дарио николовски – Kurir.mk

„Сигнал“: Дарио Николовски си го вработи братот во МВР, па и се пофали на Фејсбук?!

Ивана Ефремовски — Sat, 31 Aug 2019 16:53:10 +0000

Директорот на студентските домови, Дарио Николовски денес заедно со министерот за внатрешни работи Оливер Спасовски, му го честитаа на Кристијан Николовски, брат на Дарио, приемот во полиција, објави порталот Сигнал. По фотографијата објавена на Фејсбук, каде министерот, директорот и тазе полицаецот се сликани се поставуваат прашањата: -Дали братот на Дарио некогаш ќе станеше полицаец доколку Дарио не беше близок со Оливер Спасовски? Какви се ургенции имало од страна на директорот за згрижување на својот брат во МВР, прашува порталот.

Трагикомично: Студентите сами реновираа диско, додека живеат во руинирани услови- директорот Николовски мува не го лази за нив

Дарко Андоновски — Sat, 20 Jul 2019 12:00:32 +0000

Денеска речиси во сите медиуми беше пренесена веста дека е реновирано и отворено диското во студентскиот дом „Кузман Јосифовски- Питу“, а го реновираа членови на Младинскиот образовен форум што се спроведе од 1-ви до 18-ти месецов во рамки на проектот „Студентски домови без корупција“. И додека студентите немаат елементарни услови во студентскиот дом „Кузман Јосифовски- Питу“, наместо директорот да се фати за работа, тоа го прават со свои сили доброволци финансирани од Фондацијата отворено општество- Македонија, позната како СОРОС. КРИР во повеќе наврати беше сведок на лошите услови низ студентските домови во Скопје, особено нечовечките елементарни услови за кои треба да се бори директорот Дарио Николовски кој се почесто се фокусира на „позирање“ на социјалните мрежи наместо на реалните проблеми со кои се соочуваат студентите. Пред два месеци јавноста беше сведок на тоалетите со урнат покрив во студентскиот дом „Стив Наумов“, каде студентите се пожалија дека не можат ни да се искапат бидејќи тоалетите се небезбедни и ќе им падне покривот на глава. Претходно за време на зимскиот период КУРИР објави видео снимки од револтирани студенти од студентскиот дом „Гоце Делчев“ каде тие немаа топла вода и мораа да се бањаат со ладна вода иако надвор температурата беше минус неколку степени. Доказ дека „животот“ кој го ветуваше СДСМ не дојде за студентите се и секојдневните фотографии и поплаки од студентите за лошата храна и бубачки во неа, а често истата е и мувлосана. Сепак „метлата“ на Заев добро го чува директорот на Државниот студентски дом кој не може да се пофали со ниту еден конкретен проект во овие две години направен за студентите, но може да се пофали со моделски фотографии на социјалните мрежи. За лошите услови во студентските домови реагираше и ВМРО-ДПМНЕ во неколку наврати. ВМРО-ДПМНЕ: Студентските домови во Република Македонија наликуваат на руина Студентските домови во Република Македонија наликуваат на руина. Сликите кои ги објавија медиумите, од кои се гледаат уништени тоалети се доказ дека власта две години нема направено ништо, обвинуваат од ВМРО-ДПМНЕ. -Заев и Каевски ветуваа студентски град, со модерни услови за престој, но две години после тоа нема ништо од најавеното. Студентските домови се во катастрофална состојба, а храната е слаба. СДСМ нема направено ништо за студентските домови. Две години власта потроши 7 милијарди евра буџет, а притоа не направи ништо за студентите. Каде отидоа 7 милијарди евра пари на граѓаните? Наместо да се купуваат фотељи од телешка кожа и пенкала со циркони власта може да инвестира во нови студентски домови. Наместо да се вработуваат синови и ќерки на функционери, власта може да купи подобра храна за студентските мензи, се наведува во соопштението на партијата. Од ВМРО-ДПМНЕ порачуваат дека ниското ниво на реализација на капитални инвестиции на власта се должи и на безидејноста. -Инвестициите во студентските домови запреа со заминувањето на ВМРО-ДПМНЕ од власт. Две години студентите мака мачат да преживеат во домовите во Скопје, но и другите градови низ државата. Негрижата мора да запре. Младите очекуваат промени, порачуваат од ВМРО-ДПМНЕ.

