Данијел Апостолоски – Kurir.mk

Апостолоски: Времето на доделување народни пари на ,,политички подобни организации”заврши, Градот Скопје ќе финансира реални и квалитетни проекти

Магдалена Андонова — Wed, 30 Mar 2022 12:50:00 +0000

Во насока на разоткривање на вистината и превенција во ширењето на лажни вести на организации на кои претходното градско раководство 3 години им доделувало парични средства, во обид да се политизира постапката и изборот на проекти и проектни активности во социјалната сфера, сакаме да ги презентираме следните факти. Црвениот крст со години е партнер на Град Скопје и спроведува летен камп за децата со социјален ризик опфаќајќи ги и децата што биле опфатени со проектот на Арнаудова и нејзиниот сопруг. Партнер на Градот Скопје е Црвениот крст што е организација со традиција и креира позитивни промени во државата децении наназад, изјави на денешната прес конференција Данијел Апостолоски, советник во градот Скопје. Тој истакна дека изминатите денови биле сведоци на неосновани напади и лични навреди со обиди за политизација во однос на Проектот на Здружението на Кристина Арнаудова и нејзиниот сопруг кои повеќе години од институциите од централната и локалната власт испумпувале средства за проекти. - Одлуките на Град Скопје и сега и во иднина ќе бидат базирани врз оцена на квалитет на сите понудени проекти. Ако тоа било пракса порано да се даваат средства на политички подобни организации чии основачи се политички фигури кои на овој начин со буџетски средства се самопромовирале, таа пракса престанува со новиот мандат. Фактите за оваа организација говорат дека Проектот на Арнаудова и нејзиниот сопруг од градот Скопје во 2019 година добил финансиска поддршка од 250.000 денари, во 2020 година има добиено финансиска поддршка од 250.000 денари, во 2021 година има добиено 200.000 денари за летниот камп. Очигледно овие средства на Град Скопје се давале за активности кои веќе се спроведуваат и тоа поцелопфатно од страна Црвениот крст. Организацијата од доставената документација може да се види дека земала средства од 30 компании со финансиски донации, околу 300 донации со производи, како и други органи на државната управа од кои добиле финансиска поддршка меѓу кои општина Центар, Агенцијата за млади и спорт и се разбира од Градот Скопје. Прејудицирањето дека Градот е обврзан да финансира некоја организација е јасен обид за политизирање, особено имајќи предвид дека Градот Скопје подржува проекти на релевантни организации како Црвениот Крст каде квалитетот на понудени активности е висок и делуваат волонтери, но и на над 50-тина други здруженија на граѓани кои имаат понудено проектни активности во социјалната сфера кои од комисијата добиле висока оценка, појасни Апостолоски. Советникот додаде дека СДСМ и претходното градско раководство треба да и објасни на јавноста зошто се давале парите на граѓаните на проекти на партиски подобни организации, кои голем дел од средствата ги трошеле на хонорари. - Нема да се дозволи СДСМ да врши притисок и хајка со цел парите на граѓаните да се доделуваат на нивни истакнати активисти. Проектите кои ќе се поддржуваат се вреднуваат според квалитетот и импактот кои ги имаат во општеството во социјалната сфера, дециден е Апостолоски.

Поранешното раководство на Град Скопје заработи кривична пријава за веб страна платена 75.000 евра

