Даниел Субашиќ – Kurir.mk

Ловрен со порака до колегите кои се простија од репрезентацијата: Па доста веќе (ФОТО)

Матеја Петровски — Wed, 15 Aug 2018 15:19:40 +0000

Откако претходно збогум од националниот тим на Хрватска кажаа Ведран Чорлука и Марио Манџукиќ, денеска од националниот тим се збогува и Даниел Субашиќ, голманот на Монако. Порака со благодарност до него испрати дефанзивецот на Ливерпул и репрезентацијата на Хрватска, Дејан Ловрен. -Па доста веќе од опростувања од репрезентација. Дај јавете јавите се во исто време да направиме некоја заедничка фотографија, а не поединечно. Е мој „fu*king years“, не можам да опишам колку ми беше драго да играм со човек како тебе, кој секогаш е насмеан, позитивен и весел, а покај се тоа и одличен голман. Брату, ти благодарам за се, напиша Ловрен на Инстаграм.

Pa dosta vise oprastanja od repke ? daj javite se u isto vrijeme da mogu objavit neku zajednicku sliku, a ne pojedinacno ?? E moj fu*king years, neopisivo mi je drago bilo igrat sa covjekom poput tebe koji je uvijek nasmijan, pozitivan i veseo, a uz sve to odlican golman. Brate hvala na svemu ❤

A post shared by Dejan Lovren (@dejanlovren06) on Aug 15, 2018 at 3:59am PDT

Уште еден фудбалер се откажа од хрватскиот дрес: Еден од најдобрите фудбалери на Мундијалот кажа збогум (ВИДЕО)

Матеја Петровски — Wed, 15 Aug 2018 13:41:29 +0000

Даниел Субашиќ се прости од дресот на хрватската фудбалска репрезентација. После Ведран Чорлука и Даниел Субашиќ, тој одлучи дека повеќе нема да игра за репрезентацијата на Хрватска после 44 настапи. Голманот на Монако и еден од најдобрите на Мундијалот во Русија со емотивна порака се прости од репрезентацијата. Порака на Даниел Субашиќ до фановите: Драги навивачи на хрватската репрезентација, Дојде време после 10 години играње во репрезентацијата да се простам од најдрагиот наш дрес. Беше ова долго патување, уште од повикот во 2008 година и исполнувањето на сонот на едно „голманче“ Задар, а потоа многу труд и работа, како и годините трпение на клупата да станам број 1- односно мојот обилен 23. Сакам од срце да им се заблагодарам на сите тренери- од секој од вас многу научив. Би сакал да го споменам Славен Билиќ кој прв ме повика во репрезентацијата и Златко Далиќ, со кој стигнавме до тоа неверојатно средбор. Фала многу на сите луѓе од ХНС и околу репрезентацијата, што се секогаш ни беа тука при рака за се што ни требаше, што направија ништо да не ни фали и да бидеме сите задоволни, среќни и здрави. Му благодарам на моето семејство и сите најмили, кои од првиот ден беа со мене и на кои секогаш можев да се потпрам во овие тешки мигови, а такви ги имаше многу. Оваа одлука ја донесов многу пред Светското првенство зошто сакав репрезентативната кариера да ја завршам со настап на Светско, што беше еден од моите соништа. Секој од нас има некој рок на траење, и на нас е да процениме колку долго можеме да играме. Можеби можев да одиграм уште еден циклус, но тоа можеби би било премногу. Вака сакам моите драги колеги, кои ја чекаат својата шанса да ги остварат своите соништа, како што ги остварив и јас играјќи за Хрватска- на младите останува светот и тие се хрватската иднина. Мојот пат дојде до тука и до светското сребро во светиот дрес за кој давав се од себе, чесно и гордо на секој натпревар. Иако, ги нема многу, тоа е помалку важно- најважно од се е што сум исполнет и среќен човек што можев да играм за мојата татковина и најубавиот дрес на светот. Сите до еден будни го сонувавме неверојатниот пречек во Загреб, во мојот Задар и низ цела Хрватска. Тоа беа најубавите, најемотивните моменти во мојата кариера, кои заедно со тие месец дена во Русија, ја обележаа и дефинираа мојата приказна во репрезентацијата. Ви благодарам на сите соиграчи, без вас ништо не би имало смисла. Проживеавме тешки моменти заедно, но исто така поминавме и многу убави. Оваа сплотеност, скромност и пријателство од Русија ќе го паметам целиот свој живот. За натпреварите нема да зборувам, зборувавме на теренот заедно, еден за друг, се фрлавме на глава, плачевме од среќа, игравме под инјекции, голтавме таблети како бонбони, се за нас, за нашиот дрес, за нашиот народ, за нашата историски светски сребрен медал. Ви благодарам од срце на беспоштедната поддршка! Тоа е љубов која не може да помине. Засекогаш еден од вас, Ваш Суба Над сите ВАТРЕНИ 2018!

