Данило Брестовац – Kurir.mk

ОФИЦИЈАЛНО: Брестовац го презеде кормилото на ОАЕ

Бошко Тасиќ — Wed, 03 May 2023 04:29:20 +0000

Maкедонскиот ракометен тренер Данило Брестовац и официјално е претставен за нов селектор на репрезентацијата на Обединетите Арапски Емирати. Поранешниот предводник на нашиот национален тим замина од Тиквеш на неколку кола пред крајот на сезоната и се реши за нов интернационален предизвик. Брестовац во ОАЕ пристигна уште пред неколку дена и се запозна со новите соработници во оваа федерација по што беше промовиран во селектор на оваа селекција.

Брестовац си замина од Тиквеш, ќе биде селектор на Обединетите Арапски Емирати

Ристе Здравков — Wed, 26 Apr 2023 13:07:58 +0000

Поранешниот селектор на македонската ракометна репрезентација, Данило Брестовац има нов предизвик во својата кариера и ќе биде селектор на Обединетите Арапски Емирати (ОАЕ). Брестовац го напушта Тиквеш кој се бори за излез во Европа и веќе пристигна во Дубаи каде што утре ќе биде промовиран на новата функција. За Брестовац ова ќе биде втор ангажман на Блискиот Исток, претходно во сезоната 2021/2022 тој го водеше тимот на Ал Мадар од Саудиска Арабија. Од друга страна на клупата на Тиквеш во последните три кола ќе седи помошникот Боро Ѓорѓиев.

Брестовац со Aл Мадар се шампиони на Саудиска Арабија

Бошко Тасиќ — Sun, 17 Apr 2022 14:58:35 +0000

Данило Брестовац во својата прва сезона како тренер на екипата на Ал Мадар од Саудиска Арабија успеа да го освои шампионскиот трофеј. Ова е втор трофеј за македонскиот тренер откако е на кормилото на Мадар затоа што претходно го освои и трофејот од Суперкупот. Во првенството заедно со Ал Калеј имаа исто бодови. Па одлучено беше да се игра мајсторка која Мадар ја доби и така стана шампион на Саудиска Арабија.

Данило Брестовац со нов интернационален ангажман

Бошко Тасиќ — Sat, 26 Jun 2021 21:01:51 +0000

Поранешниот селектор на машката ракометната репрезентација Данило Брестовац ќе биде тренер на Ал-Мудар од Саудиска Арабија. Претходно пред репрезентацијата, Брестовац ги водеше Металург и Ред Бојс Дифердаж од Луксембург, а му беше асистент на Ивица Обрван во францускиот Шамбери. Брестовац репрезентацијата на Македонија ја водеше на две големи натпреварувања. Европското првенство во Австрија 2020 година и Светското првенство во Египет годинава.

Брестовац замина, веќе не е селектор на ракометната репрезентација

Ивона Петрова — Tue, 26 Jan 2021 10:33:06 +0000

Данило Брестовац повеќе не е селектор на македонската машка ракометна репрезентација. -Ракометната Федерација на Македонија би сакала да ја извести јавноста дека македонската куќа на ракометот и Данило Брестовац, на 26 јануари 2021 г., взаемно се спогодија да ја прекинат соработката околу ангажманот на машките ракометни сениори, стои во објавата на РФМ. Данило Брестовац ја извршуваше оваа функција во период јуни 2019 - јануари 2021 година.

Брестовац бара борбеност: Египет има физички силна репрезентација

Ивона Петрова — Sat, 16 Jan 2021 13:38:17 +0000

Македонската ракометна репрезентација денеска од 18 часот игра против домаќинот на Светското првенство. Египет предводен од Парондо, кој добро ги познава македонските ракометари е фаворит. Македонија загуби од Швеска во воведното коло додека Египет беше подобар од Чиле. Селекторот на Македонија, Данило Брестовац бара од неговите ракометари посериозно да влезет во денешниот дуел и да покажат дека може да се носат со предизвикот како тим. -Египет има силна репрезентација со успешни резултати на големите натпреварувања. Станува збор за физички силна селекција против која може да имаме проблеми како се однесуваме како на натпреварот против Шведска. Против Швеѓание избегнуваваме контакти, физички дуели а во нападот не бевме на потребното ниво. Кога доаѓавме во позиција 1:1 нашите играчи не си помагаа, едноставно немаше тимски дух, кој се гради во младинските конкуренции, изјави Брестовац.

