даниела рангелова – Kurir.mk

Рангелова до Глигоров: Какви кадри се вработуваат во изминатиот период во јавната администрација

Предраг Кукиќ — Tue, 21 May 2019 13:07:47 +0000

Даниела Рангелова пратеник од редовите на пратеничката група на ВМРО-ДПМНЕ и Коалицијата „За подобра Македонија“ побара одговор на директорот на Дирекција за администрација, Спасе Глигоров на неодговорените прашања кои ги има поставено во изминатиот период. Во вашиот финансиски извештај имате предочено дека имате за поправки и тековно одржување 2.240.000 денари предвидено, а остварено 2.218.024 денари, да ми кажете за што ги имате потрошено тие финансиски средства. За купување на опрема и машини имате потрошено 232.456 денари, за какви договорни услуги станува збор, праша Рангелова. Во второто прашање Рангелова запраша какви кадри се вработуваат во изминатиот период во јавната администрација, ако според директорот членови на комисијата за селекција на кандидати за вработување не биле соодветно избирани.

Рангелова и делегација од ВМРО-ДПМНЕ ОК Центар помеѓу верниците во црквата Успение на Пресвета Богородица

Предраг Кукиќ — Tue, 28 Aug 2018 13:06:58 +0000

По повод христијанскиот празник Успение на Пресвета Богородица (Голема Богородица), Претседателката на УЖ на ВМРО-ДПМНЕ – Даниела Рангелова, заедно со Потсекретарот Игор Павлевски, Претседателот на ОК Центар – Гане Петров и членови на Општинскиот комитет на ВМРО-ДПМНЕ, присуствуваа на свечената литургија. -Нека денешниот празник Успение на Пресвета Богородица, празникот на мајката Божја ни биде показател за улогата на жената во секое семејство, особено мајчинската љубов и посветеност кон нејзините чеда. Да го чествуваме овој голем празник, да ја чествуваме мајката која со вера и љубов се вознесе на небото! На сите православни христијани им посакувам многу здравје, среќа, мир и благосостојба, порача претседателката на УЖ на ВМРО-ДПМНЕ Даниела Рангелова. Од Унијата на жени и од Општинскиот комитет на ВМРО-ДПМНЕ Центар, истакнаа дека и во наредниот период ќе продолжат да бидат помеѓу граѓаните и дека негувањето на религијата и традиционалните вредности остануваат да бидат едни од врвните приоритети на ВМРО-ДПМНЕ како демохристијанска партија.

Рангелова: Дали во СДСМ нема други луѓе кои ќе можат да ги завземат местата на овие луѓе кои го прекршиле законот

Катерина Бојаџиева — Thu, 26 Jul 2018 13:10:43 +0000

Пратеничката на ВМРО-ДПМНЕ, Даниела Рангелова од говорница го праша премиерот Зоран Заев што ќе се случеше доколку скандалот со Фондот за иновации не излезеше во јавност. Таа притоа праша дали доколку средстава се доделија на сметките дали ќе се побараше тие пари да се вратат назад. Рангелова рече доколку никогаш не се дознаеше за ова тогаш средствата ќе отидоа кај партиските функционери на СДСМ. -Дали во СДСМ нема други луѓе кои ќе можат да ги завземат местата на овие луѓе кои го прекршиле законот. Вашата пратеничка на форумот на жени Цветанка Ласкова има конфлит на интереси затоа што нејзината снаа добила 330 илјади евра од овој фонд. Би сакала и да се обратам до мојот колега каде сакам да му кажам дека функцијата пратеник е неспоива со извршување на стопанска и друга дејност. Ние како пратеници не можеме да бидеме сопственици, основачи или косопственици на било кои претпријатија, подвлече таа. Рангелова рече дека не сака да слуша како и што правела претходната власт. Според неа поради грешките, ВМРО-ДПМНЕ е сега опозиција и му посочи на премиерот Заев да учи од туѓите грешки. Таа додаде дека има и други луѓе во СДСМ кои можат да ги извршуваат тие функциите наместо овие сега што се на позиција.

