дарко ѓукиќ – Kurir.mk

РК Вардар остана без Ѓукиќ до крајот на сезоната

Бошко Тасиќ — Fri, 23 Sep 2022 12:10:49 +0000

Македонскиот ракометен шампион, Вардар 1961 доби лоши вести кога е во прашање повредата на српскиот репрезентативец, Дарко Ѓукиќ. Десното крило се повреди на првенствениот меч против Прилеп. Ѓукиќ го очекува долг процес на закрепнување што значи дека оваа сезона за него езавршена. Сега како главна опција на таа позиција останува Гоце Георгиевски, а повеќе простор за игра би требало да добие и Ален Ќосевски.

Ѓукиќ го чека долга пауза

Бошко Тасиќ — Tue, 20 Sep 2022 18:12:30 +0000

Повредата што ја заработи Дарко Ѓукиќ на гостувањето во Прилеп се чини дека е од посериозен карактер. Ѓукиќ на почетокот на вториот дел, незгодно доскокна и беше на раце изнесен од теренот. Се стравува дека настрадале предните вкрстени лигаменти. Ако се потврди најлошто сценарио, тоа би значело пауза од околу шест месеци под услов се да се одвива во најдобар ред. Вардар на позицијата десно крило, во моментов го има уште и Гоце Георгиевски.

Пех за Вардар – се повреди Дарко Ѓукиќ

Бошко Тасиќ — Sun, 18 Sep 2022 05:53:51 +0000

Maкедонскиот ракометен шампион Вардар 1961, забележа уште една сигурна победа во новата сезона во Суперлигата. „Црвено-црните“ во Прилеп славеа со убедливи 19-34, но немаа многу причини за славје, затоа што може долг период да останат без услугите на српскиот ракометар Дарко Ѓукиќ. На самиот старт од вториот дел, Ѓукиќ при еден напад како десен бек, незгодно доскокна и настрада неговото колено. Лекарскиот тим на вардарци експресно реагираше, а Ѓукиќ на рацете на соиграчите беше изнесен од терен.