дарко велковски – Kurir.mk

Се ожени фудбалерот Дарко Велковски – невестата смени два фустани, но сите гледаа во овој гостин на свадбата, младоженците „паднаа“ во втор план (ФОТО)

Дарко Андоновски — Mon, 26 Jun 2023 11:27:22 +0000

Викендов свадба правеа манекенката Тамара Чуприна и фудбалерот Дарко Велковски. Невестата за посебниот ден смени две венчаници, една за дневната церемонија и во црква и една за вечерната прослава. Нејзиниот сакан пак исто така направи промена во стајлингот за вечерната прослава. Целото внимание на свадбената веселба на Чуприна и Велковски, сепак го украде нивниот син Ведран што беше и очекувано.

Дарко Велковски: Подготвени сме за добар резултат против Саудиска Арабија

Магдалена Андонова — Thu, 20 Oct 2022 19:08:53 +0000

Македонската селекција составена од фудбалери од домашниот шампионат засилена со интернационалците, Дарко Велковски и Кристијан Тошевски, во Абу Даби ги продолжува подготовките за натпреварот против домаќинот Саудиска Арабија закажан за в сабота со почеток во 16:30 часот. Стандарден репрезентативец во одбраната Велковски оцени дека селекцијата ќе биде подготвена за саботниот предизвик и покрај тоа што некои од фудбалерите прв пат се заедно на подготовки. – Околностите се малку поинакви од вообичаените на кои сме навикнати. Со некои од фудбалерите прв пат сме заедно, но тренираме добро. Тест натпреварот со Саудиска Арабија ќе биде вистински предизвик за оваа селекција. Противникот заврши прв во групата во Азија за пласман на Светското првенство и навистина ќе биде тежок натпревар, пред сè на физички план, бидејќи некои од нас сè уште се адаптираат на временските услови во Абу Даби, изјави Велковски.

– Работиме на анализа на противникот, имаме уште неколку заеднички тренинзи и се надевам дека одлично ќе одговориме на овој предизвик. Не се сомневам дека тактички ќе бидеме на високо ниво, стручниот штаб посветува големо внимание на тој дел од нашата игра за секој натпревар. Сметам дека ќе бидеме подготвени за добар натпревар, додаде македонскиот репрезентативец во изјава за официјалниот сајт на ФФМ. (МИА)

Дарко Велковски договори ангажман во Саудиска Арабија

Бошко Тасиќ — Tue, 30 Aug 2022 20:24:55 +0000

Македонскиот репрезентативец, Дарко Велковски веќе некое време беше слободен фудбалер откако му заврши договорот со Ријека. Меѓутоа тој остана спокоен, ја очекуваше најдобрата понуда која по се дојде од Саудиска Арабија. Последните информации е дека стоперот се договорил со Етифак. Ова за Даре ќе биде прво искуство надвор од Балканот (досега играше за Работнички, Вардар и Ријека) и Европа и тоа во земја во која веќе имаме еден репрезентативец Александар Трајковски кој е член на Ал Фејха.

Турски клуб се интересира за Дарко Велковски

Ристе Здравков — Fri, 17 Jun 2022 19:24:19 +0000

Македонскиот репрезентативец, Дарко Велковски е на пат да заигра во турската лига откако Анкарагучи сериозно се заинтересира за него и веќе почна преговори. Договорот на Велковски со Ријека истече, тој е слободен играч и може да бира каде ќе ја продолжи кариерата. Според турскиот новинар Осман Ченгиз, Анкарагучи е заинтересиран за македонскиот дефанзивец. Овој клуб во минатата сезона беше најдобар во втората турска лига и сега има амбиции подолго да се задржи во елитата.

ÖZEL 🔥 #Transfer #Ankaragücü, HNK Rijeka forması giyen Makedon defans oyuncusu Darko Velkovski ile görüşüyor!

36 yaşındaki Velkovski transferinde Ankaragücü önemli mesafe katetti.#Rijeka #Makedonya #NorthMacedonia #Gecekondu pic.twitter.com/lrQeOf42sJ
— Osman Cengiz (@osmcengizz) June 17, 2022

Дарко Велковски по четири години ја напушти Ријека!

Ристе Здравков — Wed, 15 Jun 2022 16:35:15 +0000

Македонскиот репрезентативец Дарко Велковски ќе има нов клуб во новата сезона затоа што официјално ја напушти Ријека. 26-годиишниот стопер беше на истек на договорот и откако двете страни не се договорија за нова соработка, Велковски тргнува во нов предизвик. Дефанзивецот беше на мета на повеќе клубови од странство, па сигурно нема да му биде тешко да пронајде нов клуб. Дарко Велковски беше во Ријека во последните четири години. Оваа сезона беше еден од постандардните во тимот, но не дојде до продолжување на соработката. Во хрватскиот прволигаш дојде од Вардар, а претходно играше и за Работнички. Велковски е и стандарден репрезентативец на Македонија од 2014 година.