Животот кој го ветуваше СДСМ никако да дојде во студентскиот дом „Стив Наумов“- тоалетите на студентите во нечовечки услови (ФОТО)

Дарко Андоновски — Tue, 07 May 2019 16:39:59 +0000

За студентите и две години откако СДСМ е на власт заедно со директорот на Државниот студентки дом Дарио Николовски тие се уште не го дочекале „животот за сите“ кој го вети власта. Имено во моментов условите во тоалетите во студентскиот дом „Стив Наумов“ во Скопје се повеќе од очајни и алармантни. Студентите секојдневно се жалат до надлежните за лошите нехигиенски услови во низ сите домови, но директорот и власта се уште се глуви и слепи на нивните реални барања и потреби. Инаку КУРИР пред неколку месеци направи тема за реалните проблеми на студентите кои ова зимо се капеа со ладна вода во тоалетите иако надвор беа минусни температури, јадеа мувлосана храна и стаорци и змии им се шетаа по ходниците и собите додека директорот си дозволуваше скапи одмори за време на новогодишните празници, целиот текст можете да го погледнете во продолжение. КУРИР ТЕМА: Студентите среде зима се бањаат со ладна вода, јадат мувлосан леб, директорот Дарио Николовски се луксузира во Загреб (ВИДЕО) Речиси секоја година скромната и елементарна новогодишната желба на студентите сместени во студентските државни домови во Скопје никако да се оствари. Министерството за образование и наука наместо мајка е маќеа на студентите, додека директорот на Државниот студентски дом, Дарио Николовски е нем на повиците на студентите и медиумите за нечовечките услови за живот во студентските домови. КУРИР на иницијатива на студентите од повеќе студентски домови замина на терен за да ги слушне проблемите на студентите, но и побара одговор од директорот кој до овој момент на нашите прашања „Што се презема за решавање на проблемите на студентите во сите студентски домови во Скопје?“, нема никаков одговор. Студентите од студентскиот дом „Гоце Делчев“ во Скопје кои ги снимивме минатата недела се пожалија за немањето на топлата вода во домот речиси повеќе од седум дена и капењето со ладна вода, а како што не информираа денеска тие повторно се оставени без топла вода. -Проблемот во студентскиот дом Гоце е тоа дека немаме топла вода веќе од септември, во А блок никако, претходно одевме да се бањаме во Б блок, но и таму нема. Цело време се жалиме до управникот и директорот, зборат дека проблемот е решен. Ни кажаа дека пумпата е извадена и дека треба да стаса новата, ама тоа ни го кажуваат веќе подолго време, така да вода нема и се бањаме со ладна вода. И додека другите уживаат ние се разболуваме и очекуваат од нас да плаќаме хранарина и станарина, а немаме услови тука. Они се одговорни, вели студентка која е сместена токму во домот. Друг студент кој исто така е дел од студентскиот дом Гоце Делчев вели дека откако се бањаат со ладна вода се шегуваат дека се подготвуваат за Водици и се надеваат дека некој од студентите ќе го фати крстот бидејќи има веќе искуство да се бања во ладна вода. -Храната е многу минимална, не е доволна за да се најадеш, лифтовите кога- како работат, секој дом има проблеми, но да не навлегуваме во нивните проблеми, ние да ги решиме нашите проблеми, вели студентот. Третиот наш сведок пак вели дека тие се обратиле и до Министерството за образование и наука, но од таму не добиле никаков одговор, тие напротив не ни кревале на телефон за да им се пожалат на некого или пак директно на министерот или директорот. -Проблемите не се само со топлата вода, а топлата вода е нешто што најмногу ни е потребно во моментов, водата е кочан ладна и нема никакво греење на бојлерите. Проблем е и мензата, исхраната е намалена и има само еден вид на храна. Студентите едногласно на нашето прашање дали се плашат и дали добиваат закани тие велат дека не смее да се пожалат никаде, бидејќи претходните студенти кои што се бунеле за проблемите биле избркани од домовите каде и да се пожалиле јавно. Во меѓувреме минатата недела добивме и одговор од студентите, но и од Државниот студентски центар дека проблемот е решен. Но, денеска студентите повторно се обратија до редакцијата на КУРИР каде ни кажаа дека топла вода повторно нема веќе три, четири дена во блокот А од шести кат нагоре, додека од шести кат надоле нема топла вода веќе еден ден. Освен овој проблем, студентите се соочуваат и со лошата храна во домот која честопати знае да биде иста три пати во денот, а неодамна јаделе и мувлосан леб. Сликата речиси да е иста и во студентските домови „Кузман Јосифовски- Питу“ и „Стив Наумов“. Неодамна до редакцијата на КУРИР пристигнаа фотографии од нечовечките услови за живот во двата дома, особено во тоалетите од каде како што тврдат студентите се шират и заразни болести.