Ивана Ефремовски — Wed, 23 Feb 2022 11:09:00 +0000

Претходното раководство на Градот Скопје платило енормна сума над 75.000 евра за изработка на Официјален веб портал на Град Скопје кој никогаш не профункционирал во целост, односно Градот платил поголема сума од реалната за ваков тип на услуга која не била реализирана како што било предвидено, информираше Данијел Апостолоски, советник за односи со јавност во Град Скопје. Град Скопје поднесува кривична пријава до Основното јавно обвинителство за злоупотреба на службената положба и овластување и несовесно работење во службата за поранешни и сегашни вработени во град Скопје, и тоа против поранешниот генерален секретар на Град Скопје Викторија Аврамовска Мадиќ, поранешниот помошник раководител на сектор за поддршка на градоначалник Ваљон Салиху, раководителот на одделението за ИКТ инфраструктура Никола Трајковски, како и вишиот соработник во одделение за координација на активности на градоначалник Влатко Васиљ. -Имено, Викторија Аврамовска Мадиќ од Скопје во својство на Секретар на Град Скопје, искористувајќи ја својата службена положба и овластување во периодот од 2018 до 2020 година, потврдила дека во целост е реализиран договор за Изработка на Официјален портал на Град Скопје со миграција на постоечките податоци и Дигитална платформа за интерконекција и управување со веб содржини и постапувајќи несовесно во вршење на своите овластувања и должности, потврдила дека е извршено предавање на платформа и прилагодување на порталот кои активности се предмет на реализација на склучен договор иако знаела дека не е испорачанo IBM ESB, истакна тој. Посочи дека исто така не е извршена целосна миграција на податоци од постојната веб страна на Град Скопје и не е предаден порталот за што останатите пријавени со свои потписи потврдиле дека се извршени и предадени поединечните фази од наведениот проект, иако знаеле дека истите не се испорачани и иако им било познато дека договорот не е во целост реализиран. -Пријавените Никола Трајковски, Ваљон Салиху и Викторија Аврамовска Мадиќ искористувајќи ја својата службена положба сепак потпишале и одобриле исплата на вкупната вредност на договорот во износ од енормни 4,717,640 денари или над 75.000 евра за услуга која не е целосно извршена и испорачана на Град Скопје согласно договорот, на кој начин пријавените прибавиле имотна корист за друг и нанеле штета на буџетот на Град Скопје, истакна Апостолоски.

Апостолоски: Уште само два месеци до крајот на насилието во Ѓорче Петров, граѓаните ќе добијат градоначалник од ВМРО-ДПМНЕ со јасна цел и визија за современа општина

Тале Кристо — Tue, 17 Aug 2021 15:55:35 +0000

Не престануваат понижувањата на општина Ѓорче Петров во македонската јавност, истакна на денешната прес-конференција во „Коментар на денот“ Данијел Апостолоски од ВМРО-ДПМНЕ. Во продолжение интегрален текст и видео од прес-конференцијата на Апостолоски: Четири години апелираме дека угледот на општината е длабоко нарушен, а оваа институција е киднапирана од силеџии, насилници, неработници и криминалци. Практично, институцијата е достапна само за нив, а граѓаните се непожелни. Во текот на изминативе денови можевме да просведочиме на еден случај како лицето Горан Трипуновски - инспектор во општината унапреден од Александар Наумоски и негова десна рака, јавно се заканува на новинари на социјалните мрежи. Ова е доказ на сите тврдења кои што ги произнесувавме изминативе години и ја повикуваме македонската јавност и новинарската фела да види како се однесуваат пајташите на Наумоски со граѓаните. Драги граѓани и медиуми, замислете, ако инспекторот на Наумоски - вработен во општина, јавно на социјалните мрежи се заканува на новинар од таков калибар, како се однесуваат со граѓаните кои ќе дојдат во Општината да побараат помош? Имено, го повикуваме Александар Наумоски да го санкционира Трипуновски и конечно да се фати за работа и да поведе ред во Општината, иако неговиот мандат ги одбројува последните денови. Насилието на кое што се навикнати Наумоски и СДСМ завршува, времето на насилниците и изживувањето врз граѓаните заврши. За помалку од два месеци општина Ѓорче Петров ќе добие нов градоначалник од редовите на ВМРО-ДПМНЕ кој ќе го врати угледот и реномето на општината, рече Апостолоски.

Апостолоски: Наумоски вети модернизација, а од Ѓорче Петров направи урбана џунгла