Избегната трагедија на прославата во Хрватска: Вида понесен од алкохолот можеше да има пад од автобус, Субашиќ му го спаси животот (ВИДЕО)

Дарко Андоновски — Wed, 18 Jul 2018 10:20:19 +0000

Фудбалерите на Хрватска веќе два дена го прославуваат второто место на СП во Русија. Откако репрезентативците беа пречекани во Загреб, вчеравечер беа дел и од прославата во Задар каде се собраа околу 100 илјади навивачи да ги поздрават фудбалерите. Во целиот тој занес и под многу алкохол, еден од највеселите фудбалери беше Домагој Вида кој скокаше по автобусот, а за момент ќе настанеше и поголема катастрофа. Вида во инцидентот падна од кровот, а за негова среќа Субашиќ му го спаси животот, погледнете.

It's saved. He did it again. #Subasic #Cro ? pic.twitter.com/y7YOq3NCKh
— AɴᴛᴏNɪᴏ ʙᴇᴢ J ? (@Antonio_Mtk) July 17, 2018

Субашиќ не и верува на својата девојка- откако таа седна да го управува авионот, голманот на фановите им упати шокантна порака (ФОТО)

Дарко Андоновски — Wed, 18 Jul 2018 08:07:15 +0000

Голманот на Хрватската репрезентација Даниел Субашиќ кој е еден од најзаслужните за успехот на СП вчера во текот на денот на својот Инстаграм профил со фановите сподели несекојдневна фотографија со својата девојка. Откако фудбалерите заминаа за Задар каде вчера имаа пречек од страна на жителите, голманот Субашиќ заедно со својата девојка Антонија Бока со авион полета за неговиот роден град. Министерот за одбрана како што го нарекуваат во Хрватска објави фотографија на која неговата девојка го управува авионот прашувајќи ги фановите „дали ќе стигнат до Задар?“. Сепак се помина во најдобар ред, а голманот жив и здрав пристигнал во Задар и вечерта имал одличен пречек со останатите репрезентативци.

Интересен факт: На последните четири финалиња на Мундијалите има голман кој во кариерата бранел за Монако

Дарко Андоновски — Fri, 13 Jul 2018 19:36:46 +0000

Интересен факт ни пренесе медиумот „ЕСПН“ кој вели дека на финалињата во 2006, 2010 и 2014 година бранеле голмани кој одреден период го чувале голот на Монако. Така ќе биде и на годинешното финале каде голот на Хрватска ќе го брани Даниел Субашиќ кој во моментов е актуелен член на Монако. Во 2006 година меѓу стативите на Франција беше Бартез кој од 1995 до 2000 година беше во Монако, потоа на следното Светско првенство за Холандија бранеше Стекеленбург кој потоа беше позајмен во Монако, за во 2014 година на голот на Аргентина да биде Серхио Ромеро. Она што треба да го загрижува Субашиќ е фактот што тројцата голмани ги загубиле финалињата од Италија, Шпанија односно Германија. Дали истата судбина ќе го снајде и Субашиќ, останува да видиме.

The last three goalkeepers to lose a World Cup final have all played for Monaco.
Croatia’s Danijel Subasic plays for Monaco. pic.twitter.com/GIERG9UqPw — ESPN FC (@ESPNFC) July 13, 2018

Урнебесна сцена на хрватските репрезентативци: Додека Ловрен даваше изјава се појави Субашиќ и направи вистинско шоу (ВИДЕО)

Матеја Петровски — Fri, 13 Jul 2018 08:36:21 +0000

Освен што на теренот ги даваат последните атоми од силите и во тоа се убедливо најдобри, хрватските фудбалери покажаа дека знаат како да се забавуваат и да се пошегуваат еден со друг. Ова видео е само еден пример. После победата над Англија, репрезентативците на Хрватска беа барани и од страна на англиските новинари. Додека Дејан Ловрен даваше изјава, се појави Даниел Субашиќ и го „удри“ со пластично шише по глава. -Years? Што зборуваш ти years?, на шега му кажа хрватскиот голман, а тоа од Ловрен беше проследено со кратка насмевка. -Дај будало една, му кажа Ловрен само за да се ослободи од него. Секако, набрзо двајцата отидоа да ја слават големата победа. Оваа сцена покажува каква атмосфера во овој момент владее во репрезентацијата на Хрватска, репрезентација која во моментов ја има поддршка од најголемиот дел од Балканот.

