Даниеле Де Роси – Kurir.mk

Де Роси ќе застане на чело на Фиорентина

Ивона Петрова — Sat, 04 Jul 2020 08:16:38 +0000

Легендата на Рома, Даниеле Де Роси ќе ја започне својата тренерска кариера директно во Серија „А“. Новинарот на „Скај Спорт Италија“, Џанлука Ди Марцио тврди дека на поранешниот италијански интернационалец му било понудено да застане на чело на Фиорентина и тој прифатил. Виолетовите моментално ги води Џузепе Јакини, кој го замени Винченцо Монтела во декември. Сепак, тимот продолжува со слаби игри и не е далеку од зоната за испаѓање. Во Италија се шпекулираше дека Фиорентина е заинтересирана за тренерот на Сасуоло, Роберто Де Зерби, а од вчера се споменува и името на Де Роси. Во 2019 година, кога неговиот договор со Рома не беше обновен, Де Роси можеше да се пресели на „Артемио Франки“, но тој не сакаше да игра за друг тим во Италија и потпиша со Бока Јуниорс. Играчот од средниот ред официјално ја заврши кариерата пред неколку месеци и не крие дека планира да стане тренер. Тој сака да ги следи стапките на неговиот татко Алберто, кој долги години тренира деца на Академијата на Рома. Лучано Спалети е исто така меѓу потенцијалните опции за нов тренер на Фиорентина, но тој сепак има договор со Интер и негово привлекување би било можно само доколку се плати оштета.

Официјално: Де Роси е фудбалер на Бока Јуниорс (ФОТО)

Ивона Петрова — Fri, 26 Jul 2019 07:03:24 +0000

Бока Јуниорс го објави долгоочекуваниот трансфер и официјално го привлече поранешниот лидер на Рома, Даниеле де Роси. Тој потпиша договор со тимот како слободен агент, откако не е познато колку долго ќе трае соработката. Ветеранот долго време беше поврзуван со аргентинскиот гигант, откако ги преиначи првичните планови за пензија за да заигра на „Ла Бомбонера“. Де Роси ја помина целата своја кариера во „Вечниот град“, но веќе беше непотребен во неговиот омилен тим, откако не му беше предложен нов договор.

Де Роси е подготвен да се откаже од фудбалот

Ивана Ефремовски — Sat, 06 Jul 2019 13:10:44 +0000

Даниеле де Роси одлучи да се откаже од фудбалот, тврди „Ил Темпо“. Поранешниот капитен на Рома не доби нов договор од „волците“, што донесе големо разочарување кај фановите на тимот. Играчот, кој ќе наполни 36 години овој месец, ја помина целата своја кариера на „Олимпико“. Интерес кон него пројавуваат Сампдорија, Фиорентина, Милан, Болоња, клубови од САД и Бока Јуниорс. Де Роси сепак нема желба да се пресели со своето семејство и бил подготвен да се збогува со професионалниот фудбал. Пред него е можноста да влезе во тренерскиот штаб на Роберто Манчини во италијанската репрезентација. (МИА)

Де Роси ја привршува кариерата, во иднина ќе биде тренер

Ивана Ефремовски — Thu, 20 Dec 2018 12:56:30 +0000

Капитенот на Рома, Даниеле де Роси објави дека сака да ја заврши кариерата.

-Кога бев млад, јас прав се за да играм за Рома. И така дојдов до повеќе од 600 натпревари. Јас сум среќен, бидејќи мене ме исполнуваше мојата работа во градот што го сакам, и што работев со луѓето што ги сакам. Сега сум повреден и чувствувам дека крајот на мојата кариера е близу, соопшти Де Роси. Тој смета дека со своите 35 години тешко ќе може да се врати во старата форма и најави почеток на тренерска кариера. -Ова е најсериозна повреда во мојата кариера. Почнав да трчам и да работам со топка, но сепак сум далеку од она што треба и сакам да бидам. Во иднина сакам да бидам тренер. Единствено нешто од кое се плашам во таа професија е давања сто интервјуа неделно, потенцира Де Роси. Во тековниот сезона тој одигра 11 натпревари. (МИА)

Де Роси става крај на фудбалската кариера

Ивона Петрова — Thu, 18 Oct 2018 16:59:29 +0000

Капитенот на Рома, Даниеле Де Роси, најави дека наскоро ќе стави крај на својата фудбалска кариера. Де Роси, кој е играч од средниот ред на „волците“, целата своја фудбалска кариера ја помина на „Олимпико“ и е еден од најомилените фудбалери на италијанската публика. Тој е сигурен дека по неговото пензионирање, тимот на Рома ќе го продолжи развојот, како што направи и по заминувањето на легендата на „џаларосите“ - Франческо Тоти. - Започнувам да се навикнувам на идејата за завршување со фудбалот. Не останува многу. Сепак, Рома ќе продолжи понатаму. Тимот продолжи и по Ди Бартоломеи, Конти и Џанини. Успеавме да продолжиме и без Франческо Тоти, чие напуштање беше најболно за навивачите. Ако чувствувам болки во колената, ќе морам да прекинам со фудбалот и да и кажам на мојата сопруга дека ќе одиме на море три месеци. Не сакам да бидам товар и имам јасни идеи за иднината, изјави 35-годишниот Де Роси. MИА