Даниел Медведев – Kurir.mk

Медведев триумфираше во Виена

Бошко Тасиќ — Sun, 30 Oct 2022 17:16:27 +0000

Данил Медведев го освои турнирот во Виена со победата против Денис Шаповалов во три сетови со 4-6, 6-3 и 6-2. Шаповалов го отвори мечот со два брејка против четвртиот тенисер во светот, а Медведев успеа да врати само еден брејк до крајот и така сетот му припадна на Канаѓанецот со 6-4. Русинот во вториот сет по голема борба прави брејк за 3-1, а потоа спаси четири брејк топки. Сепак, Шаповалов не се предаваше и стигна до 3-4, но тоа го разбуди Медведев кој со одлична игра го доби вториот сет со 6-3. Во третиот сет Медведев во краток период двапати му го одзема сервисот на противникот и без многу мака стигна до 6-2 за да се закити со 15. титула на АТП-турнејата.

Медведев го освои Мастерсот во Торонто

Ивона Петрова — Mon, 16 Aug 2021 06:46:06 +0000

Рускиот тенисер Даниел Медведев синоќа го победи Американецот Рејли Опелка со 6:4, 6:3 во финалето на турнирот во Торонто. Мечот траеше 1 час и 27 минути. Русинот направи четири аса и четири двојни грешки, а исто така конвертира три брејк топки од седум можности. Опелка исто така сервираше четири аса, имаше три грешки на вториот сервис, и ниту еден реализиран брејк од четири шанси. Наградниот фонд на турнирот изнесуваше 2,8 милиони долари. За Медведев ова е трета титула во 2021 година. Претходно победи на турнирите во Мајорка и Марсеј. Вкупно, Медведев има 12 победи на АТП турнирите

Медведев дојде до првата титула во својата кариера на трева

Бошко Тасиќ — Sat, 26 Jun 2021 19:06:10 +0000

Рускиот тенисер Данил Медведев дојде до првата титула на трева во кариерата и триумфира на АТП-турнирот во Мајорка. Второпласираниот тенисер во светот важеше за голем фаворит против Сем Квери и успеа да слави во меч со два сета (6-4, 6-2). Медведев на Грен Слем турнирите нема титула. Има играно две финалиња во Австрија и во САД, додека на Вимблдон најдобриот резултат му е трето коло во 2018 и 2019 година.

Медведев го спореди својот настап во Ролан Гарос со љубовна приказна

Дарко Андоновски — Wed, 09 Jun 2021 09:17:57 +0000

Рускиот тенисер Данил Медведев објави пост на Инстаграм за неговото заминување од Ролан Гарос. – Беше како љубовна приказна. До следната година, Ролан Гарос, напиша Медведев. Ноќеска Медведев загуби од Гркот Стефанос Циципас (3:6, 6:7 и 5:7) во четвртфиналето на Грен слемот во Париз. За 25-годишниот Русин овој перформанс беше најдобар во кариерата на Грен слем турнирот на земјен терен. Пред тоа, Медведев никогаш не беше во можност да го надмине првиот круг на Ролан Гарос.

Медведев по 20. последователна победа избори финале на АО

Тале Кристо — Fri, 19 Feb 2021 13:30:11 +0000

Рускиот тенисер Данил Медведев ја продолжи серијата победи која трае 20 меча, откако денес во полуфиналето на Австралија опен го совлада Гркот Стефанос Циципас (6:4, 6:2, 7:5). Последен пат 25-годишниот Русин загуби на 30 октомври 2020 година во четвртфиналето на турнирот во Виена од Јужноафриканецот Кевин Андерсон. Медведев кој е четврти носител на Грен слемот во Мелбурн, во финалето закажано за в недела ќе се сретне со српскиот тенисер и прв фаворит за трофејот, Новак Ѓоковиќ.

Ѓоковиќ преку Медведев до четвртфинале на Австралија Опен

Ивона Петрова — Mon, 21 Jan 2019 14:51:35 +0000

Новак Ѓоковиќ имаше потреба од четири сета за да го скрши отпорот на Даниел Медведев и да се квалификува за четвртфиналето на Австралија опен. Србинот победи со 6:4, 6:7 (5), 6:2, 6:3 во последниот натпревар денеска, а во следниот круг ќе се соочи со шампионот од Бризбејн – Кеј Нишикори. Ѓоковиќ по десетти пат се пласираше во четвртфинален меч во „Мелбурн Парк“ и брка рекордна седма титула, откако веќе има најмалку 10 настапи во четвртфинале на сите четири Гренд-слем турнири. – Беше вистинска битка, Даниел игра одличен тенис, го подобрил многу сервисот и бекхендот во последните месеци. Тој се бранеше одлично, се претстави добро и на мрежата. Тешко беше да го надминам. Се обидував различни нешта, но за среќа успеав да извадам неколку клучни гема на мој сервис од позиција кога губев, а во исто време ги користев можностите, кога се појавуваа, прокоментира Ѓоковиќ, кој допушти цели 50 непредизвикани грешки, но сепак триумфираше. Во четвртфиналето тој ќе игра против Јапонецот Нишикори, кој направи пресврт против Пабло Карењо-Буста (Шпанија) со 6:7 (8), 4:6, 7:6 (4), 6:4, 7:6 (10-8) . – Кеј е неверојатен, се надевав дека другиот тенисер ќе победи, но … сме играле на овој терен неколку пати, вклучувајќи четвртфинале пред години. Тој е еден од најбрзите тенисери на турнејата. Нема да биде лесно, додаде Ѓоковиќ. Ноле за прв пат од 2016-та е четвртфиналист во Мелбурн, откако во 2017-та беше елиминиран во вториот круг од Денис Истомин, а минатата година беше запрен во 4 коло од Хјон Чунг. МИА