Тале Кристо — Fri, 18 Jun 2021 16:13:27 +0000

Ѓорче Петров е една од најузурпираните населби од страна на урбаната мафија, но за скандалот да биде уште поголем, главен виновник и поддржувач на бетонизирањето на Ѓорче Петров е градоначалникот Александар Наумоски. Гласот на граѓаните не допира до него, а показател за таквата состојба се стотиците маркици кои се издадени за изградби на нови висококатници во Хром, во Дексион, кај пазарчето во Ѓорче Петров, како и во другите урбани месни заедници во Ѓорче Петров, истакна на денешната прес-конференција Данијел Апостолоски, советник во Совет на Општина Ѓорче Петров од ВМРО-ДПМНЕ. Во продолжени интегрален текст и видео од прес-конференцијата на Апостолоски: Наместо вложување во патната и подземната инфраструктура, зголемување на капацитетите на атмосферските и фекалните канализации, Наумоски единствено се интересира за бетонизација на општината и договарање провизии со приватните инвеститори кои очигледно подолг период шуруваат со него. Граѓаните немаат вода за домашна употреба поради нарушената и исцрпена водоводна мрежа, немаат каде да ги запишат сопствените деца во градинките низ населбата поради малите капацитети, голем дел од граѓаните се уште газат во кал при секој дожд кој ќе ја зафати општината, а Наумоски преку своите розови очила вели дека општината прераснала во модерна и урбана општина. Како наближуваат локалните избори, Наумоски секојдневно се шета низ населените места во Ѓорче Петров и се обидува да ги изманипулира граѓаните фалејќи се со ситни проекти кои не ги задоволуваат потребите на граѓаните, но таквите финти и нереални бајки на неработникот Наумоски не поминуваат. Граѓаните добро ги прочитаа намерите на Наумоски и знаат дека тој е човекот кој е заслужен за четиригодишната стагнација на општината. Од сите ветувања кои што ги вети на граѓаните за задоволување на нивните потреби, единствено ја задоволи сопствената потреба за посетување на локалните кафеани и дружбите со неговите сопартијци. Изборите наближуваат, а граѓаните како никогаш досега ќе имаат шанса да го казнат Наумоски за сето зло кое што го нанесе на граѓаните и Општината Ѓорче Петров. Ѓорче Петров заслужува човек кој ќе биде секојдневно во комуникација со народот и ќе вложи максимален труд за ревитализација и модернизација на општината, рече Апостолоски.

Апостолоски до Маркоска: Во Ѓорче Петров губите неколку циклуси наназад и ќе губите бидејќи никогаш не сте застанале на страната на Македонија

Магдалена Андонова — Mon, 26 Apr 2021 12:40:02 +0000

Гледам денес се појавила кампањската пратеничка на СДСМ од Ѓорче, Даниела Маркоска. Kарактеристично за оваа госпоѓа е што се појавува непосредно пред одржување на локални или парламентарни избори, а потоа четири години ги одминува жителите на Ѓорче без да ги поздрави. Ако толку се грижи за Ѓорче и за ѓорчепетровци, нека отиде до општината и да го разбуди веќе четири години заспаниот градоначалник. Маркоска, така не бидува и затоа ќе паѓате како есенски лисја. Денес ги напаѓа сите кои вчера го изразија револтот и чекореа од Влада до Собрание, бидејќи според неа бранеле терористи. Епа вака, не се тие терористи, тие се родољуби, кои за разлика од тебе и твоите пајташи ја сакаат Македонија и се борат за неа, стои во Фејсбук статусот на Данијел Апостолоски од ВМРО-ДПМНЕ. - Терористи сте вие што четири-пет години со прст не мрднавте, лапате кеш при секоја прилика, а народот нема пари да преживее финансиски, ниту пак вакцини да си ги спасат животите. Тоа е тероризам, да му го укинете правото на живот на човекот. Тероризам е да велите дека го претставувате Ѓорче, а да не се борите да се обезбедат вакцини за ѓорчепетровци и да поддржувате закон за Клинички центар за да може Заев да украде пола милијарда евра! Ви го разбирам гневот до некаде, пишува тој. - Уште малку месеци ви останаа, после ќе треба ем да враќате, ем да одговарате за тоа што сте земале. Во Ѓорче Петров губите неколку циклуси наназад и ќе продолжите да губите бидејќи никогаш не сте застанале на страната на Република Македонија. П.С Жалам што кафанските дружби и седенките по скапи хациенди ќе мора да ги замените со далеку поладни соби. Ама тоа е, секој по заслуга, се вели во Фејсбук објавата на Апостолоски.

Апостолоски: За само 8 месеци Наумоски на шверцерски начин сака да донесе нови 25 ДУП-ови во Ѓорче Петров

Магдалена Андонова — Fri, 29 Jan 2021 14:15:35 +0000

На денешната седница на Советот на општина Ѓорче Петров, мнозинството го изгласа планот за работа на Советот на општина Ѓорче Петров за 2021 година, во кој за неполни 8 месеци советот треба да изгласа 25 урбанистички планови, изјави за медиумите, Данијел Апостолоски советник во Советот на Ѓорче Петров од ВМРО-ДПМНЕ. - Замислете, сите други проблеми се решија и остана само да се донесат урбанистички планови и да се градат бетонски ѕидови. Александар Комшија Наумоски и кастата од СДСМ не се кријат и веќе отворено застануваат на страната на урбаната мафија. Знаејќи дека ќе изгубат на локалните избори, прават непоправлива штета на Ѓорче Петров и со овие 25 урбанистички планови трајно ќе ја оштетат општината и граѓаните на Ѓорче Петров, потенцираше тој. Апостолоски прашува дали гласините дека покрај законски предвидените суми за комуналии, Александар Наумоски и локалната власт на СДСМ си вовеле свои лични давачки кои завршуваат во нивните џебови? - Уште само осум месеци, а потоа Наумоски ќе мора да одговара за сите матни зделки кои ги направи во изминатите речиси четири години, додаде тој.

