дарио ивановски – Kurir.mk

Атлетичарот Дарио Ивановски е старо-новиот балкански шампион

Ивана Ефремовски — Sun, 03 Sep 2023 10:50:27 +0000

Македонскиот атлетичар Дарио Ивановски од Скопје е старо-новиот балкански шампион со нов национален рекорд кој денеска го постигна на манифестацијата „Трчај, бе“ во Битола. Патеката долга 21 километар, Ивановски ја истрача за 1 час, 4 минути и 45 секунди. -Среќен сум што ја одбранив титулата Балкански шампион која претходно ја освоив во Тирана. Се радувам што тоа се случи во Битола, на манифестацијата „Трчај, бе“ на која учествувам од нејзиниот почеток. Патеката е тешка, но на тешки услови се гледаат хероите. Денес истрчав рекорд и го подобрив мојот воедно и државен рекорд кој досега беше 01:06:09, а денес истрачав за 1 час, 4 минути и 45 секунди, и тоа е подобро постигнато време, изјави Ивановски за МИА. Со златен медал на трката од 21 километар се закити и атлетичарката Луиза Гега од Албанија, а награди беа доделени за најуспешните натпреварувачи во поединечна женска и машка конкуренција, како и во екипното натпреварување на патеките од 5 и 10 километри. На трката низ битолските улици годинава учествуваа околу 2.000 вљубеници во атлетиката од државата и странство, а Атлетската федерација на Македонија го организираше националното првенство каде учествуваа 40 натпреварувачи и Балканското првенство каде учествуваа атлетичари од седум држави. - Атлетичарски трки кај нас се организираат на стадиони, улични тркови низ градови и на други места, но за жал ние и понатаму немаме услови за тренинг. Во земјава има само две патеки за атлетичари, клубовите се принудени да се снаоѓаат, да тренираат во паркови и слично, но верувам дека државата ќе помогне, ќе инвестира во изградба на трим патеки и достојни услови за сите љубители на трчањето, изјави Дејан Ангеловски, генерален секретар на Атлетската федерација на Македонија. (МИА)

Дарио Ивановски во машка и Билшерин Сулејман во женска конкуренција победници на полумаратонот на „Охрид трчаТ“

Ивона Петрова — Sun, 04 Jun 2023 11:36:11 +0000

Македонскиот атлетичар Дарио Ивановски, кој е и балкански шампион во полумаратон, и годинава победи на 21. километарската патека во Охрид на атлетската манифестација „Охрид трчаТ“. Ивановски патеката ја мина за 1 час 11 минути и 18 секунди. Во женска конкуренција најдобра беше Билшерин Сулејман од Бугарија. Втори на целта пристигнаа Тирон Мамуша од Албанија, во машка и Билјана Кираџиева од Србија, додека трети беа Муџаид Мислими и Марина Домазетоска од Северна Македонија. Наградниот фонд за победниците на 21 километар е 300, 200 и 100 евра во машка и женска конкуренција, а тие добија и бисери од Филеви. Во трката на пет километри победија Михаил Вулковски од Бугарија со време 18:52 минути од мажите и Аделина Павлова од Бугарија со време 22:29 минути во женска конкуренција. Втори беа Жорит ван дер Рат од Холандија и Николина Милевска Велјановска од Северна Македонија, додека трети во машка, односно женска конкуренција беа Атила Расим од Бугарија и Бојана Наумовска од Северна Македонија. На штафетната трка од 21 километар во машка конкуренција тримфираше АК Делта, пред Битолски бавни тркачи и „Poetry Run“ . Во женска конкуренција првото место го освои штафетата „Сакаме тартан во Битола“ пред „Ohrid running team girls“.

Дарио Ивановски заврши последен во квалификациите на 3.000 метри на ЕП во сала

Бошко Тасиќ — Sat, 04 Mar 2023 15:46:35 +0000

Најдобриот македонски атлетичар Дарио Ивановски имаше ужасни квалификациите за трката на 3.000 метри на Европското првенство (ЕП) во сала во Истанбул. Ивановски заврши последен во квалификациите со време од 8:17,93 минути, а тоа е за дури дваесетина секунди полошо од неговото најдобро време на оваа патека. Вчера на настанот настапи и македонската атлетичарка, Дрига Ислами која заврши на 25. место од 28 атлетичарки.

