Даниел Крејг – Kurir.mk

Даниел Крејг како момче крадел храна од продавница

Ивона Петрова — Fri, 03 Mar 2023 08:11:12 +0000

Даниел Крејг како помлад бил принуден да краде храна од супермаркети за да преживее - пред да стане славен. Британскиот глумец, можеби најпознат по петте последни „Џејмс Бонд“ филмови, во интервју за „Ролинг стоун“ проговори за тешките мигови од младоста... - Украдов патка, а девојка ми ја стави под кошулата, преправајќи се дека е бремена, рече тој, додавајќи дека „тоа и не е толку лошо“, оти супермаркетите можe да си дозволат „да изгубат“ една или две патки. „Инаку, крадев само од попознатите супермаркети што можеа да си го дозволат тоа. Сакам да го разјаснам ова. Но, да му се сневиди, знаете - немавме што да јадеме, а моравме да се храниме“, додаде тој. Инаку, глумецот го напуштил училиштето на 16-годишна возраст и се преселил во Лондон за да се занимава со глума. Бил примен во Националниот младински театар, а по некое време почнал да добива и мали ТВ-улоги. Меѓутоа, и тогаш не заработувал доволно за да си дозволи „полуксузни“ оброци. Понекогаш избегнувал и да го плати наемот. - Она малку што би го заработил, ќе го потрошев на пиво и чаден лосос, а за вечера најчесто јадев е**но пилешко или говедска чорба, раскажува Крејг (55). Деновиве тoj e актуелен со трилер-мистеријата „Стаклен кромид“ (Glass Onion).

ФОТО: Даниел Крејг ја доби истата кралска чест со којашто е одликуван и неговиот лик „007“

Магдалена Андонова — Tue, 18 Oct 2022 11:23:01 +0000

Засега последниот глумец од „Џејмс Бонд“ филмовите, Даниел Крејг ја доби истата кралска чест со којашто бил одликуван и неговиот можеби најпознат лик „007“, кој потекна од серијалот книги на Ијан Флеминг. Имено, тој во замокот Виндзор беше награден со Одличјето на Редот на Сент Мајкл и Сент Џорџ, за заслуги во филмот и театарот. Честа нему денеска му ја укажa принцезата Ен.

Даниел Крејг, како шести глумец во серијалот филмови, го толкуваше тајниот агент во последните пет „Бонд“ филма – „Казино Ројал“ (2006 година), „Tрошка надеж“ (2008), „Операција Скајфол“ (2012), „Спектра“ (2015) и последниот „Не е време за умирање“ од 2021 година. Во улога на „007“, тој се појави и до кралицата во кусо видео на отворањето на Олимписките игри во Лондон, 2012 година. Крејг глумеше и во „Нож в грб“ („Knives Out“, 2019) заедно со Крис Еванс, Ана де Армас и Џејми Ли Кертис, а ќе се врати и во продолжението чиешто прикажување е закажано за крајот на следниот месец ноември.

Даниел Крејг ќе го добие кралското одличје на 007

Ивона Петрова — Tue, 18 Oct 2022 08:24:59 +0000

Засега последниот глумец од „Џејмс Бонд“ филмовите, Даниел Крејг ќе ја добие истата кралска чест со којашто бил одликуван и неговиот можеби најпознат лик „007“, кој потекна од серијалот книги на Ијан Флеминг. Имено, тој во замокот Виндзор беше награден со Одличјето на Редот на Сент Мајкл и Сент Џорџ, за заслуги во филмот и театарот. Честа нему денеска ќе му ја укаже принцезата Ен.

Даниел Крејг позитивен на Ковид-19

Ивона Петрова — Tue, 05 Apr 2022 11:36:01 +0000

Коронавирусот сè уште кружи ширум светот, и ѕвездите сè уште стануваат жртви на заразата. Меѓу последните заразени славни личности е „Џејмс Бонд 007“ глумецот Даниел Крејг. Даниел Крејг (54) во мигов е актуелен со познатата Бродвеј-претстава „Магбет“, според приказната на Вилијам Шекспир, во Њујорк со актерката Рут Нега покрај себе. Саботните настапи беа откажани. „Денешните настапи – и дневните и вечерните, се откажани бидејќи Даниел Крејг доби позитивен резултат за Ковид. Се извинуваме за непријатностите предизвикани кај купувачите на билети, но безбедноста на нашата публика, глумци и тимот останува наш главен приоритет. Сите билети за откажаната претстава ќе бидат отплатени“, се вели во официјалното соопштение. Глумецот со оваа претстава има ограничен 15-неделен ангажман.

Емоциите го “срушија“ силниот Даниел Крејг, плачејќи го гледал неговиот последен филм за „007“

Ивана Ефремовски — Wed, 16 Mar 2022 08:26:23 +0000

Еден од сценаристите на „Џејмс Бонд 007: Не е време за умирање“ (No Time to Die) – Елиот Грејм откри дека Даниел Крејг заплакал откако го гледал последниот филм каде што тој го глуми Џејмс Бонд. За време на доделувањето на британските филмски награди „БАФТА“ во неделата, кога филмот го освои одличјето за најдобра монтажа, Грејм откри уште една тајна. -Ќе раскажам приказна што не требаше да се знае, но Крејг исто така беше вклучен во оваа монтажа. А, ние бевме поканети неколку минути по продуцентите. И одеднаш, Даниел заплака. Можеби затоа што тоа беа 18 години од неговиот живот. А тоа, очигледно, многу му значеше, рече монтажерот. Тој откри и како Даниел бил активно вклучен во процесот на снимање на филмот за 007 и им понудил доста интересни идеи на уредниците. -Постојат глумци кои го разбираат целиот процес. И, тој е еден од нив. Крејг ги поддржува своите каскадери, режисерите, продуцентите и сценаристите. Мина три дена при монтажата со нас и не можеше повеќе да се посвети, рече Грејм. Филмот е номиниран и за три „Оскари“ – за најдобра филмска песна (за „No Time to Die“ на Били Ајлиш), како и за визуелни и звучни ефекти. (МИА)