Апостолоски: Над 2 недели без греење градинка во Ѓорче Петров во услови на епидемија

Ивона Петрова — Wed, 18 Nov 2020 11:26:49 +0000

Неспособноста на Александар Наумоски и СДСМ ги погодува најранливите категории во општина Ѓорче Петров. Имено, повеќе од две недели нема парно греење во градинката Детелинка во склоп на основното училиште Мирче Ацев, изјава Данијел Апостолоски советник од ВМРО-ДПМНЕ во Општина Ѓорче Петров. Тој посочи дека над две недели во услови на светска пандемија која насекаде коси и кога температурите се блиску до нулата, воспитувачките и децата седат во ладни простории само заради тоа што Наумоски не им го решава проблемот со греењето. -Дечињата наместо да се греат во текот на целиот престој, се греат само два часа на клима уред кој не ги загрева просториите согласно пропишаните стандарди. Срамота е општината и градоначалникот да нотираат функционални градинки во Ѓорче Петров, а во реалноста ништо да не прават да надминат еден ваков проблем во оваа детска градинка. Ѓорче Петров е една од општините каде што има најмногу заболен персонал од КОВИД-19 во градинките и каде што најмногу дечиња се во изолација што отвора сомнеж дека има проблем во спроведувањрто на здравствените протоколи, а дополнително со отсуството на загреани простории во оваа градинка се зголемува ризикот за загрозување и здравјето на дечињата. Го повикуваме Александар Наумоски и локалната власт наместо да се грижат само како да исцртуваат нови згради и да печалат од нив, веднаш да најдат решение за овој проблем со цел да го заштитат здравјето на дечињата и на вработените, нагласува Апостолоски.

Апостолоски: Главниот виновник за урбаното дивеење во општина Ѓорче Петров е градоначалникот Александар Наумовски

Ивана Ефремовски — Wed, 14 Oct 2020 12:19:09 +0000

На вчерашната седница на советот на општина Ѓорче Петров се виде вистинското лице на СДСМ и Александар Наумоски. Насилниците од мафијата на власт се обидоа физички да се пресметаат со граѓаните од Иницијативата против урбаното дивеење во општината, застанувајќи на страната на урбаната мафија, истакна Данијел Апостолоски, советник при Совет на општина Ѓорче Петров. -Граѓаните имаат голем проблем со овој урбанистички план. Тој со својот габарит го загрозува нормалното живеење и барајќи решение за своите проблеми, граѓаните се обратија до Советот на општината, каде со Деловник им е овозможено да присуствуваат на седниците, и наместо објаснување и разбирање беа брутално навредувани, а малку недостигаше да бидат и физички нападнати од советниците на СДСМ. За лудоста да нема крај, Наумоски кој е верен слуга на урбаната мафија, наместо да се соочи со граѓаните и да се обиде да ги реши нивните проблеми, во недостиг на аргументи за барањата на граѓаните од општината повика полиција и обезбедување со цел да создадат страв и паника, како кај советниците од опозицијата, така и кон граѓаните, истакнува тој. Апостолоски понатаму порачува: „Јавно му порачуваме на челникот на мафијата во Ѓорче Петров Александар Наумоски дека никој не им се плаши никој и дека нема да се откажеме. Воедно ги повикуваме сите меѓународни институции, амбасади, конзулати и невладини организации да го истражат овој случај од блиску бидејќи вакво насилничко и недемократско однесување не е санкционирано од ниту една институција во Република Македонија“.

