Момчето кое го фати крстот во Кавадарци собра над 80.000 денари за операција на 15-годишната Драгана

Ивана Ефремовски — Mon, 21 Jan 2019 08:43:25 +0000

Дарко Недев, момчето кое го фати крстот во Кавадарци заедно со навивачката група Лозари Исток успеаја да соберат нешто повеќе од 81.000 денари кои ќе бидат донирани за 15-годишната Драгана Малкиќ, која има потреба од операција на окото. Дарко и навивачката група вчера утрината поставија пункт на градскиот плоштад во Кавадарци, каде сите верници можеа да го целиваат и даруваат крстот. Тие најавија дека средствата што ќе се соберат се наменети за Драгана, на која и е потребна итна операција во странство. Од навивачката група синоќа известија дека акцијата продолжува. „Ви благодариме на сите кои денес се вклучивте во хуманитарната акција за помош на Драгана Малкиќ. Собрани се повеќе од 81 000 денари кои Дарко Недев и членовите на навивачката група Лозари им ги предадоа на семејството Малкиќ. Сепак, нашата акција не застанува. На семејството им се потребни уште 5000 евра за итната операција. Затоа, сите кои сте во можност донирајте на следната жиро сметка 280109104095596“, соопштија навивачите. На петнаесет годишната Драгана Малкиќ итно ѝ е потребна операција на окото. Драгана е единственото девојче во Македонија со оваа болест и до сега ѝ се извршени три операции, а треба да следуваат уште три. Потребни се вкупно 10.000 евра.

БРАВО: Дарко од Кавадарци го фати крстот и со неговиот гест предаде лекција по хуманост

Ивана Ефремовски — Sat, 19 Jan 2019 21:04:41 +0000

Дарко Недев, момчето кое го фати крстот за Водици во Кавадарци и навивачката група Лозари Исток на која и припаѓа, за утре организираат хумана акција. -Утре од 9:15 часот светиот крст ќе биде поставен на градскиот плоштад во Кавадарци и сите верници ќе можат да го бакнуваат и даруваат. Сите пари ќе бидат донирани за помош на малата Драгана Малкиќ, на која и е потребна итна операција во Германија, нагласија од навивачката група. Рекоа дека во деновите за празнување на делата Господови кога сите си ги посакуваме најубавите желби и се молиме за нашите најблиски и најсакани, повикуваат сите да ја покажат својата хуманост. -Да помогнеме едно мало девојче да ги види со своите очи луѓето кои бескрајно ја сакаат. Бог се јави. Навистина се јави, додадоа од навивачката група.

Дарко Недев – Kurir.mk

Момчето кое го фати крстот во Кавадарци собра над 80.000 денари за операција на 15-годишната Драгана

БРАВО: Дарко од Кавадарци го фати крстот и со неговиот гест предаде лекција по хуманост