даночни пријави – Kurir.mk

Годишните даночни пријави ќе може да се потврдат или корегираат и за време на викендот

Ивана Ефремовски — Fri, 31 May 2019 11:17:54 +0000

Управата за јавни приходи попладнево соопшти дека ќе им овозможи на граѓаните да ја потврдат или корегираат претпополнетата годишна даночна пријава и во текот на викендов. -Ова од причина што крајниот рок за добивање на статус на конечни даночни пријави е во неработен ден, согласно на што на 03.06.2019 (понеделник). Годишните даночни пријави ќе добијат статус на конечни даночни пријави според последниот статус на Годишната даночна пријава – потврдена или коригирана. Пријавите коишто од страна на граѓаните не се ниту потврдени или коригирани ќе бидат службено потврдени, наведува УЈП во соопштението.

Рокот истекува: Уште само денеска можете да ги потврдите или корегирате податоците во годишната даночна пријава

Ивана Ефремовски — Fri, 31 May 2019 09:04:13 +0000

Истекува рокот за увид во претпополнетата Годишна даночна пријава за 2018 година што значи дека даночните обврзници кои се регистрирани на системот е-Персонлен данок имаат можност уште денеска преку своите кориснички профили да ги потврдат или корегираат податоците во даночната пријава. По истекот на овој рок, даночните пријави ќе добијат статус на конечни пријави согласно последниот статус на Годишната даночна пријава – потврдена или коригирана. Утре службено ќе бидат потврдени и годишните даночни пријави кои од страна на граѓаните не се ниту потврдени, ниту корегирани. Годишната даночна пријава којашто граѓанинот ја коригирал, а добила статус на конечна даночна пријава, ќе треба да биде одобрена од службено лице на Управата за јавни приходи, а доколку службеното лице не ја одобри коригираната даночна пријава, ќе биде донесено решение за утврдување на персоналниот данок на доход за 2018 година. -Пресметаната разлика за доплата по Годишната даночна пријава и платените аконтации во 2018 година, даночните обврзници имаат обрска да ја платат најдоцна до 30.06.2019. Согласно законските одредби УЈП нема да носи решение за 2018 година за пресметаниот годишен персонален данок од доход, појаснуваат од УЈП.

Не чекајте „5 до 12“: Уште само пет дена остануваат да ги проверите годишните даночни пријави

Ивана Ефремовски — Sun, 26 May 2019 07:14:29 +0000

Граѓаните кои оствариле приходи во 2018 година имаат рок до крајот на овој месеци, односно 31 мај да направат увид во претпополнетата Годишна даночна пријава електронски доставена од Управата за јавни приходи. На електронскиот систем на Управата за јавни приходи регистрирани се над 680 илјади даночни обврзници кои оствариле приход во текот на 2018 година. Тие треба на својот кориснички профил да ја проверат испратената препополнета Годишна даночна пријава и да ја потврдат или да ја кориригираат. Од УЈП за МИА информираат дека од 1 јуни Годишните даночни пријави ќе добијат статус на конечни даночни пријави, согласно последниот статус на Годишната даночна пријава, коригирана или потврдена. - Исто така од 1 јуни 2019 година службено ќе бидат потврдени и Годишните даночни пријави што од страна на граѓанинот не се ниту потврдени или коригирани, појаснуваат од УЈП. Оттаму додаваат дека годишната даночна пријава што граѓанинот ја коригирал, а добила статус на конечна даночна пријава, ќе треба да биде одобрена од службено лице на Управата за јавни приходи. Доколку службеното лице не ја одобри пријавата, посочуваат, ќе следи донесување на решение за утврдување на персоналниот данок на доход за 2018 година. -Пресметана разлика за доплата по годишната даночна пријава и платените аконтации во 2018 година, даночните обврзници имаат обврска да ја платат најдоцна до 30 јуни 2019. Согласно законските одредби УЈП, како што наведуваат, нема да носи Решение за 2018 година за пресметаниот годишен персонален данок од доход. Од УЈП наведуваат дека граѓаните кои имаат потреба од помош при коригирањето на претпополнетите Годишни даночни пријави, може да се обратат во контакт центарот на телефонските броеви 0800 33 000 и 02/3253 200. Воедно, ги повикуваат и граѓаните кои оствариле приходи, а се уште не се регистрирале на системот е-Персонален данок, тоа да го сторат во најкраток можен рок. (МИА)

Важна вест: Имате уште само 7 дена да ги проверите годишните даночни пријави од УЈП

Дарко Андоновски — Fri, 24 May 2019 19:08:49 +0000

Даночните обврзници имаат рок уште седум дена за проверка на податоците од своите претпополнети годишни даночни пријави, кои ги добија по електронски пат. До 31 мај, треба да ги потврдат или да извршат корекција. На крајот од месецов УЈП ги заклучува профилите и пријавите се сметаат за конечни. А, потоа ќе бидат разгледани од службата на управата. Доколку службените лица не ги одобрат корекциите кои ги направиле граѓаните ќе донесат решение за да го утврдат перосналниот данок на доход кој го оствариле даночните обврзници минатата година. Поголемиот дел од граѓаните веќе ја извршиле обврската, велат од УЈП. Дури и пензионерите кои освен пензија оствариле дополнителен приход лани, на време ги потврдиле пријавите. Сите кои се уште не ја потврдиле или коригирале пријавата тоа да го сторат во најкус можен рок. Оние пак кои се соочуваат со проблем да се обратат кај нив, апелираат оттаму.