СДСМ брише се што е македонско: Дарио Николовски наредил бојадисување на два цртежа од студентскиот дом Кузман (ФОТО)

Дарко Андоновски — Sun, 13 Jan 2019 20:16:01 +0000

Две соби во студентскиот дом Кузман Јосифовски Питу со години наназад беа исцртани со македонски симболи, како плафонот во едната соба исцртан со сонцето од вергина така и во соседната била исцртана мапа на голема Македонија и фалангата. Но, откако СДСМ го промени името на Македонија тие решија да го избришат и се она што е национално и македонско обележје. Па така по многу години наназад од кога стојат цртежите беа избришани со процес на фарбање по наредба на директорот на студентскиот државен дом Дарио Николовски, кој покрај сите проблеми во студентските домови решил да ги бели токму овие две соби.

КУРИР ТЕМА: Студентите среде зима се бањаат со ладна вода, јадат мувлосан леб, директорот Дарио Николовски се луксузира во Загреб (ВИДЕО)

Дарко Андоновски — Thu, 27 Dec 2018 15:47:28 +0000

Речиси секоја година скромната и елементарна новогодишната желба на студентите сместени во студентските државни домови во Скопје никако да се оствари. Министерството за образование и наука наместо мајка е маќеа на студентите, додека директорот на Државниот студентски дом, Дарио Николовски е нем на повиците на студентите и медиумите за нечовечките услови за живот во студентските домови. КУРИР на иницијатива на студентите од повеќе студентски домови замина на терен за да ги слушне проблемите на студентите, но и побара одговор од директорот кој до овој момент на нашите прашања „Што се презема за решавање на проблемите на студентите во сите студентски домови во Скопје?“, нема никаков одговор. Студентите од студентскиот дом „Гоце Делчев“ во Скопје кои ги снимивме минатата недела се пожалија за немањето на топлата вода во домот речиси повеќе од седум дена и капењето со ладна вода, а како што не информираа денеска тие повторно се оставени без топла вода. -Проблемот во студентскиот дом Гоце е тоа дека немаме топла вода веќе од септември, во А блок никако, претходно одевме да се бањаме во Б блок, но и таму нема. Цело време се жалиме до управникот и директорот, зборат дека проблемот е решен. Ни кажаа дека пумпата е извадена и дека треба да стаса новата, ама тоа ни го кажуваат веќе подолго време, така да вода нема и се бањаме со ладна вода. И додека другите уживаат ние се разболуваме и очекуваат од нас да плаќаме хранарина и станарина, а немаме услови тука. Они се одговорни, вели студентка која е сместена токму во домот. Друг студент кој исто така е дел од студентскиот дом Гоце Делчев вели дека откако се бањаат со ладна вода се шегуваат дека се подготвуваат за Водици и се надеваат дека некој од студентите ќе го фати крстот бидејќи има веќе искуство да се бања во ладна вода. -Храната е многу минимална, не е доволна за да се најадеш, лифтовите кога- како работат, секој дом има проблеми, но да не навлегуваме во нивните проблеми, ние да ги решиме нашите проблеми, вели студентот. Третиот наш сведок пак вели дека тие се обратиле и до Министерството за образование и наука, но од таму не добиле никаков одговор, тие напротив не ни кревале на телефон за да им се пожалат на некого или пак директно на министерот или директорот. -Проблемите не се само со топлата вода, а топлата вода е нешто што најмногу ни е потребно во моментов, водата е кочан ладна и нема никакво греење на бојлерите. Проблем е и мензата, исхраната е намалена и има само еден вид на храна. Студентите едногласно на нашето прашање дали се плашат и дали добиваат закани тие велат дека не смее да се пожалат никаде, бидејќи претходните студенти кои што се бунеле за проблемите биле избркани од домовите каде и да се пожалиле јавно. Во меѓувреме минатата недела добивме и одговор од студентите, но и од Државниот студентски центар дека проблемот е решен. Но, денеска студентите повторно се обратија до редакцијата на КУРИР каде ни кажаа дека топла вода повторно нема веќе три, четири дена во блокот А од шести кат нагоре, додека од шести кат надоле нема топла вода веќе еден