Апостолоски: Три години СДСМ и Заев на власт, три години Ѓорче Петров заборавена општина

Дарко Андоновски — Tue, 21 Jan 2020 15:14:00 +0000

Три години СДСМ и Зоран Заев на власт, три години Ѓорче Петров заборавена општина, ова денеска преку изјава за медиуми го истакна Данијел Апостолоски од ВМРО-ДПМНЕ ОК Ѓорче Петров. -За владата на СДСМ предводена од Зоран Заев, Ѓорче Петров изминатите три години како да не постоеше. Централната власт не отпочна ниту пак заврши ниту еден проект, а ветуваше многу. Неспособноста оди до таа мера што и оставените проекти од страна на претходната влада на ВМРО – ДПМНЕ не ги ни започна, а камо ли да ги заврши. Ѓорче Петров три години стагнира и стои во место. Нема ништо од најавените две нови градинки, Клиничкиот центар во Волково може да се види преку со розевите очила на Заев, нема изградено ниту еден спортски објект, гасификацијата остана само на букви во нивните програми. Нема ништо ниту од надградбата на капацитетите во ОУ „Димитар Беровски“ во Хром и „Тихомир Милошевски“ во Волково. Нема никакви активности и за поврзувањето на населба „Даме Груев“ со бул. „Илинден“. Фекалната канализација во Волково и асфалтирањето на 33-те улици, проект кој го остави ВМРО–ДПМНЕ, три години не можат да го завршат поради нивната неспособност и неангажираност. Зоран Заев и СДСМ три години немаат вложено ниту еден денар од буџетот на Република Македонија во општина Ѓорче Петров. Образованието, здравството, културата, спортот, инфраструктурата се оставени да стагнираат и да се распаѓаат додека функционерите на СДСМ и Зоран Заев безкрупулозно го ограбуваат народот, вели Апостолски. Тој додава дека граѓаните на Ѓорче Петров ги прочитаа овие луѓе и на 12-ти април убедливо ќе ги поразат исто како на претседателските избори. Ѓорче повторно ќе стане општина во која владата ќе вложува во изградба на градинки, спортски терени, училишта, патишта. Ѓорчепетровци ќе изберат обнова на Ѓорче и обнова на Република Македонија.

Апостолоски: Граѓаните немаат елементарни потреби за нормално живеење, а Наумоски ќе вработува нови 13 партиски пајташи кои општина Ѓорче Петров ќе ја чинат половина милион денари месечно

Катерина Бојаџиева — Wed, 11 Dec 2019 12:22:25 +0000

Расипништвото и катастрофалното работење на Александар Наумоски заземаат загрижувачки размери. Ѓорче Петров е општина која што се дави во ѓубре, кал, насекаде никнуваат депонии, граѓаните ги немаат ниту елементарните потреби за нормално функционирање и живеење, а Наумоски ќе вработува нови 13 партиски пајташи кои општина Ѓорче Петров ќе ја чинат половина милион денари месечно, или над 6 милиони денари годишно, истакна Данијел Апостолоски од ВМРО-ДПМНЕ. -За буџетот со кој располага општината Ѓорче Петров, оваа сума на пари ќе го загрози нормалното функционирање и редовното сервисирање на обврските, за кое што отворено стравуваме дека сериозно ќе го намали нивото на основното и претшколското образование, како и нормалниот тек на работните обврски на општината. Откако Наумоски е градоначалник, скоро и да го удвои бројот на вработени административци во општината, кои ги плаќаме ние граѓаните, со наши пари. Проекти нема, проблемите не се решаваат, општината не се развива, а заедно со проблемите, расте и револтот на граѓаните. Додека градоначалникот нема пари за вработување на воспитачки во градинките и наставнички во основните училишта, истиот тој најде средства за ситуирање на своите партиски војници, рече Апостолоски и додаде: „Наумоски соочен со извесниот пораз кој го чека СДСМ на предвремените парламентарни избори на 12 април 2020 година, а потоа и на локалните избори, брза да ги вработи партиските војници на СДСМ кои треба да бидат платени со народни пари, а граѓаните ќе немаат никаков бенефит од тоа. Согласно програмата за вработување, Наумовски до крајот на оваа година сака да вработи уште 11-мина, кои без исклучок применувајќи ја досегашната практика, ќе бидат членови и активисти на СДСМ, од кои најголемиот дел ќе земаат плата од локалната самоуправа, а ќе работат во партиските штабови на СДСМ“. Се додека Наумоски, подвлече Апостолоски, неговата фамилија и криминалците од СДСМ се богатат на грбот на граѓаните, ќе бидат соочувани со реалноста од секојдневните херои како баба Перса, а ние како ВМРО-ДПМНЕ будно ќе го следиме процесот на вработување, и транспарентно ќе ја известуваме јавноста за сите постапки и за сите избрани кандидати, објавувајќи ги со име, презиме и НИВНАТА ПАРТИСКА ФУНКЦИЈА.