Дарко Велковски си заминува од Ријека

Бошко Тасиќ — Thu, 12 May 2022 15:24:39 +0000

Македонскиот фудбалски репрезентативец Дарко Велковски нема да го продолжи договорот со хрватска Ријека и во новата сезона ќе има нов клуб соопштија хрватските медиуми. 26-годишниот стопер имаше четиригодишен договор со тимот од „Рујевица“ и двете страни ќе се разделат по крајот на актуелната сезона. Ријека ќе претрпи промени, а во реконструкцијата ќе си оди и Велковски, за кого се вели дека нема да добие нова соработка. Стандардниот македонски репрезентативец во Ријека дојде во 2018 година од редовите на Вардар. Имаше чести повреди на стартот, но потоа се афирмира во првотимец и за клубот досега запиша 75 настапи на кои даде два гола и две асистенции.

Висар и Дарко се „столбови“, Џани и Трајковски најредовни, Елмас и Барди најопасни…

Ристе Здравков — Wed, 30 Mar 2022 14:25:39 +0000

Фудбалската репрезентација на Македонија го заврши патот кон Светското првенство (СП) во Катар во финалниот бараж со пораз од Португалија (0-2). Ова беше најуспешен квалификациски циклус за едно СП за нашиот национален тим, а кои беа играчите кои статистички го одбележаа? Најдобри играчи на Македонија, посебно во плеј-офот, беа Дарко Велковски и Висар Муслиу. Двајцата столбови во одбраната одлично се справија со главните ѕвезди на Италија и Португалија и беа перфектни во дефанзивата. На листата по број на одземени топки, Висар Муслиу е прв со вкупно 84, пред Дарко Велковски со 67 топки. А, исто така и Македонија е прва меѓу репрезентациите по бројот на одземени топки - 488, пред Австрија со 451. Статистички најфаулираниот играч во Македонија за време на квалификацискиот циклус беше Енис Барди - врз него беа направени 27 прекршоци. Најборбен на теренот беше Тихомир Костадинов кој направи 16 прекршоци, токму затоа доби и најмногу жолти картони од сите играчи - вкупно четири. Само Езџан Алиоски и Столе Димитриевски ги одиграа сите натпревари за Македонија, вкупно 12. Најдобар стрелец беше Александар Трајковски со пет гола, пред Ељиф Елмас и Енис Барди со четири реализации. Најопасни од составот на Македонија во нападот беа Ељиф Елмас - вкупно 23 обиди кон голот (9 во рамки, 10 надвор од рамки, 4 блокирани), пред Енис Барди со 19 можности - (6 во рамки, 7 надвор од рамки, 6 блокирани).

Велковски и Ристовски во тимот на колото во Хрватска, Серафимов во Унгарија

Бошко Тасиќ — Mon, 07 Mar 2022 21:42:42 +0000

Тројца македонски фудбалски репрезентативци се најдоа во тимовите на колото после изминатиов викенд во првенствата на Хрватска и Унгарија, што е добра најава дека се во одлична форма во пресерет на мундијалскиот предизвик со баражот против Италија на 24 март во Палермо.

Капитенот на Македонија, Стефан Ристовски кој беше асистент на еден гол во триумфот на Динамо Загреб и стоперот Дарко Велковски од Риека, имаа забележителни настапи во хрватската ХНЛ-лига и добија најголеми оценки во оваа рунда на своите позиции за да се најдат меѓу 11-мината најдобри за оваа рунда. Никола Серафимов, пак, со Залаегержег го победи МОЛ Фехевар во унгарскиот шампионат, а неговиот настап не остана незабележан и младиот ценрален дефанзивец си најде место во иделаниот тим за 23-та рунда во унгарскиот шампионат, а ова не е првпат за екс-вардарецот да биде дел од најдобриот тим во колото во Унгарија.

Фудбалскиот репрезентативец Велковски стана татко: Неговата избраничка Тамара на свет донесе машко дете, а познато е и како ќе се вика (ФОТО)

Магдалена Андонова — Mon, 07 Feb 2022 18:10:32 +0000

Младиот македонски фудбалски репрезентативец, Дарко Велковски денеска стана татко. Неговата избраничка, Тамара Чуприна со која непосредно пред Нова Година стапи во брак, денеска на свет донесе машко дете. Таа преку социјалната мрежа Инстаграм се пофали дека се породила, а во едно од „сторињата“ прикачени на оваа социјална мрежа се откри и името на нивниот син, Ведран. На младиот брачен пар и новопечените родители им честитаме за приновата во семејството.

Македонскиот фудбалер направи свадба за паметење – неговата избраничка со стомак до заби, репрезентативецот клекна и на колена (ФОТО)

Дарко Андоновски — Mon, 27 Dec 2021 10:45:16 +0000

Дарко Велковски, стандардниот фудбалски репрезентативец на Македонија кој игра за хрватскиот прволигаш Ријека ја ожени својата долгогодишна девојка, манекенката Тамара Чуприна, која е во поодмината фаза на бременоста. Пред да станат за прв пат родители, стоперот и манекенката законски ја официјализираа својата врска, а љубовта ја крунисаа со брак. На венчавката која била од интимен карактер присуствувале само најблиските членови на семејствата и тесен круг на роднинии пријатели на младенците. Свадбената веселба се одвивала во еден познат локал, а на неа расположението, радоста и среќата евидентни. Најрасположена секако невестете, која речиси секој ден ја очекува семејната принова, но тоа не ја спречило манекенката со високо крената рака да запее и заигра со другарките и роднините. Претходно, свадбениот валцер на младоженците со чаша в рака за – „наздравје“ на денот, на чинот, на сватовите, гостите, на сите… За среќен и долговече брак на младите и секако, многудетно семејство.