дарко каевски – Kurir.mk

ВМРО-ДПМНЕ: Бројките на ММФ покажуваат дека СДС ја води државата во економска пропаст со двоцифрена инфлација и слаб раст

Тале Кристо — Sun, 15 Oct 2023 10:27:39 +0000

Бројките на ММФ покажуваат дека СДС ја води државата во економска пропаст со двоцифрена инфлација и слаб раст, реагираат од ВМРО-ДПМНЕ на прес конференцијата на Дарко Каевски. ММФ прогнозира 10% инфлација за Македонија за 2023, а СДС со розеви наочари гледаат 5%. Добро би било да поделат такви наочари на 1 милион и 800 илјади кои останаа во државата па може и некој ќе им поверува. Тешко дека граѓаните ја гледаат економската ренесанса за која СДС зборува, кога во суштина сме зад Косово, Албанија и Црна Гора по економски раст. Сите три држави од нашето опкружување имаат економски раст за 50% поголем од Македонија. Пресовите на СДС се како провоцирање и свесно подбивање со граѓаните, особено што до крајот на година ќе имаме над половина милион луѓе кои живеат во сиромаштија. Со СДС економија не само што застана, туку тргна назад. Единствено на кој му оди напред е на Ковачевски, Груби и таквите како Каевски кои на 30 години и политички активизам имаат милиони на сметка и огромен имот, стои во реакцијата на партијата.

Дарко Каевски: Уставните измени ќе бидат донесени до крајот на годината

Ристе Здравков — Sat, 02 Sep 2023 20:38:51 +0000

Очекувам дека собраниската седница за уставните измени ќе заврши до крајот на годината и ќе заврши успешно со потребниот број од 80 пратеници за да се изгласаат уставните измени – изјави Дарко Каевски од СДСМ во “Тема на денот” на ТВ Сител. Ваквиот исход вели Каевски, не е важен за за власта или за владеачкото мнозинство во Собранието, не е важна за Владата ниту за премиерот Димитар Ковачевски. Донесувањето на уставите измени, додава Каевски, е важно за граѓаните. – Уште минатата година кога опозицијата велеше дека 2023- та година ќе биде изборна година, дека ќе имаме предвремени парламентарни избори, ние велевме ова година ќе биде година на уставни измени кои се важни за продолжување кон европскиот пат- вели Каевски.

Каевски со признание: 150 милиони евра ќе чини повеќе проектот со „Бехтел и Енка“ доколку не се донесат законските измени

Тале Кристо — Wed, 17 May 2023 19:19:29 +0000

Во вечерашното гостување на емисијата „Анализа 24“ на Телевизија 24 пратеникот од СДСМ Дарко Каевски призна дека договорот со „Бехтел и Енка“ за изградба на коридорите ќе чини повеќе, а државата ќе плаќа пенали, а во исто време имаме незапочната изградба. Тој посочи дека доколку законските измени кои се наоѓаат во Собранието не бидат донесени граѓаните ќе плаќаат 150 милиони евра повеќе за изградбата на коридорите кон „Бехтел и Енка“. „150 милиони евра ќе чини повеќе проектот со „Бехтел и Енка“ за изградба на коридорите 8 и 10Д ако не се донесат 5-те закони“, рече Каевски.

Каевски со признание: Доколку не се донесат законските измени за договорот со „Бехтел и Енка“, тогаш државата тоа ќе ја чини десетици милиони евра повеќе

Дарко Андоновски — Tue, 18 Apr 2023 20:42:40 +0000

Во вечерашното гостување во емисијата „Отворено“ на Телевизија 24 пратеникот од редовите на СДСМ Дарко Каевски призна дека доколку не се донесат законските измени за договорот за „Бехтел и Енка“ државата тоа ќе ја чини 10тици милини евра повеќе „Ако се донесат законските одредби кои се во процедура, постапката односно проектот ќе чини помалку и ќе трае покусо, а ако не се донесат проекциите се дека ќе трае 6 години, може и повеќе во зависност од постапките и ќе чини повеќе“, рече Каевски. Каевски во емисијата призна дека ако не се донесат законските измени за договорот со „Бехтел и Енка“ тогаш државата ќе ја чини десетици милиони евра повеќе.

Каевски за видеото каде игра игри на Собраниска комисија: Прв пат ми се случува

Ристе Здравков — Wed, 21 Dec 2022 21:04:22 +0000

Во изјава за Фактор Дарко Каевски пратеникот од редовите на СДСМ кој играше видео игри за време на вчерашната Собраниска комисија додека од говорница говори професорката Гордана Силјановска Давкова од опозициската ВМРО-ДПМНЕ вели дека ова прв пат му се случува. „Јас сум еден од најредовните и најактивните пратеници, кој не отсустувал од ниту една пленарна седница, ниту комисиска дебата во Собранието. Но, кога на говорницата имате колега кој слушате дека кажува флоскули и празни реченици, можеби некогаш ќе посакате да го оттргнете вниманието од тоа. Ова прв пат ми се случува, во принцип внимателно ги следам дебатите што се одвиваат во законодавниот дом“, изјави Каевски за Фактор.

ВЛАСТА СИ ИГРА ИГРИ: Еве што прави пратеник на СДСМ во Собрание додека народот го плаќа за да работи (ВИДЕО)

Ивана Ефремовски — Wed, 21 Dec 2022 08:59:09 +0000

Додека пратничката на ВМРО-ДПМНЕ, Гордана Силјановска Давкова говореше во Собранието, пратеникот Дарко Каевски од СДСМ играше игри на мобилен телефон. На вчерашната Комисија за политички систем и односи меѓу заедниците во Собранието, пратеникот на СДСМ покажа непочитување кон дебатите, но и кон граѓаните кои го плаќаат за во тоа Собрание да работи. Видеото на социјалната мрежа Фејсбук го објави новинарот Матеја Петровски.