ден. Освен овој проблем, студентите се соочуваат и со лошата храна во домот која честопати знае да биде иста три пати во денот, а неодамна јаделе и мувлосан леб. Сликата речиси да е иста и во студентските домови „Кузман Јосифовски- Питу“ и „Стив Наумов“. Неодамна до редакцијата на КУРИР пристигнаа фотографии од нечовечките услови за живот во двата дома, особено во тоалетите од каде како што тврдат студентите се шират и заразни болести. Но, сепак директорот Дарио Николовски живее во розов свет и ги заборава ветувањата од страна на СДСМ наменети за студентите, па така тој наместо да се фати за работа дома, посетува студентски домови во Загреб. Освен тоа студентите се гневни на тоа што тој преку социјалните мрежи покажува луксузен живот додека тие живеат надвор од сите стандарди кои што ги поседуваат студентите низ светот. СДСМ ВО Јануари 2017 година инаку ветуваше се и сешто за студентите... Студентски град во Скопје, нови студентски домови на државните универзитети во другите градови, подобрување на условите во кои живеат студентите, промени на образовниот систем и создавање отворени можности за вработување се мерките што ги предвидуваме за да ги мотивираме младите луѓе да останат да живеат и да работат во Македонија, порача денеска СДСМ. Од партијата потсетуваат на мерките од нејзината предизборна програма „План за живот“, за кои велат дека може да ги оствари само нова одговорна влада, посочувајќи дека на последните избори младите луѓе гласале за промени. „Новите студентски домови и кампуси ќе го олеснат животот на студентите. Ќе влијаат на мотивацијата во учењето и на креирањето на сопствената иднина. Да не се повтори 500 студенти, како оваа студена зима, од студентскиот дом „Кузман Јосифовски Питу“, 10 дена, на поларен студ да се без греење, без топла вода и без струја. Да живеат во мувла, да влегуваат во руинирани тоалети, да јадат во кујни полни со лебарки. Досегашната власт 10 години го газеше достоинството на младите луѓе. Затоа студентите и младите луѓе на овие избори гласаа за промени. Тие знаат дека во „Планот за живот“, освен модерен, светски, достоиствен студенстки живот, ќе имаат и други олеснувања“, се вели во соопштението на СДСМ до јавноста. Партијата ветува и студентска платежна картичка за попусти за услугите во кампусите, при посета на државни и национални културни институции, како и на спортски и културни настани од национален карактер. Но, иако поборниците на СДСМ за правата на студените во минатото ја обвинуваа владата на ВМРО-ДПМНЕ, откако се на власт речиси и да не мрднале со прст за идните генерации студенти на Македонија.

Средба на министерката Дескоска со претставници на студентските и ученичките домови

Матеја Петровски — Tue, 24 Apr 2018 10:02:59 +0000

Состојбите во студентските и ученичките домови, односно подобрување на исхраната и условите во студентските домовите, планот за намалување и санирање на долговите со кои се соочуваат и кои во овој момент изнесуваат околу пет милиони евра. Ова биле дел од темите за кои разговарале министерката за образование и наука Рената Дескоска со Дарио Николовски, директорот на Државниот студентски дом „Скопје, како и со претставниците на студентските и ученичките домови во Македонија. Фокусот, како што соопштија од МОН, бил ставен на финансирањето на студентските и ученичките домови и можните решенија за надминување на проблемите. Министерката Дескоска ги задолжила присутните да изготват детална анализа со точно лоцирање на проблемите со кои се соочуваат студентските и ученичките домови, која ќе содржи и предлози за подобрување и подигнување на квалитетот на живот на студентите и на учениците. На средбата министерката ги предочила претстојните измени и дополнувања на Законот за студентскиот стандард и Законот за ученичкиот стандард, со кои се очекува да се подобри квалитетот на живот, а во кој е уредено сместувањето на студентите и учениците, исхраната, школарината и стипендиите, како и задоволување на работните, културните, информативните и спортско-рекреативните потреби на студентите и учениците.