Дарко Радуловиќ – Kurir.mk

Дарко Радуловиќ нов тренер на КК Пелистер

Бошко Тасиќ — Wed, 04 Oct 2023 04:12:58 +0000

Марјан Илиевски повеќе не е шеф на стручниот штаб на Пелистер, откако успешниот стручњак реши да се повлече од функцијата. Тој ќе остане во клубот како дел од управата на „пелистерци“, а во меѓувреме за нов шеф на стручниот штаб на актуелниот вицешампион на Македонија до крајот на сезонава е именуван Дарко Радуловиќ. Причината не е резултатска, без оглед на поразот од Гостивар во првото коло, туку Илиевски е принуден на ваков чекор за решавање на здравствените проблеми што го мачат веќе извесно време, а за чие целосно санирање е неопходно целосно мирување. Илиевски е предводник на новиот проект на Пелистер, под негово водство екипата стигнуваше до финалето во плејофот во последните две сезони, а тој ќе остане во највисокото раководство на клубот и ќе даде свој придонес за остварување на зацртаните цели во штоттуку почнатата сезона. „Принуден сум на ваков чекор бидејќи здравјето секогаш мора да биде приоритет. Се мачев во последните години со истиот проблем, време е тој целосно да биде саниран. Не се сомневам во квалитетот на играчкиот кадар на нашата екипа, како и во новиот тренер Радуловиќ, кој веќе покажа дека знае како се освојуваат трофеи на македонската кошаркарска сцена“, изјави Илиевски.

Радуловиќ ќе води клуб од првата лига на Унгарија

Бошко Тасиќ — Sat, 03 Dec 2022 18:05:47 +0000

Поранешниот тренер на МЗТ Скопје, Дарко Радуловиќ договори нов ангажман и од денеска е именуван за нов тренер на унгарскиот прволигаш Хубнер Њиреѓхаза. Радуловиќ во ова средина доаѓа по епизодата во Башкими од Косово, а со својата работа ќе започне од понеделник. -Неколку фактори помогнаа да ја донесам одлуката. Искрениот интерес на управата беше импресивен, имаме многу слични ставови за тоа како треба да се игра кошарка. Ми се допадна и тоа што ова е млад тим со голем потенцијал. Тоа што тимот мора да остане во првата лига е посебна мотивација! Затоа сум тука, затоа ќе работиме, -порача Радуловиќ кој ќе има задача да избори опстанок со популарните „блу шаркс“ кои се на последното место на табелата со 10 порази.

Дарко Радуловиќ не е веќе тренер на МЗТ Скопје Аеродром

Бошко Тасиќ — Tue, 22 Feb 2022 13:41:49 +0000

Дарко Радуловиќ повеќе не е теренер на МЗТ Скопје откако раководството на клубот од Аеродром се одлучи да му врачи отказ по изгубеното финале во Купот на Македонија. Смената на тренерската позиција ја потврдија и раководството на клубот потенцирајќи дека и во иднина Македонец ќе биде на чело на тимот согласно со амбициите за градење на домашен проект.

„Решивме да се разделиме со Дарко Радуловиќ и во најскоро време ќе биде донесен нов стратег. Тој ќе биде Македонец бидејќи сакаме да градиме македонски проект“, изјави спортскиот директор Филип Ѓоревски.

Радуловиќ: Недозволиво е шампионска екипа да има 42 изгубени топки на два натпревара

Ивона Петрова — Thu, 10 Feb 2022 10:16:41 +0000

Тренерот на МЗТ Скопје Аеродром, Дарко Радуловиќ како голем проблем за неговиот тим ги нагласи многуте изгубени топки на двата последни натпревара во АБА 2 лигата. Аеродромци синоќа против Подгорица имаа 21 изгубена топка, но за нивна среќа го добија натпреварот со поените на Адем Мекиќ на две секунди пред крајот. – Овие три дена одигравме два инфарктни натпревари. Од Сутјеска изгубивме меч кој повеќе заслуживме да го добиеме , отколку овој со Подгорица. Имаме проблем со изгубени топки. На два натпревара имаме 42 изгубени топки, нешто што е недозволиво за шампионска екипа. Тоа мора да го решиме. Имавме проблем и со скокот. Сумарно, проблем ни се изгубените топки и ако тие грешки ги намалиме ќе бидеме подобри. Добро е што победивме. Сега среќата беше на наша страна. Таква е кошарката, истакна Радуловиќ. Следниот натпревар, последен од „балонот“ во Бања Лука, МЗТ Скопје ќе го игра на 12 февруари против Војводина. Со седум победи и два пораза „сино-белите“ од Аеродром се на 2. место на табелата во втората по квалитет регионална кошаркарска лига.

