Даниеле Орсато – Kurir.mk

Избран најдобриот судија на Мундијалот во Катар

Бошко Тасиќ — Thu, 29 Dec 2022 06:12:03 +0000

Италијанскиот фудбалски судија Даниеле Орсато, е прогласен за најдобар судија на неодамна завршениот Мундијал во Катар. Орсато на Светското првенство судеше на три натпревари. На Италијанецот му припадна честа да биде арбитар на отворањето на првенството кога домаќинот Катар е поразен од Еквадор со 2-0. Истиот резултат го имаше и на мечот Аргентина – Мексико, кога тој ја делеше правдата. Последниот меч на Орсато на Мундијалот беше помеѓу Аргентина и Хрватска, каде што „гаучосите“ беа убедливи и со победата од 3-0 влегоа во финалето.

Италијанецот Орсато суди на отворањето на Мундијалот

Ивана Ефремовски — Sat, 19 Nov 2022 10:35:08 +0000

Италијанецот Даниеле Орсато ќе го суди првиот натпревар на Светското првенство во Катар кое почнува утре, објави ФИФА. Натпреварот меѓу домаќинот Катар и Еквадор ќе се игра на стадионот Ал Бајт со почеток во 17 часот. Со своите 46 години Орсато е еден од најискусните судии на меѓународната сцена. Со знакот на ФИФА суди од 2019 година, а на последното Европско првенство ја делеше правда на три натпревари. На клупска сцена последен пат беше главен судија на дуелот од Лигата на шампиони меѓу Лајпциг и Реал Мадрид.

Италијански судија ја доби честа да суди на првиот меч на СП во Катар

Бошко Тасиќ — Fri, 18 Nov 2022 21:04:56 +0000

Натпреварот помеѓу Катар и Еквадор в недела од 17 часот, со кој ќе се отвори Светското првенство во фудбал, ќе го суди Даниеле Орсато од Италија. Орсато кој за неколку дена ќе наполни 47 години, е единствен италијански судија кој ќе дели правда на Мундијалот во Катар. Досега не судел на СП, а лани „дуваше“ во свирчето на три средби од Европското првенство. Најважен меч кој го има судено му беше финалето на Лигата на шампионите во 2020, кога играа Баерн и ПСЖ.

ВИДЕО: Судијата Орсато стана вирален хит на Интернет после овој потег со доделен жолт картон

Ристе Здравков — Wed, 02 Nov 2022 08:37:40 +0000

Италијанскиот судија Даниеле Орсато, кој вчера го судеше мечот на „Драгао“ помеѓу Порто и Атлетико Мадрид (2-1) направи потег кој ја изнасмеа комплетната фудбалска јавност. Во еден погруб старт на реналдо над фудбалер на Порто, Орсато тргна да му даде жолт картон на фудбалерот на Атлетико, кој во исто време ја крена раката за да му се извини на противникот, ама Италијанецот не сфати. Па откако му го покажа жолтиот картон, направи „да пукне“ и го изненади Реиналдо.

Reinildo gets a yellow and a high-5! 😅#beINCUL #UCL pic.twitter.com/3iY1Y3cDE2
— beIN SPORTS (@beINSPORTS_EN) November 1, 2022

Вистински пекол за Орсато по дербито Интер-Јувентус

Ивона Петрова — Wed, 02 May 2018 09:38:45 +0000

Веќе четири денови италијанската полиција се грижи за безбедноста на фудбалскиот судија Даниеле Орсато, кој имаше несреќа да го суди големото дерби меѓу Интер и Јувентус од 34-то коло во Серија А. Тимот од Торино победи драматично со 3:2 на „Џузепе Меаца“, откако речиси цел натпревар играа со човек повеќе. Имено црвениот картон на Матијас Весино во 18-та минута беше една од најголемите грешки на Орсато, кој е сурово критикуван од сите локални медиуми и фановите на социјалните мрежи, па дури и од двата клуба, кои го изразија своето незадоволство во писмена форма. Четириесет и две годишниот Орсато, кој работи и како електричар, вчера призна во интервју дека децата му се многу вознемирени од сето она што се случува, и затоа тој не сака да ги оптоварува дополнително. Според локалното издание „Кориере дел Венето“ домот на фудбалскиот судија постојано е чуван од полицијата, во случај некој од фановите да одлучи да ги исполни заканите. МИА