Рангелова: ВМРО-ДПМНЕ е државотворна партија, поради тоа даде поддршка на реформските закони

Курир — Thu, 19 Apr 2018 20:18:32 +0000

Пратеничката од редовите на ВМРО-ДПМНЕ и претседател на Унијата на Жени, Даниела Рангелова во дебатната емисија Анализа на ТВ 24 истакна дека преговорите за реформските закони се иницијатива на опозицијата со цел да се подобрат законските решенија. Рангелова вели дека ВМРО-ДПМНЕ е државотворна партија и токму поради тоа даде поддршка на реформските закони клучни за европската перспектива на државата. Според Рангелова, СДСМ премногу брза при носењето на реформските закони нешто што може на долг рок да им наштети на граѓаните и поради тоа ВМРО-ДПМНЕ се вклучи во процесот на подобрување на оваа група закони. ВМРО-ДПМНЕ имало голем број на забелешки за реформските закони од кои голем дел на крајот биле прифатени и со тоа опозицијата помогнала во носењето на подобри законски решенија. Меѓу другото извештајот на Европската Комисија го наведува токму овој проблем каде владата поголем дел од законските решенија ги носи со скратена постапка, со што се лимитира квалитетот на предлог законите. Во извештајот се нотира и недоволната анализа за финансиските импликации на донесените закони.

Рангелова: Промената треба да почне денес токму од Мила Царовска

Ивона Петрова — Wed, 11 Apr 2018 12:08:47 +0000

На денешната седница за гласање на доверба на владата, пратеничката од редовите на ВМРО-ДПМНЕ Даниела Рангелова истакна дека министерувањето на Мила Царовска е гол популизам. -Промената треба да тргне токму од неа, додаде Рангелова. Рангелова спомена низа на скандали на Царовска и напомена дека таа е позната по многу манипулации и прес конференции, малку работа и немање чист образ и совест. Според Рангелова најголема причина зошто Царовска треба да си даде оставка е ужасот кој се случи во Домот за штитеници „25 Мај“. -За жал Mила Царовска и нејзиното владеење им ја одзема насмевката на 3 девојчиња од домот „25 Мај“. Денес треба да си одите бидејќи дозволивте три девојчиња од „25 Мај“ да бидат силувани, вели таа. Пратеничката забележа дека народните кујни не работат бидејќи немало назначено лице ја јавни набавки. -Во кампања ветивте дека два пати ќе ги зголемувате пензиите и уште еднаш вонредно пред крајот на годината. Покачување на пензијата нема, истакна таа. Рангелова забележа и дека оние кои земаат минимална плата ги враќаат парите кои ги земаат на сопствениците, а во некои фабрики се прават списоци за еднаш во денот жените да можат да ги исполнат основни физиолошки потреби.

Жените од ВМРО-ДПМНЕ посетија социјално загрозено семејство и однесоа донација

Ивана Ефремовски — Fri, 06 Apr 2018 12:33:15 +0000

Унија на жени на ВМРО-ДПМНЕ заедно со претседателката Даниела Рангелова во пресрет на Велигденските празници посети социјално загрозено семејство во село Долгоец, прилепско. Таа донираше храна, облека, средства за хигиена и фрижидер.

Рангелова: Да не молчиме како полицајката Јасмина, да не дозволиме ниту едно девојче да биде жртва на насилство