Даниел Крејг: Немам ништо заедничко со Бонд

Ивана Ефремовски — Tue, 26 Oct 2021 11:46:36 +0000

Херојот од петте последни филмови за Џејмс Бонд, Даниел Крејг (53) е целосно незаинтересиран за разните апликации и страници, како Инстаграм, Твитер и Фејсбук, па сега кога „се пензионира“ од улогата во агентот 007, нема да го минува времето сурфајќи. Во интервју за списанието „Сортед“ (Sorted) тој изјави дека „дефинитивно никогаш во животот“ нема да се појавува на социјалните мрежи. -Не толку поради оддалеченост од луѓето… Едноставно, јас сакам да имам приватен живот како сите други кои не го прават тоа јавно. Не разбирам зошто луѓето сакаат да разговараат со мене. Јас сум релативно здодевен и си го сакам мојот сопствен простор. Ми се допаѓа каков е мојот живот во мигов. Благодарен сум за сите работи што се случија во мојата кариера, вели Крејг. Ѕвездата од „Не е време за умирање“ истакна дека за разлика од Бонд, тој е човек кој претпочита да остане дома со сопругата Рејчел Вајс и нивната ќерка. -Повеќе сакам да се грижам за себе и за мојот дом, за мојата сопруга и за семејството!, нагласи тој. (МИА)

КОНЕЧНО ЗАКАЖАНА ПРЕМИЕРАТА: Еве кога излегува новиот филм на Џејмс Бонд

Ивона Петрова — Sun, 22 Aug 2021 14:57:18 +0000

По бројните шпекулации за премиерата и менувањето на датумите, сега конечно е објавен новиот датум за првото емитување на новиот филм со агентот 007. Светската премиера на филмот „No time to die“ ќе биде одржана на 28 септември. Филмот во кој Даниел Крејг ја игра улогата на тајниот агент Џејмс Бонд требаше да ја има премиерата на 2 април.

Ќе почекате за да го гледате новиот „Џејмс Бонд“, премиерата повторно одложена

Ивона Петрова — Fri, 22 Jan 2021 08:28:32 +0000

Прикажувањето на новиот „Џејмс Бонд“ филм – „Нема време за умирање“ (No Time to Die), e повторно одложенo – овојпат за 8 октомври, oвaa 2021 година. Последната инкарнација на Даниел Крејг како „агентот 007“ првично требаше да се појави во кината во октомври 2019 година, но беше одложена неколкупати – прво поради промена на режисерот, а потоа и поради коронавирусот. И низа други филмови се одложени поради пандемијата. „Ворнер брос“ претходно веќе еднаш најави планови за интернет-премиери на сите свои филмови во 2021 година во истовреме како и во киносалите на САД. Сепак, креаторите на „Нема време за умирање“ во мигов ја исклучуваат можноста филмот да биде првично објавен на некоја стрим-платформа. Гласноговорик на „Метро Голдвин Мејер“ за списанието „Варајети“ во октомври изјави дека студиото сака „да го зачува киноискуството“ за обожавателите а „Џејмс Бонд“ филмовите.

ВИДЕО: Излезе трејлерот за новиот „Џејмс Бонд“, последен за Даниел Крејг

Ивона Петрова — Thu, 05 Dec 2019 09:03:29 +0000

И покрај насловот „No Time to Die“, најпознатиот агент има сериозна можност да загине во новото продолжение на „Џејмс Бонд“. Ова ќе биде последниот филм во кој Даниел Крејг ќе го игра британскиот агент 007. Новото продолжение за Џејмс Бонд ќе претстави едно ново лице на познатиот агент пишуваат британските медиуми. За останатите детали останува да го погледнете филмот, кој според најавите ќе излезе во април идната година.

ФОТО: Објавен постерот за новиот Џејмс Бонд – „Не е време за умирање”

Ивона Петрова — Mon, 07 Oct 2019 07:48:21 +0000

Долгоочекуваниот плакат за новиот „Џејмс Бонд“ филм – „Не е време за умирање” (No time to die) беше официјално објавен по повод Денот на Џејмс Бонд којшто во саботата го прославија обожавателите низ цел свет. Во овој филм, Даниел Крејг по петти и последен пат го глуми агентот 007. Режисер на филмот е Кари Фукунага, а покрај Крејг, свои улоги ќе имаат и Ралф Фајнс, Реми Малек, Рори Кинир, Бен Вајшоу, Наоми Харис, Леа Сједо, Џефри Рајт и други. При снимањето, коешто неодамна заврши во Италија, екипата имаше доста незгоди. Така, меѓу другото, во мај, Крејг се повреди на сетот па, проектот беше во пауза. Филмот во најголем дел е снимен во Лондон, Велика Британија, и на Јамајка, но и во Норвешка. Официјалниот трејлер беше објавен во август. Филмот ќе почне да се прикажува од 8 април 2020 година.