датум – Kurir.mk

Партиите калкулираат со датумот на изборите, Џафери бара навреме да се договорат

Тале Кристо — Fri, 27 Oct 2023 05:51:34 +0000

Политичките елити во земјава од уставни измени, фокусот го префрлија на претседателските и парламентарните избори 2024 година, па така, деновиве датумот на изборите е меѓу најпопуларните теми во медиумите. И дека реално има потреба од навремено одредување на тајминзите за да може законите и Уставот доследно да се применат, а институциите да ги организираат изборите, укажа вчера претседателот на Собранието Талат Џафери. Тој исто така ја покажа и легислативната проекција со датуми кога би можеле да се одржат претседателските, а кога редовни парламентарни избори. Како можни датуми за претседателски избори Џафери ги наведува: прв круг на 14 март, 28 март, 11 април и 25 април, а втор круг: 28 март, 11 април, 25 април и 8 мај, што е критичен датум бидејќи инаугурацијата ќе треба да биде на 12 мај. Во редовниот рок парламентарните избори би можеле да се одржат од 5 мај до 15 јули, за да се овозможи конституирање на Парламентот во рамки на уставниот рок односно најдоцна денот 20/21 од денот на гласање. Ако парламентарните избори се организираат да се одржат пред 5 мај, тогаш тие избори се предвремени и во тој случај ќе важат други рокови. За да се договори датумот за избори, партиите треба најнапред да дефинираат дали ќе има двојни избори односно дали на вториот круг од претседателските избори ќе се одржат и парламентарните избори или тие ќе бидат одвоени. Во јавноста засега нема информации дали работни групи на партиите се среќаваат за овие прашања. Џафери предупреди дека до Нова Година треба да имаме консензус по однос на претседателските избори, додека за парламентарните избори важат други процедури и други рокови и за нив има време до февруари, март. Ако партиите немаат согласност и калкулираат тој, како што кажа, нема да дозволи да се излезе надвор од она што е пропишано. Лидерот на партијата Христијан Мицкоски повторно го повика премиерот Ковачевски да одбере еден датум и за претседателски и за парламентарни избори. -Јас имам информација дека денеска ќе имаат работен ручек Ковачевски, Ахмети и Груби. Нека седнат, нека се договорат и нека кажат, тој и тој ден, работните групи ќе се состанат и ќе зборуваат за иднината бидејќи овие два процеси се клучни за иднината на Македонија, изјави вчера Мицкоски. Неговиот предлог е датумот да биде помеѓу Бајрам и Велигден. Мицкоски вели дека не треба да има одвоени избори, бидејќи тоа, како што кажа, „е голем трошок од десетици милиони евра и би било згрозувачки ако некој размислува во таа насока“. Премиерот Ковачевски за изборите зборуваше од собраниската говорница без да посочи дали имало некаков разговор со коалицискиот партнер ДУИ. Тој рече дека избори во земјава распишува претседателот на Собранието според рокови определени со закон и мандат на избраните функционери. -Избори во оваа држава согласно закон и Устав распишува претседател на Собранието во рокови определени согласно закон и мандат на избраните функционери, рече Ковачевски. Премиерот нагласи дека во Министерството за правда постои работна група во која учествуваат претставници од политичките партии освен ВМРО-ДПМНЕ, каде се подготвуваат измените на Изборниот законик согласно забелешките на ОБСЕ/ОДИХР. Потпретседателот на СДСМ и вицепремиер за економски прашања Фатмир Битиќи изјави дека би прифатил да биде премиер 100 дена пред избори доколку тоа биде побарано од него. За можноста да се кан Истовремено, во јавноста почнуваат веќе да се кристилазираат одредени позиции во однос на кандидатите за изборите. Синоќа потпретседателот на СДСМ и вицепремиер за економски прашања Фатмир Битиќи изјави дека би прифатил да биде премиер 100 дена пред парламентарните избори доколку тоа биде побарано од него. За можноста да се кандидира за претседател на државата, пак, вели дека „ако се зборува за консензуален кандидат независно на етничкото потекло и тој е најдобриот за тоа, радо би прифатил“. -Јас знам дека има договор помеѓу СДСМ и ДУИ за последните 100 дена да биде Албанец премиер. Јас не се преоптоварувам со тоа решение. Јас сум навикнат и научен во мојот живот да работам до последниот момент. Ако приликите дојдат да се бара од мене да служам на народот во функцијата премиер велам – да, истакна Битиќи. На прашањето дали би прифатил да биде консензуален кандидат за претседател на државата, Битиќи со став дека ако се зборува за консензуален кандидат независно на етничкото потекло и тој е најдобриот за тоа, радо би прифатил, но, како што потенцираше, ако консензуалниот кандидат е само за да биде Албанец, нема да прифати. Една недела претходно инфектологот Вело Марковски обелодени дека ќе се кандидира за претседател со собирање потписи, а очекува поддршка од неговата матична партија ВМРО-ДПМНЕ.(МИА)