Ивана Ефремовски — Sun, 04 Mar 2018 18:16:40 +0000

Унијата на жени на ВМРО-ДПМНЕ денес имаше настан по повод претстојниот ден на жената. На него се обрати претседателката на УЖ на ВМРО-ДПМНЕ, Даниела Рангелова. -Моите чекори денес се насочени подеднакво кон вас, кои што сте присутни во салава, но и кон сите други членки на Унијата на Жени што денес не се со нас, но најважно и кон сите жени на Република Македонија. И кон жените кои што сеуште трпат неправди и понижување, а чиј глас сите ние мора да бидеме. Има мигови кои не можеме, но мораме да ги издржиме. Има судбини кои не можеме да ги измениме, но мора да ги прифатиме вистините кои сега не болат, а мора да ги живееме. Затоа почитувани мои членки на Унијата на Жени на ВМРО-ДПМНЕ сакам од срце да упатам благодарност до секоја од вас, која во моментов е доследна на себе и на Организацијата, на секоја од вас која храбро го издржува секој удар на денешницата и сакам да ја поздравам Жаклина Пешевска која денес е со сите нас. Особено ми е драго што таа денес е со нас тука и што продолжи да оди и да чекори по патот кој што го имаме зацртано. Верувам дека правдата ќе излезе на виделина. Верувам во правосудниот систем и верувам дека Жаклина ќе го докаже тоа за кое што има докази и факти, рече таа. Рангелова им порача на жените дека не се сами,. -Сите ние заедно сме столбот, бедем што не може никој да го сруши, Унија на жени на ВМРО-ДПМНЕ, организација на силни жени. Не постои ништо лошо во тоа да се биде силна жена. И на светот и на Република Македонија им се потребни силни жени. Постојат многу горди и силни жени кои ние не ги знаеме и не ги гледаме, а се прекрасно мајчински настроени. Тие одлучиле да останат невидливи, вели Џинџерс Роџерс. Огромна почит кон нив. Но јас овде во салава пред мене гледам независни, самоуверени и успешни жени, кои го слушаат своето срце и својот ум. Тоа ме прави особено горда што ве имам вас покрај себе, жени, докторки, професорки, шивачки, жени политичарки, грижливи домаќинки, столб во семејството и движечка сила во општетсвото. Но секоја од вас е приказна сама за себе, искрена, јасна и трајна. Денов Ви го посветувам Вам, драги мои пријателки, соработнички, членки, кои несебично работевте и ќе работите за интересите на секоја од нас, ќе работите за интересите на државата. Среќна сум што сум дел од вас и што заедно го носиме исконскиот рефлекс како жени, мајки, заштитнички. Унијата на жени ќе биде двигател и инспирација за промени бидејќи знаете, убавината на жената не е во нејзиното лице, туку убавината на една жена е рефлектирана во нејзината душа. Таа е грижата која што таа ја дава и која што ја покажува. Убавината на жената велат расте со текот на годините, „Одри Херберт“. Не случајно жената е вечна инспирација на сите уметници. Така е поради тоа што жената е нешто најубаво и највозвишено. Алхемичарот создал волшебство со кое царува во светот а најголемото волшебство што го носи таа е што носи живот и што носи радост. Не постои уметник, поет во чии мисли не се нашол поимот „жена“. Жан Батист Поклен Молиер во едно од своите дела величејќи ја жената вели: „Жената е единственото суштество што може да плаче и да се смее за една иста работа а честопати и во исто време“, порача Рангелова. Таа потенцираше дека поради таа природа жените се наградувани и уценувани. -Но ние по природа сме добродетелки. На моменти многу емотивни но сепак најважно многу истрајни и издржливи. Такви сме ние жените! Жените претставуваат еден голем и значаен дел од светската популација со несомнено големо влијание на сеопфатното општество. Велиме ако мажите претставуваат кровот на една куќа, тогаш несомнено жените претставуваат темелот на таа куќа. И ако направиме низа компаративни анализи за местото на жената во светот па и во нашето општество, секако ќе забележиме напредок. Ние тука не треба да застанеме. Во светски рамки во науката имаме се повеќе жени кои што се јавуваат како добитнички на нобелови награди од сите области на науката како физика, литература што секако за нас претставува големо признание. Во сферата на спортот жените постигнуваат се позначајни резултати во различните спортски дисциплини. Еве скоро и сега на ЗОИ 2018 година имавме можност да се восхитуваме на успесите токму на жени. Дури и нашата женска ракометна екипа оставаше срце на терен додека освојуваше медали. Во чест на меѓународниот ден на жената би сакала да споменам и некои инспиративни, моќни жени кои придонесуваат во борбата за женските права и човековите права генерално. Ајда Велс, афроамерикански новинар и активист. Луфтија Ел Нади, прва жена пилот во Египед. Фрида Кало, сликарка и активист. Лина Бобарди, арихитект од Бразил и други. Но овој пат би сакала да се задржам на борбата на македонската жена која е специфична и за нас посебно инспиративна и значајна, истакна Рангелова. Претседателката