даниел рикиардо – Kurir.mk

Рикиардо ќе ја пропушти и трката во Сингапур

Бошко Тасиќ — Mon, 11 Sep 2023 17:20:28 +0000

Австралискиот возач на Алфа Таури, Даниел Рикиардо ќе ја пропушти претстојната трка во Формула 1 за Големата награда на Сингапур поради повреда на раката, пренесува„Скај спорт“. Рикиардо се опоравува од операцијата откако ја скрши раката во несреќа за време на тренингот во Зандворт на 25. август пред трката за Големата награда на Холандија. Новозеланѓанецот Лиам Лосон возеше наместо Рикиардо на Италијанското ГП во Монца. Британските медиуми потсетуваат дека Алфа Таури е сестринскиот тим на Ред Бул. „Што се однесува до Сингапур, мислам дека нема шанси дотогаш да се опорави. Мислам дека би можеле да бидеме оптимисти за трката во Јапонија. Но, закрепнувањето оди добро, тој има подвижност на рацете и ќе оди на рехабилитација“, рече директорот на Ред Бул, Кристијан Хорнер.

Рикардо се враќа во Ред Бул

Бошко Тасиќ — Thu, 24 Nov 2022 06:07:22 +0000

Австралиецот Даниел Рикиардо ќе биде третиот возач на тимот на Ред Бул во Формула 1 шампионатот следната сезона, соопшти денеска австрискиот тим. На крајот на сезоната Рикиардо го напушти Мекларен, на кој му се придружува неговиот сонародник Оскар Пјастри. Тој веќе возеше за Ред Бул во периодот од 2014 до 2018 година, а овојпат ќе им помогне на актуелните шампиони во конструкторскиот шампионат во тестирањето, работата на симулаторот и комерцијалните активности.

Рикардо откри зошто преминал во Рено

Дарко Андоновски — Tue, 12 Feb 2019 20:13:00 +0000

Даниел Рикардо е познат како еден од најхаризматичните личности во Формула 1 и ја зацврсти својата репутација и за време на претставувањето на новиот болид на Рено за 2019. Австралискиот пилот се подготвува за својата деби сезона со францускиот тим и присуствуваше на премиерата заедно со својот тимски колега Нико Хулкенберг и шефот на тимот Сирил Абитбул во фабриката во Енстон. Рикардо го изненади светот на Ф1 со неочекуваната одлука да го напушти Ред Бул и да се приклучи на Рено, кои се борат во средината на табелата. Абитбул го праша зошто го направил овој избор, на што Даниел му одговори: „Бонжур. Жу м`апел Даниел (Добар ден, моето име е Даниел). Едноставносакав да научам француски“. Настрана шегата, Рикардо се надева дека ќе помогне на својот нов тим со што може, откако ќе го сподели своето знаење од престојот во Ред Бул. Рено од своја страна се надеваат дека ќе го скратат растојанието со тимовите од топ 3. До каде стигнале во својата желба, ќе можеме давидиме следната недела, кога почнуваат зимските тестови во Барселона.

Рикиардо сепак ќе вози на последните две трки во Ф1 оваа сезона

Предраг Кукиќ — Sat, 03 Nov 2018 11:44:54 +0000

Пилотот на Ред Бул, Даниел Рикиардо даде објаснување за неговите зборови по „Големата награда на Мексико“ каде што осми пат во сезоната не ја мина целта. Австралиецот потоа изјави дека чувство во своето срце дека е уморен од автомобилот и не сака да се натпреварува во последните две трки од сезоната. – Сакам да ја разјаснам ситуацијата. Ќе учествувам на последните две трки во сезоната, бидејќи ова е моја работа. Немам друг живот. Оваа сезона е подеми и падови. За жал, падовите беа посилни. И нема да лажам, тоа ме вознемирува. Но, се гледам себе си оптимистички, ги гледам сите момци во тимот кои работат како луди, така што можам да ветам максимално залагање. Ми требаше пауза од неколку дена. Сега се чувствувам подобро, изјави Рикиардо. Во пресрет на последните две трки, пилотот на Ред Бул се во Генералниот пласман се наоѓа на 6.место со 146 освоени бодови. (МИА)

Ред Бул нема да му дозволи на Рикардо да тестира Рено во 2018 година

Предраг Кукиќ — Thu, 25 Oct 2018 15:15:27 +0000

Ред Бул нема да дозволат на Даниел Рикардо да вози за идниот тим Рено за време на тестот на официјалниот снабдувач на гуми во Ф1 – Пирели, кој ќе се одржи по завршувањето на Гран При на Абу Даби. Овој тест е единствената можност за пилотите да стекнат малку искуство со своите нови тимови пред зимските тестови во Барселона во февруари. Пред некои од пилотите – Шарл Леклер, кој го менува своето место со Кими Раиконен во Ферари, како и пред Пјер Гасли во Ред Бул и Џорџ Расел во Вилијамс нема да има пречки за тест-возења со своите нови тимови. Ред Бул, сепак, нема да му дозволи на Даниел Рикардо да ги започне своите тестови за Рено во оваа фаза, а Австралиецот ќе мора да почека до февруари за вистинска подготовка со болидот. – Јас нема да можам да возам за Ред Бул, а тие не ми дозволуваат да возам и за Рено на тестот во Абу Даби. Не се лутам, ќе си земам одмор, изјави Рикардо. Шефот на Ред Бул, Христијан Хорнер, вели дека Дани има одговорности до крајот на неговиот договор и мора да ги исполни. Идниот пилот на Заубер и неговиот тимски колега Кими Раиконен, Антонио Џовинаци, пак ќе тестираат за „Пирели“ во Мексико, еден ден по трката. (МИА)

Рикардо во Италија ќе стартува од последната позиција

Предраг Кукиќ — Tue, 28 Aug 2018 08:10:47 +0000

Пилотот на Ред Бул, Даниел Рикардо ќе изгуби голем број позиции во трката за Големата награда на Италија претстојниот викенд. Шефот на Ф1 тимот Кристијан Хорнер потврди дека Австралиецот ќе тргне од крајот на групата, бидејќи неговиот мотор ќе биде целосно заменет со моторот што ја надминува квотата. Во болидот на Рикардо ќе биде инсталиран нов мотор на Рено, кој е помоќен, но може да има проблеми со сигурноста, како што предупреди производителот. Затоа, на трката од шампионатот во Формула 1 возена во Белгија не беше инсталиран новиот мотор. Но, Ред Бул сака да го проба во Италија, така што пред следната трка во Сингапур да не ризикува казна, бидејќи проценките се дека таму австрискиот тим има повеќе шанси за успешен настап. (МИА)