Стоилковски до Каевски: „Пак се резилиш, паразиту“

Ивана Ефремовски — Tue, 22 Nov 2022 13:46:15 +0000

Паразитот Дарко Каевски вежба за портпарол во опозиција. Каевски е паразит од Агенција за млади и спорт, па паразит во Собранието, обвинува портпаролот на ВМРО-ДПМНЕ, Наум Стоилковски. „Заборава дека 5 години е на власт, заборава за "базенчето" дивоградба, илјадниците евра на сметка, скандалот на дедо му со Еуростандард банка... Заборава на платата од Собрание, додека крати од јадењето на студентите! Заборава дека е одговорен за сиромаштијата и 20% инфлација. Пак се резилиш, паразиту“ - порача тој.

Новинарот Христов до Каевски: Немате кворум за носење на закони затоа што пратениците ви заминаа на одмор

Ивана Ефремовски — Tue, 27 Sep 2022 18:00:53 +0000

Новинарот Боби Христов во вечерашната емисија во „Топ тема на Ваша страна“ на телевизија Телма му порача на портпаролот и пратеник од СДСМ, Дарко Каевски дека не можат да ги донесат законите затоа што Собранието нема кворум за гласање, а како причина го наведе одморот на пратениците од парламентарното мнозинство. -Каевски, јас не знам каков договор имала власта и опозицијата, се знае кога има одмор Собранието, но факт е дека многу пред официјалниот ден на одмор на Собранието имаше пратеници кои што постираа фотографии од почнати семејни одмори, па ги имаа дури и до 15-ти, потенцираше Христов. На ова, Каевски одговори, дека не знае за кои пратеници се однесува тоа, при што новинарот Христов му рече дека не може да очекува да покажува принт скинови од пратениците, но дека знаат зошто немаат кворум за одржување на седница. -Си се знаат, ќе се пронајдат. Не очекувате принт скринови да објавуваме сега, си знаете зошто немате кворум сега, му порача Христов на Каевски.

ВМРО-ДПМНЕ: Каков дебакл – во истиот ден кога Каевски се фалеше дека го заштитиле идентитетот, демантот стигна од Бугарија, Македонија прифатила дека Самоил е бугарски цар, а Климент и Наум твореле во бугарска држава

Ивана Ефремовски — Mon, 15 Aug 2022 14:11:13 +0000

Кој го намести младиот олигарх Дарко Каевски поразот да го прославува како победа, во истиот ден кога се фали СДСМ, демант стигна од Бугарија? Имено, според препораките Цар Самоил, Св. Кирил и Методиј, Климент и Наум Охридски наместо македонски ќе се чествуваат како заеднички историски личности со Бугарија, реагираат од ВМРО-ДПМНЕ. „Владата и Ковачевски го пробија дното. Има ли кормило во бродот кој тоне? Владата, Ковачевски, Османи и Маричиќ се откажаа од се што е македонско и прифатија Цар Самоил да е бугарски цар, а Кирли и Методиј, Св. Климент и Наум Охридски твореле во бугарска држава. Препораките на комисијата се да се менуваат учебниците по историја во Македонија, со ова Ковачевски и СДСМ свесно се откажува од македонската историја и македонскиот идентитет. СДСМ и Ковачевски секој ден вршат национално предавство на македонскиот народ и држава. Наместо да излегуваат на прес конференции и да даваат паушални изјави, и предавството да го претставуваат како победа, веднаш да се охрабрат и да прифатат референдум за народот да може да одлучи“ - посочуваат од партијата.

„СДСМ лиферува лажни вести за Когресот на ЕПП, одговорност за ќорсокакот во интеграциите треба да го бараат кај Заев“

Магдалена Андонова — Fri, 03 Jun 2022 13:32:13 +0000

СДСМ се обидува да лиферува лажни вести за Конгресот на ЕПП, за да дефокусира од својата неодговорност и состојбите до кои ја донесе Македонија. За тоа како ВМРО-ДПМНЕ ги застапува националните и државните интереси на Македонија пред ЕПП ги повикуваме Дарко Каевски и СДСМ да го проследат говорот на претседателот Мицкоски на Конгресот на Европската Народна Партија. Токму во тој говор јасно и недвосмислено беше потенцирано дека Македонија и граѓаните во Македонија заслужуваат отпочнување на процесот на преговори за членство во ЕУ, без било какви условување и негирања на македонскиот јазик и идентитет, стои во реакцијата на ВМРО-ДПМНЕ на прес конференцијата на Дарко Каевски. - Добро ќе беше СДСМ и Каевски навреме да препознаеа каква замка и пречка за Македонија претставуваат егзибиционизмот и болната амбициозност на нивната врхушка, кога дадоа правна рамка на едни анахрони, негаторски и неевропски барања. СДСМ тогаш вметна кукавичко јајце во договор за добрососедство кој сега ја води Македонија кон ќорсокак. За тоа одговорност Каевски и СДСМ треба да бараат од Зоран Заев, но и од наследникот Ковачевски, се потенцира во партиската реакција. ВМРО-ДПМНЕ посочува дека СДСМ треба да прифати одговорност за ваквите потези исто како што треба да прифати одговорност и за другите нотирани забелешки кои се однесуваат за нивното 5 годишно злоупотребување на институциите. - Во Европа веќе ја гледаат злоупотребата на институциите за да се нападнат опозициските партии, групи и поединци и дека во Македонија е потребно да се воспостави одговорен систем каде што судските служби се деполитизирани, а предметите се судат врз основа на објективни факти наместо политички интереси на разни групи, се посочува во реакцијата на ВМРО-ДПМНЕ.