Голманот може да се соочи со развод по споделената фотографија- еве што напиша Субашиќ за својата сопруга (ФОТО)

Дарко Андоновски — Mon, 09 Jul 2018 13:09:44 +0000

Откако Даниел Субашиќ уште еднаш докажа дека е најдобар во репрезентацијата и придонесе за пласман во полуфиналето радоста ја сподели и со своите фанови на својот Инстаграм профил. По натпреварот во кој Хрватска ја совлада Русија и обезбеди пласман во полуфиналето, Субашиќ сподели фотографија од неговата сопруга Антонија. Фотографијата според многумина не е толку спорна, колку што е спорен текстот на истата. -Мојата сопруга е најдобар голман, се ми забранува, напиша Субашиќ, а на социјалните мрежи фановите коментираат на шега и дека по овој натпис можно е разведување на парот.

Спорни пенали на СП 2018- Субашиќ, Акинфеев и Шмајхел не бранеа фер додека судиите им прогледаа низ прсти

Дарко Андоновски — Tue, 03 Jul 2018 13:23:46 +0000

Во неделата, на натпреварите во рамките на Светското првенство во Русија, помеѓу селекциите на Русија и Шпанија, односно Данска и Хрватска, изведени се вкупно 19 удари од белата точка. Меѓутоа, според правилата од тие 19 пенали, дури 15 требаше да бидат повторени. Даниел Субашиќ, Каспер Шмајхел и Игор Акинфеев не беа правилно поставени при бранењето на пеналите, а единствено голманот на Шпанците Давид Де Геа ги почитуваше правилата при сите удари кон неговиот гол, освен при еден. Фудбалските правила се јасни - голманот мора да остане на линијата се додека изведувачот не упати удар со топката, меѓутоа споменатите голмани излегуваа од гол линијата многу порано пред изведувачот на пеналот да дојде во контакт со топката. Раното излегување од гол линијата им помага на голманите, бидејќи се намалува просторот за шут и се намалува аголот, за полесно да може да се одбрани ударот. Субашиќ излегуваше порано при сите три одбранети пенали во осмина финалето против Данска. Требаше да се повтори и пеналот кој Лука Модриќ го промаши во продолженијата, бидејќи и Шмајхел во таа прилика порано излезе од линијата. Додека вториот обид на Модриќ, оној од пенал серијата, всушност е единствениот во кој немаше кршење на ова правило на натпреварот помеѓу Данска и Хрватска. Слична ситуација гледавме и на натпреварот помеѓу Шпанија и Русија, каде Акинфеев речиси при сите пенал удари кон неговиот гол, порано излегуваше од гол линијата. И покрај видео технологијата, ниту еден пенал не беше повторен.

Трагедија која го одбележа животот на Субашиќ: Судбината сакаше токму тој да ја шутне кобната топка

Катерина Бојаџиева — Mon, 02 Jul 2018 11:07:53 +0000

Јунакот на хрватската репрезентација Даниел Субашиќ секоја победа ја посветува на трагично настраданиот соиграч Хрвое Чустиќ кој почина пред 10 години. Субашиќ после победата над Данска и пласманот во четвртфиналето ги спои рацете и погледна кон небото, бидејќи и оваа победа ја посвети на трагично настраданиот пријател и соиграч, чиј лик го носи на маица на секој натпревар откако пред 10 години почина. -Мојот Хрвоје засекогаш ќе биде со мене, и тоа не само на маицата, туку и во срцето – рекол неодамна Даниел Субашиќ. Пред 10 години фудбалскиот свет го потресе трагедија по повод смртта на фудбалерот на Задар, Хрвое Чустиќ кој почина од последици на фрактура на черепот и излив на крв во мозокот кога на натпревар меѓу Задар и Цибалија со глава удрил во бетонската ограда на теренот. Судбината сакала токму Субашиќ да ја шутне топката по која Хрвоје тргнал и тоа бил денот кој на Субашиќ му го променил животот. Даниел и Хрвоје заедно растеле и заедно почнале да тренираат фудбал. -Тие двајцата беа како браќа. Даниел секогаш го доживувам како син. Се веселам на секој негов успех- зборувал Светко Чустиќ, татко на покојниот играч Хрвоје Чустиќ. -Никогаш нема да го заборавам. Маицата е секогаш со мене- секогаш, потсетува хрватскиот голман.