Меѓутоа во вакви околности тоа ќе биде тешко, ако се земе во предвид дека од Кина и останатите земји од Блискиот Исток се очекувало дека филмот ќе заработи меѓу 150 и 300 милиони долари.

По 13 години, Даниел Крег се прости од Џејмс Бонд

Предраг Кукиќ — Mon, 25 Nov 2019 14:19:18 +0000

Актерот Даниел Крег потврдил дека улогата во филмот „No Time To Die“ е последниот кој ќе го сними за славниот агент 007 Џејмс Бонд. Тој порачал дека е среќен што го потпишал последниот договор за оваа франшиза. – Некој друг треба да го продолжи овој проект. Тоа беше напорна работа и имавме неверојатна соработка. Она што најмногу ме мотивираше е тоа што со некои луѓе работев на филмови 30 години – рекол Крег. Тој го смета овој договор за последен поздрав до колегите со кои поминал толку многу години. Крег, наводно, ќе добие 25 милиони долари за улогата. Досега тој глуми во „Казино Ројал“, „Скајфол“, „Спектра“, како и „Quantum of Solace“. Порано зборувал дека повеќе би сакал да си го пресече вратот отколку во новиот филм на оваа франшиза, но решил да потпише уште еднаш, пренесува Кlix.ba. Откако се појави во филмот за Џејмс Бонд стана исклучително популарен. Тој во интервјуата рекол дека му биле потребни 20 години за да се навикне на животот на славна личност.

Снимањето на 25-от „Џејмс Бонд“ филм најверојатно се одложува- еве ја причината

Катерина Бојаџиева — Fri, 07 Sep 2018 07:24:28 +0000

Откако оскаровскиот режисер Дени Бојл го напушти проектот, 25-от „Џејмс Бонд“ филм се соочува со нови проблеми... Снимањето најверојатно ќе се одложи, а тоа е поради други обврски на Даниел Крег, објави „Дејли Меил“. Имено, според „Сан“, глумецот од ноември почнува со снимање на мистеријата „Knives Out“, па токму тоа може да биде причина за поместување на продукцијата на „Бонд“. Познавачите пак, коментираат дека ова одложување може да биде и на подолго време.

Новиот филм за Џејмс Бонд во режија на Дени Бојл

Ивона Петрова — Sat, 26 May 2018 08:12:20 +0000

Британскиот режисер Дени Бојл ќе го режира 25-тиот филм за Џејмс Бонд, а во улогата на познатиот агент 007, Даниел Крег ќе се појави по петти пат. Филмот ќе биде направен според сценариото на Џон Хоџ, кој ќе биде прилагоден од Бојл, соопштија продуцентите. Продукцијата на филмот ќе започне во студијата Пајнвуд во Велика Британија во декември. Името на новиот филм за Џејмс Бонд се уште е непознато, но се знае дека прво ќе биде прикажан во Велика Британија во октомври следната година, објави Би-Би-Си.