Радуловиќ: Далеку сме од идеалната форма, претстојната сезона ќе нема изразит фаворит

Ивана Ефремовски — Sun, 26 Sep 2021 08:52:44 +0000

Тренерот на МЗТ Скопје, Дарко Радуловиќ, синоќа ги предводеше аеродромци до победа над Работнички (79:78) и до четвртиот трофеј во кошаркарскиот Суперкуп. По натпреварот, тој посочи дека неговиот тим е далеку од идеалната форма и дека не се сметаат за изразити фаворити во новото првенство. -Заслужено го победивме овој натпревар, но далеку сме од идеалното, не сме изразит фаворит, но МЗТ е МЗТ, шампионска екипа. Беше прв официјален за нас, беше прв и за Работнички на почетокот на новата сезона, затоа и е помалку нормално емоциите да бидат нагоре-надолу. Резултатски гледано, искрено можеби ние не очекувавме Работнички да се претстави во едно вакво, одлично светло. И дефинитивно ќе бидат сериозен противник во текот на сезоната. Оваа сезона лигата има доста квалитетни екипи со сериозни, со широки ростери. Ќе биде многу интересна сезона, истакна Радуловиќ. Новото првенство почнува следниот викенд, а МЗТ Скопје Аеродром одбраната на титулата ќе ја почне во Битола против Пелистер. (МИА)

Македонскиот претставник МЗТ Скопје со победа се прости од АБА 2- лигата

Бошко Тасиќ — Thu, 22 Apr 2021 18:39:55 +0000

Македонскиот кошаркарки претставник МЗТ Скопје со победа се прости од АБА 2- лигата откако не успеа да избори учество во плеј-офот на регионалното натпреварување.

Победата од 92-86 беше беше недоволна да се анулира предноста на Младост од Земун од првата средба на која српскиот тим славеше со 20 поени разлика.

Гравет, Карачиќ и Олуџоби постигнаа по 17 поени кај МЗТ Скопје додека кај Младост се истакна Гумболт со 14 поени.

Тренерот на МЗТ Скопје позитивен на Ковид-19

Бошко Тасиќ — Fri, 02 Apr 2021 17:28:16 +0000

МЗТ Скопје во следниот период ќе биде без тренерот Дарко Радуловиќ. кој е позитивен на Ковид-19. “Несаканите работи никако да го забиколат нашиот тим, откако по убедливата победа над Академија ФМП дојде немила вест дека позитивен на коронавирусот е нашиот тренер Дарко Радуловиќ. Тој се чувствува добро и има само благи симптоми на Ковид-19, но веднаш замина во домашна изолација. Во негово отсуство, тренинзите ќе ги води асистентот во стручниот штаб, Васко Атанасов, како и средбата против Пелистер закажана за в недела во „Јане Сандански“. се вели во соопштението на клубот од Аеродром

Дарко Радуловиќ: Честитам на моите момци, покажаа храброст

Бошко Тасиќ — Thu, 25 Mar 2021 16:30:55 +0000

МЗТ Скопје повторно ќе има шанса да се пласира во првиот ранг од АБА лигата откако по денешната победа над Горица, аеродромци го осигураа своето место во плејофот на регионалното првенство. Задоволството од остварената победа по натпреварот не го криеше ни тренерот Дарко Радуловиќ . „Ова беше натпревар помеѓу два тима кои играат брза кошарка. Честитки за Горица имаат одличен тим и играат добра кошарка. Нашата идеја беше да ја сопреме нивната брза игра и шутот од дистанца, мислам дека во голем дел од мечот успеавме во тоа. Честитки за моите момци, покажаа храброст. Со една ваква ротација навистина е тешко да се издржи притисокот на теренот“ изјави по натпреварот Радуловиќ.

Маслинко останува во МЗТ, се потпишаа договори со Бакоч и Радуловиќ

Тале Кристо — Mon, 29 Jun 2020 09:40:55 +0000

Македонскиот кошаркарски репрезентативец Андреј Маслинко и следната сезона ќе го носи дресот на МЗТ Скопје Аеродром, откако го продолжи на уште една година договорот со клубот од „Јане Сандански“. За 23-годишниот крилен центар ова ќе биде четврта сезона во Аеродром, каде што првпат дојде во август 2017 година. Маслинко беше дел од тимот што стана шампион во 2019 година, како и што дојде до пехарот во Купот на Македонија една година претходно. Од денес и официјално нов член на МЗТ Скопје Аеродром е 24-годишниот Филип Бакоч кој потпиша едногодишен договор со „сино-белите“. Засилување има и за стручниот штаб на МЗТ каде се приклучува досегашниот тренер на Вардар, Дарко Радуловиќ, кој во иднина ќе ја има функцијата помошник на првиот стратег Ѓорѓи Кочов. Претходно, договорот со МЗТ Скопје го обновија капитенот Дамјан Стојановски и тренерот Кочов, а под обврска од минатата сезона се и Андреј Магдевски и Бојан Крстевски.

Радуловиќ се збогува со Вардар

Магдалена Андонова — Sun, 28 Jun 2020 16:41:49 +0000

Дарко Радуловиќ во новата сезона нема да ги предводи кошаркарите на Вардар. Ова денес е објавено на клупскиот Фејсбук профил на „црвено-црните“. – Вардар е клубот каде ја заврши играчката и воедно ја започна тренерска кариера. Имаше успеси и шампионска титула во младинската лига, обезбеди враќања во елитата од втората лига како и две сезони опстанок во првата лига. Ти благодариме за се што допринесе во овие изминати сезони за нашиот клуб, за целиот вложен труд и успесите. Ти посакуваме успешна сезона во новиот клуб, стои во информацијата на КК Вардар. Во прекината сезона 2019/20 во македонското кошаркарско првенство, Вардар имаше три победи и 14 порази, доволни за претпоследното, 9. место. (МИА)