На овој начин проверете ги вашите годишни даночни пријави

Предраг Кукиќ — Thu, 25 Apr 2019 08:15:36 +0000

Триесет и први мај е датумот до кога граѓаните ќе треба да направат корекција ако има потреба во годишните даночни пријави кои Управата за јавни приходи треба да ги испрати до нив. Околу 80.000 даночни пријави треба да завршат на адресите на граѓаните за една недела кои ќе треба да направат увид во претпополнетите годишни даночни пријави и доколку има потреба истите да ги корегираат. Досега од УЈП испратиле над 600 000 пријави. Сите оние кои сакаат да ги проверат даночните пријави тоа може да го направат на овој ЛИНК. Постапката е лесна и едноставна а она што треба да го направите е да го отворите линкот да ги внесете Лозинката и емаилот со кој сте регистрирани и да си проверите се што ве интересира.

Повторно се чека „5 до 12“: Истекува рокот за поднесување на даночни пријави

Ивана Ефремовски — Thu, 15 Mar 2018 08:14:48 +0000

Денеска е последниот ден кога граѓаните може до Управата за јавни приходи да поднесат годишна даночна пријава за остварени дополнителни приходи во изминатата 2017 година. Се очекува да бидат поднесени над 400.000 годишни даночни пријави. Последните податоци на УЈП покажуваат дека се поднесени вкупно 334.360 пријави. Во текот на вчерашниот и денешниот ден во УЈП се очекуваа да бидат поднесени околу 100 илјади. Најмногу или 125.165 пријави се поднесени во Скопје, во Битола 46.400, Тетово 28.621, Струмица 29.982, Прилеп 45.652 и Штип 58.540 годишни даночни пријави. Пријавите освен на шалтерите може да се поднесат електронски и да се испратат по пошта. Виолета Ставрова од УЈП изјави дека задолжително треба даподнесат ГДП сите оние кои покрај платата и пензијата оствариле и друг вид приход, под сите оние граѓани кои издаваат под закуп стан, деловен простор, сите оние граѓани кои работеле по основ на договор на дело, кои оствариле приходи од авторски права, дивиденда, капитални добивки од продажба на удел и недвижен имот, добивка од општите игри на среќа во износ поголем од 5.000 денарии, како и оние лица кои работат во амбасадите и конуларните претставништва во РМ. - Со цел избегнување на метежите, особено во Регионалната дирекција Скопје, апелираме граѓаните да ги поднесуваат пријавите и на шалтерите на УЈП кои се отворени за прием на Годишни даночни пријави во Центар, како и општините Ѓорче Петров, Бутел, Гази Баба, Аеродром и Мобилниот даночен шалтер во Драчево што ќе биде стациониран на 15 март пред месната заедница во периодот од 10.00 до 14.00 часот, рече Виолета Ставрова. За ненавремено поднесување, односно неподнесување даночна пријава и нецелосно пријавени приходи Законот предвидува глоба од 100 до 200 евра, во денарска противвредност. (МИА)

Утре истекува рокот за поднесување на годишна даночна пријава до УЈП

Ивана Ефремовски — Wed, 14 Mar 2018 10:38:35 +0000

Утре истекува рокот за поднесување Годишна даночна пријава за утврдување на персоналниот данок на доход и пријавување на приходите кои граѓаните ги оствариле во изминатата 2017 година. Последните податоци на УЈП покажуваат дека досега се поднесени вкупно 334.360 пријави. Во текот на денешниот и утрешниот ден во УЈП очекуваат да бидат поднесени уште околу 100 илјади ГДП. Најмногу или 125.165 пријави се поднесени во Скопје, во Битола 46.400, Тетово 28.621, Струмица 29.982, Прилеп 45.652 и Штип 58.540 годишни даночни пријави. Пријавите освен на шалтерите може да се поднесат електронски и да се испратат по пошта. - Со цел избегнување на метежите, особено во Регионалната дирекција Скопје, апелираме граѓаните да ги поднесуваат пријавите и на шалтерите на УЈП кои се отворени за прием на Годишни даночни пријави во Центар, како и општините Ѓорче Петров, Бутел, Гази Баба, Аеродром и Мобилниот даночен шалтер во Драчево што ќе биде стациониран на 15 март пред месната заедница во периодот од 10:00 до 14:00 часот. За ненавремено поднесување, односно неподнесување даночна пријава и нецелосно пријавени приходи Законот предвидува глоба од 100 до 200 евра, во денарска противвредност.