Ивановски со нов македонски рекорд на 5.000 метри до осмо место на МИ

Бошко Тасиќ — Sun, 03 Jul 2022 19:33:48 +0000

Најдобриот македонски атлетичар Дарио Ивановски имаше добар настап на Медитеранските игри (МИ) во Оран, каде што го освои осмото место на трката на 5.000 метри. Ивановски со време 13:54.58 стигна до осмата позиција во конкуренција на 14 учесници на трката, а притоа постави нов македонски рекорд, додека прв заврши Софијан Букантар со време 13:36.12. Македонскиот атлетичар го подобри времето за две секунди, па така новиот рекорд изнесува 13:54.58.

Сребрен медал за Ивановски на Балканското првенство во атлетика

Тале Кристо — Sun, 19 Jun 2022 10:53:36 +0000

Македонскиот атлетичар Дарио Ивановски продолжи со успешните настапи на меѓународна сцена, освојувајќи го сребрениот медал на трката на 5.000 метри на Балканското првенство, кое викендов се одржува во романскиот град Крајова. Ивановски ја истрча патеката со време од 13:56:59 и го освои второто место, една недела по златниот медал на Европското првенство за мали земји во Малта. Ивановски денеска го очекува и трката на 3.000 метри, а од македонските атлетичари настап на Балканијадата во Крајова попладнево ќе имаат и Јован Стојоски на 200 метри, Леонид Вандевски на 3.000 метри стипл и Адријана Поп Арсова во трката на 5.000 метри.

Сребрен медал и национален рекорд на Дарио Ивановски во Истанбул

Бошко Тасиќ — Sat, 05 Mar 2022 19:29:01 +0000

Дарио Ивановски стигна до бронзениот медал на трката на 3000 метри на Балканското првенство во Истанбул, тој исто така успеа да постави и нов нацинален рекорд на Македонија. По бронзата на Андреас Трајковски, уште еден медал за Македонија на Балканското првенство во Турција. Вечерва Дарио Ивановски стигна до бронза на трката на 3000 метри. Со постигнување од 7:58.48, тој се искачи на второто место на пиедесталот. Ова време на Дарио Ивановски исто така значи и нов национален рекорд на Македонија вреден 1087 бода.

Арсова и Ивановски победија на Скопскиот маратон со нови државни рекорди

Ивона Петрова — Sun, 03 Oct 2021 11:50:15 +0000

Адријана Поп Арсова во женска и Дарио Ивановски во машка конкуренција со време на нови државни рекорди минаа први низ целта на Скопскиот маратон што денеска се одржа нив улиците на македонската престолнина. Во конкуренција на околу 150 учесници во дветеконкуренции, Поп Арсова ја истрча маратонската трка во време 2:40:36 часа, додека Ивановски триумфираше со време од 2:21:27 часа. Вторите места ги освоија Силвија Јукаила од Еквадор и Младен Стевановиќ од БиХ, додека како третопласирани завршија Билјана Кираџиева и Германецот Давид Перлич. Во полумаратонската трка триумфираше Бугаринот Ценков со време 1:09:10 час, додека во женска конкуренција прва низ целта мина Србинката Ристиќ (1:26Ч09).

Дарио Ивановски е позитивен на ковид-19, нема да настапи на ЕП

Дарко Андоновски — Mon, 01 Mar 2021 08:50:55 +0000

Македонскиот атлетичар, Дарио Ивановски нема да биде дел од Европското првенство во сала бидејќи е позитивен на ковид-19. Ивановски кој неодамна стана балкански шампион на 3000 метри во сала, за жал нема да биде дел од Европското првенство во Торун, Полска. „И официјално на престојно ЕП во сала кое ќе се одржи оваа недела во Торун, Полска, нашиот најдобар атлетичар Дарио Ивановски нема да настапи. Да му посакаме многу здравје, брзи и лесно подносливи денови во ова светско КОВИД лудило кое удри и кај нашиот неприкосновен шампион. Се гледаме напролет на новите предизвици – спортски поздрав од MC RUNNING TEAM“, објави на фејсбук тренерот на Ивановски, Игор Јакимовски.