Данил Медведев – Kurir.mk

Медведев по поразот од Ѓоковиќ: Јас мислев дека имам добра кариера со 20 титули

Ристе Здравков — Mon, 11 Sep 2023 06:02:30 +0000

Данил Медведев не успеа вторпат да го изненади Новак Ѓоковиќ во финалните пресметки на Ју-Ес Опен, а по поразот успеа да ја насмее публиката со своите зборови упатени кон големиот ривал. Рускиот тенисер не освои ниту сет, па го праша Србинот кога планира да им остави повеќе простор на другите тенисери. – Прво сакам да го прашам Новак: Што правиш уште тука, па те молам… – Ова беше наше трето финале, веројатно ќе бидеш и во други финалиња, не знам кога планираш да успориш, но честитки за тебе и твојот тим. – Мислам, 24 титули? Се чувствувам како да немам лоша кариера со 20 освоени титули, а ти имаш 24 само на грен-слем турнирите, уау, – рекол Медведев, одлично забавувајќи ја публиката во Њујорк.

Медведев го елиминира Алкараз. во финалето на УС Опен против Ѓоковиќ

Бошко Тасиќ — Sat, 09 Sep 2023 05:12:57 +0000

Рускиот тенисер Даниил Медведев го елиминира Карлос Алкараз во полуфиналето на УС Опен и во мечот за трофејот ќе игра против Новак Ѓоковиќ. Шампионот од 2021 година победи со резултат 7:6 (3), 6:1, 3:6, 6:3, по речиси три и пол часа спектакуларен тенис. Алкараз беше фаворит во овој дуел, поради неговата позиција на АТП листата, тоа што е актуелен шампион на Њујорк, но и поради тоа што сезонава во два наврати го збриша рускиот играч и тоа на Вимблдон и Индијан Велс.

Медведев го надигра Рубљев и обезбеди полуфинале на УСА Опен

Бошко Тасиќ — Thu, 07 Sep 2023 03:55:43 +0000

Рускиот тенисер Данил Медведев се пласира во полуфиналето на УС Опен откако за 168 минути го совлада сонародникот Андреј Рубљев со 3-0 во сетови (6-4, 6-3, 6-4). Ривал на Медведев во полуфиналето ќе му биде победникот од мечот Александар Зверев - Карлос Алкараз.

Прво четвртфинале во Вимблдон за Медведев

Ивона Петрова — Mon, 10 Jul 2023 18:29:07 +0000

Се радувам на својот следен дуел и се надевам дека ќе го прикажам најдоброто од себе, порача попладнево рускиот тенисер Данил Медведев, откако прв пат во кариерата избори пласман во четвртфиналето на грен-слем турнирот во Вимблдон. Третиот светски рекет избори место меѓу осумте најдобри тенисери во Вимблдон откако Чехот Јиржи Лехечка го предаде осминафиналниот дуел при водство на Медведев од 2-0 во сетови (6-4, 6-2). Противник на Медведев во четвртфиналето ќе биде победникот од дуелот меѓу Гркот Стефанос Циципас и Американецот Кристофер Еубанкс.

Данил Медведев го освои Мастерсот во Рим

Бошко Тасиќ — Sun, 21 May 2023 17:35:50 +0000

Рускиот тенисер Данил Медведев е победник на АТП мастерс 1000 турнирот кој се игра во италијанскиот главен град Рим. Медведев до титулата во „вечниот град“ стигна откако во финалето славеше над Данецот, Холгер Руне со 2-0, по сетови 7-5 и 7-5. Првиот сет беше решен во самиот финиш, додека во вториот Данецот иако имаше предност од 3-5, одигра катастрофални четири гема во низа кои беа доволни за прв триумф на земјена подлога за Русинот. Русинот со оваа победа од утре ќе биде на второто место на АТП листата, а зад себе ќе го остави Новак Ѓоковиќ кој паѓа на третата позиција.

