Дарвин Нуњез – Kurir.mk

Ливерпул лоша вест по триумфот над Њукасл

Бошко Тасиќ — Sun, 19 Feb 2023 07:27:32 +0000

Ливерпул победи против Њукасл во натпревар кој може да има сериозно значење за излез во Европа, но по победата добија и една лоша вест. Стрелецот на првиот гол, Дарвин Нуњез заработи повреда за време на гостувањето кај Њукасл и сега е неизвесен за настап во Лигата на шампионите. Уругваецот доживеа незгоден пад по кој се пожали на болка во рамото, а Јирген Клоп потврди дека ситуацијта не е најдобра. – Дарвин има некој проблем со рамото и затоа го повлеков од игра.Не знам дали ќе може да игра против Реал Мадрид. Засега е сигурна неговата болка од повредата, но прегледите ќе потврдат што се случило, – изјавил менаџерот на Ливерпул.

Клоп: Нуњез не смее да паѓа на провокации

Ивона Петрова — Tue, 16 Aug 2022 06:26:19 +0000

Тренерот на Ливерпул, Јирген Клоп го критикуваше Дарвин Нуњез по исклучувањето на натпреварот синоќа со Кристал Палас од второто коло на Премиер лигата. Средбата на „Енфилд“ заврши без победник 1:1, а Нуњез доби црвен картон во 57. минута. – Почетокот на натпреварот беше навистина добар. Токму тоа го сакавме, покажавме голема желба. Сè беше под наша контрола. Меѓутоа, во некои ситуации едноставно немавме среќа. Планот на Кристал Палас за овој меч беше да играат со петмина во задната линија брзо да напаѓа преку контри. Примивме гол. Второто полувреме започна позитивно, но црвениот картон беше нокдаун. Се разбира, имаше причина за исклучување, но Дарвин беше испровоциран. Тој не треба да се однесува вака. Успеавме да го израмниме резултатот со играч помалку и вложивме големи напори. Затоа сега се чувствувам горд, изјави Клоп за „Би-би-си спорт“. Дваесет и тригодишниот Уругваец доби црвен картон во 57. минута поради ударот со глава на дефанзивецот Јоаким Андерсен. Ливерпул е на 12. место на табелата во Премиер лигата со два бода. Кристал Палас е на 17. позиција со еден бод.

Засилувањето на Ливерпул најдобар играч во Португалија за минатата сезона

Ивона Петрова — Wed, 06 Jul 2022 08:19:21 +0000

Засилувањето на Ливерпул, Дарвин Нуњез, е прогласен за најдобар фудбалер во Португалија за сезоната 2021/22. Нуњез постигна 26 гола на 28 натпревари во дресот на Бенфика. Дваесет и тригодишниот уругвајски репрезентативец го освои првото место во анкета меѓу главните тренери и капитените на тимовите од португалската лига. Во минатото првенство Нуњез 11 пати беше прогласен за најдобар играч на натпревар. Ливерпул и Нуњез во средината на јуни потпишаа договор тежок 75 милиони евра +25 милиони евра бонуси.

Бенфика го донесе најскапото засилување во историјата

Ивана Ефремовски — Sat, 05 Sep 2020 10:21:05 +0000

Уругвајскиот фудбалер Дарвин Нуњез потпиша договор со Бенфика, објави португалскиот клуб. 21-годишниот напаѓач дојде од шпанска Алмерија за 24 милиони евра и со тоа стана најскапото засилување на Бенфика во историјата. Нуњез потпиша петгодишен договор, а откупната клаузула е 150 милиони евра. Алмерија исто така ќе добие 20% од следната продажба. Минатата сезона, во втората шпанска лига, Сегунда, тој одигра 30 натпревари и постигна 16 погодоци со две асистенции. Дебитираше за репрезентацијата на Уругвај и постигна еден гол. Бенфика со доведување на Нуњез ги победи бундеслигашките клубови, откако Волфсбург понуди 20 милиони, а Лајпциг беше многу заинтересиран. (МИА)