на УЖ на ВМРО-ДПМНЕ порака дека македонската жена секогаш низ историјата застанувала рамо до рамо со својот татко, сопруг, син кога требало да се одбрани родното огниште. -Како и секогаш и во 1901 година, во склад со тогашниот светски тренд, на самите почетоци на борбата на жените за своите права, во Македонија се јавуваат силни жени, образовани. Ќе ја споменам охриѓанката Констатина Ефтимова - Русинска. Македонска учителка и деец на Македонската Револуционерна Организација која застанала на чело на друштвото „Успение Богородичино“, чие мото било „кога ја ослободиме Македонија замислите жените ќе ги имаат истите права со мажите“. Како и сите храбри македонски жени, чиј код го имаме ние и денес, само што ние рамо до рамо со мажите се бориме на демократски начин во политиката. Денес жената не е гласачко тело, туку е фактор кој со своето залагање менува закони во законодавниот дом. Носи промислени одлуки, превзема чекори за унапредување на правата на жените во сите пори од општественото живеење. Затоа што јас на овој ден, негледам само низ призма на освоени права, туку многу повеќе низ призма на стекнати одговорности. Вистинските жени знаат дека права без одговорности се краткотраен блесок и привилегии кои ние ниту сме ги барале ниту пак ни требаат. Ние не сме во потрага по општествени попусти и угодувања, жените немаат потрба од тоа. Ние се бориме и посакуваме еднаква шанса за да докажеме дека можеме, сакаме и знаеме. Модерната демократија е незамислива ако не ги вклучува подеднакво и мажите и жените во процесот на одлучување како во јавниот, така и во политичкиот живот, рече таа. Рангелова порача: „Да не молчиме веќе како полицајката Јасмина. Бидејќи денес е Јасмина утре сум јас задутре сте вие. Ги охрабрувам и невладините организации погласно да зборуваат за ова. Да кажеме не за насилството врз жените! Да иницираме законски решенија за еднакви месечни приходи и плати подеднакво и за мажите и за жените. Да ја извадиме македонската рурална жена од маргинализираната положба. Да иницираме законски решенија, да се зголеми економската поддршка за жените од неразвиените подрачја. Да ни помогнете претседателе, кога ќе бидете во можност, да се зајакне економското женско претприемништво. Да се залагаме сите ние заедно да го подобриме статусот на жената во македонското општество Да не дозволиме веќе ни едно девојче да биде жртва на насилство, како што се случи во домот за деца без родители “25-ти мај“. Еднаш во оваа држава некој да понесе одговорност, ама вистинска одговорност. И, да се залагаме да ги унапредиме правата на бремените жени, на жените на повеќедетни семејства, и да ги заштитиме на крај нашите деца, кои што се нашата иднина, кои што во нив ја гледаме иднината на нашата држава. Унијата на жени ќе биде одговорно посветена за иднината на нашите деца, бидејќи почитувани мои членки, ние денес живееме во бурни времиња. Апелирам до сите вас, да продолжите да се однесувате одговорно како што денес тоа го правите. Онака како што најдобро само и вие знаете. Драги мои сопартијки, наш успех е да кренеме глас, да се издигнеме над проблемите и да поведеме битка за наше добро, и добро на идните генерации на Република Македонија. Ние денес, жените, треба да не заборавиме да говориме во името на нашите мајки, баби и прабаби, но исто така и во името на нашите ќерки, внуки и правнуки. Вашата и моја судбина е да се потрудиме да ја промениме ситуацијата во која е сега Република Македонија. Бидејќи, почитувани мои дами ова е наш живот, наш избор, наша одлука. А што понатаму ќе зависи од сите нас. Јас верувам дека вашиот и мој пат е ист. Ве повикувам да продолжиме да дејствуваме кон заедничките цели. Верувајте можно е да се трансформира општеството во кое што живееме и да се промени. Од време на време ќе треба да почекаме да се подгорви и да се посее земјата. Во други сучаи време да се ожнее тоа што сме го посеале. Бидете активни во политиката, на човештвото му треба секоја од вас. Бидете горди што сте жени, мудри, достоинствени, храбри и силни, а истовремено нежни и внимателни. Бидете такви уште долги години. Среќен ви осми март мои дами. Некои ни посакуваат и најлошото, некои сакаат да се поделиме, некои сакаат да се распаднеме. Јас одовде, од оваа говорница сакам да им порачам. Нема да успеат. Ве уверувам, ве гледам дека имате сила и мотив, ВМРО-ДПМНЕ да се врати на власт и повторно да им служи на граѓаните. Нема да не скршат. ВМРО-ДПМНЕ знае, може и успее. ВМРО-ДПМНЕ е жесток противник на сите политики на владата кои нема да бидат во интерес на граѓаните. Граѓаните не бараат реваншизам туку бараат реформи. Нивното барање е и барање на ВМРО-ДПМНЕ. Реформите можат да бидат успешни само ако за нив е постигнат широк консензус, и од власта и од ВМРО-ДПМНЕ. ВМРО-ДПМНЕ има одговорност пред граѓаните на Република Македонија.