Брестовац го објави списокот на ракометари за ЕХФ неделата

Ивона Петрова — Tue, 29 Dec 2020 11:36:02 +0000

Селекторот на македонската ракометна репрезентација, Данило Брестовац го објави списокот на играчи повикани за претстојната ЕХФ недела. На списокот на Брестовац се наоѓаат: Никола Митревски, Мартин Томовски, Никола Даниловски, Бојан Маџовски, Цветан Кузмановски, Мартин Поповски, Ненад Костески, Жарко Пешевски, Михаил Аларов, Милан Лазаревски, Филип Талески, Филип Кузмановски, Марио Танкоски, Марко Мишевски, Горан Крстевски, Кирил Лазаров, Мартин Велковски, Мартин Серафимов, Дарко Георгиевски и Михајло Младеновски. Резерви: Филип Арсеновски, Дејан Кукуловски, Андреј Петковски и Мартин Карапалевски. ЕХФ неделата Брестовац ќе ја искористи за подготовки за претстојните квалификациски натпревари против Данска во март и во април со Финска и Швајцарија за пласман на ЕП 2022 во Словачка и Унгарија. За време на подготовките ќе се одиграат и два контролни тренинг натпревари од затворен карактер против репрезентацијата на Чиле

Ковид-19 проблем за Брестовац, репрезентативец на Македонија е позитивен

Ивона Петрова — Mon, 02 Nov 2020 07:43:39 +0000

Селекторот на Македонија, Данило Брестовац се соочува со низа проблеми пред дуелите со Финска и Швајцарија во квалификациите за Европското ракометно првенство во 2021 година. На последното тестирање во репрезентацијата, еден играч бил позитивен на Ковид-19. Се уште не е потврден идентитетот на ракометарот кој е заразен со Ковид-19, објави Дриблинг.мк. Брестовац поради коронавирусот остана и без помошта на Матлиевски и на Царчев. За денеска е закажан собирот на репрезентацијата која ќе тренира во „Борис Трајковски“. Македонија ја пречекува Финска во среда со желба за победнички влез во евроквалификациите.

Брестовац го објави списокот на ракометари повикани за средбите со Финска и Швајцарија

Тале Кристо — Thu, 29 Oct 2020 12:53:55 +0000

Селекторот на македонската ракометна репрезентација, Данило Брестовац денес го објави списокот со повикани ракометари за собир за претстојните натпревари со репрезентациите на Финска и Швајцарија. Двете средби се квалификациски за Европското првенство 2022 што ќе се одржи во Унгарија и Словачка. На списокот на Брестовац се најдоа 19 ракометари: Никола Митревски, Мартин Томовски, Марко Кизиќ, Дејан Манасков, Бојан Маџоски, Ненад Костески, Мартин Поповски, Стојанче Стоилов, Никола Маркоски, Жарко Пешевски, Филип Талески, Филип Кузмановски, Марио Танкоски, Марко Мишевски, Кирил Лазаров, Мартин Велковски, Мартин Серафимов, Милорад Кукоски и Дарко Георгиевски. Првиот квалификациски натпревар сениорите ќе го одиграат на 4 ноември против репрезентацијата на Финска, три дена подоцна е дуелот со Швајцарија.

Брестовац го објави поширокиот список на сениорите за квалификациските натпревари

Магдалена Андонова — Mon, 26 Oct 2020 16:30:39 +0000

Селекторот на Македонската ракометна репрезентација, Данило Брестовац го објави поширокиот список на 35 ракометари за претстојните квалификациски натпревари со репрезентациите на Финска и Швајцарија за ЕП 2022. Првиот квалификациски натпревар сениорите ќе го одиграат на 04 ноември, среда против репрезентацијата на Финска. Вториот натпревар против селекцијата на Швајцарија ќе се одигра три дена подоцна во градот Цуг, Швајцарија со почеток во 18:30 часот.