Данил Медведев ќе се бори за титулата на Мастерсот во Рим

Бошко Тасиќ — Sun, 21 May 2023 05:35:51 +0000

Рускиот тенисер Данил Медведев славеше против Стефанос Циципас со 2-0 во сетови, односно 7-5 и 7-5 во полуфиналето на Мастерсот во Рим. Медведев направи брејк уште во првиот гем од мечот и го чуваше водството до осмиот гем кога Гркот израмни на 4-4. Русинот, сепак, во продолжение прави уште еден брејк и го доби сетот со 7-5. Идентичен беше и вториот сет од мечот, каде што рускиот тенисер направи два брејка и со 7-5 си обезбеди место во финалето.

Русинот за титулата во Рим ќе се бори против Холгер Руне кој беше подобар од Каспер Руд со 2-1 во сетови.

Данил Медведев го освои Мастерсот во Мајами

Бошко Тасиќ — Mon, 03 Apr 2023 04:27:16 +0000

Рускиот тенисер Данил Медведев го освои АТП Мастерс 1000 турнирот во Мајами, откако во финалето го совлада италијанецот Јаник Синер со 2-0. Првиот сет започна одлично за италијанецот кој направи брејк за водство од 3-2. Сепак, Медведев веднаш врати и се играше изедначено се до 6-5. Тогаш Русинот со нов брејк успеа да го освои првиот сет со 7-6. Вториот сет започна исто како што заврши првиот, со брејк за Медведев и водство од 2-0. Синер веднаш врати, но тоа беше се од италијанскиот тенисер на овој натпревар, бидејќи Медведев продолжи во одличен стил и го освои сетот со 6-3. Ова за рускиот тенисер е 19-ти АТП трофеј во кариерата, но и шестти Мастерс 1000. Трофејот во Мајами е четврти оваа сезона за Медведев, откако претходно беше најдобар и во Дубаи, Доха и Ротердам.

Карлос Алкараз до титулата во Индијан Велс и прва позиција на АТП листата

Бошко Тасиќ — Mon, 20 Mar 2023 05:37:17 +0000

Шпанскиот тенисер Карлос Алкараз го победи Данил Медведев во финалето на Мастерсот во Индијан Велс со резултат 6-3, 6-2, по само 72 минути игра. Со оваа победа Алкараз се врати на врвот на АТП-листата, од кaдe го симна Новак Ѓоковиќ.Данил Медведев до овој дуел беше во голема победничка серија, ги освои турнирите во Ротердам, Доха и Дубаи, но вечерва не личеше на себе. Алкараз еднаш го одзеде сервисот на Медвеев во првиот и двапати во вториот сет и не им понуди задоволство на фановите да гледаат долг меч. На овој турнир, како и на наредниот во Мајами, не настапи Новак Ѓоковиќ заради забраната на Соединетите Американски Држави невакцинирани луѓе да влезат во границите на оваа земја.

Медведев: Секогаш сум против војна, многу ми е жал за Украинците

Бошко Тасиќ — Fri, 17 Mar 2023 06:02:24 +0000

Данил Медведев се пласираше во полуфиналето на турнирот во Индијан Велс, по што рускиот тенисер даде свој коментар и за војната во Украина. „Многу ми е жал за сите украински играчи и се она што се случува. Јас отсекогаш сум го велел истото, секогаш сум за мир насекаде во светот, секогаш сум против војна“, изјави Медведев. Русинот по триумфот во четвртфиналето над Шпанецот Фокина, во полуфиналето за ривал ќе го има американскиот тенисер Тиафо.

Данил Медведев слави титула во Дубаи

Бошко Тасиќ — Sun, 05 Mar 2023 07:07:03 +0000

Рускиот тенисер Данил Медведев е победник на АТП тенискиот турнир во Дубаи, откако во финалето за само еден час и осум минути го совлада бранителот на титулата Андреј Рубљев со убедливи 6-2, 6-2 . Со триумфот во Дубаи, Медведев ја продолжи победничката серија. Ова за него е трет освоен турнир за три недели, откако го подигна победничкиот пехар и во Ротердам и во Доха, а во изминатите три недели оствари 14 победи. За Медведев ова беше 18-та титула во сингл во кариерата.