Ако го имате овој број во датумот на раѓање ќе ве прати среќа цел живот

Ристе Здравков — Sat, 18 Mar 2023 14:24:44 +0000

Нумеролозите веруваат дека одредени броеви носат посебна енергија, а тоа се однесува на бројот три. За астролозите и нумеролозите, бројките кои се наоѓаат во датумот на раѓање во голема мера го одредуваат вашиот карактер. Постојат многу толкувања за симболиката и значењето на секој број. Сепак, се верува дека некои броеви носат посебна енергија, а тоа се однесува на бројот 3. Ова има особено негативно влијание врз пријателствата и партнерските односи. Тие имаат тенденција да ги занемаруваат своите сакани и тешко им е да ги изразат своите чувства. Можат да бидат арогантни, но исклучително ефикасни. Конкуренцијата треба да се плаши од нив бидејќи имаат многу натпреварувачки дух и се подготвени да направат многу за да победат. Имаат одлична меморија и зголемено ниво на љубопитност. Тие никогаш не престануваат да учат и секогаш се развиваат. Може да се наречат и идеални соговорници бидејќи имаат развиена комуникација, а ниту една тема не им е туѓа. Нивните таленти се повеќекратни. Тоа може да биде музика, пишување или други видови на креативност или нешто сосема друго. Единствениот проблем е што оставаат многу работи недовршени. Тие се препуштаат на една авантура, а другата сè уште не ја завршиле. Независни се и не дозволуваат никој да ги контролира. Вешти се да избегнуваат манипулатори и не поднесуваат притисок од другите. Речиси секогаш се потпираат на факти, а не на шпекулации. Тие се рационални и во нивниот живот умот е најважниот водич, но кога ќе го освоите нивното срце, ќе сфатите колку е големо и чисто.

Денеска е 23.2.2023, посебен датум со број кој носи промени

Ивона Петрова — Thu, 23 Feb 2023 08:26:34 +0000

Денес е 23-иот ден во месец февруари во 2023 година. Ако верувате во ангелски броеви, ќе имате среќа. Бројот 23 е сеприсутен во многу сегменти од нашиот живот. Да го земеме човечкото тело како пример - се состои од 46 хромозоми, односно од два пара по 23 хромозоми кои му ги дале родителите. Во математичка смисла, бројот 23 се смета за примарен или прост број бидејќи е делив сам по себе и со бројот 1. Тој е најмалиот примарен број кој има две последователни цифри. Во нумерологијата претставува промена, напредок и иновација. Тоа означува нови почетоци и трансформација и носи духовен раст. Тоа е бројот на манифестација и креативност. Ви помага да ја изразите вашата креативна страна и да ја искористите на практичен начин. Бројот 23 означува и рамнотежа - тој е мост помеѓу подеми и падови како неизбежен дел од секој живот. Дали бројот 23 е среќен или несреќен? Тешко е да се каже, а зависи кого прашувате и како го толкувате. Многумина го сметаат за енигма. Некои го нарекуваат ангелски број кој ви кажува дека не сте сами, дека имате поддршка и дека сте подготвени за промени. Дали често го гледате во вашето опкружување на дигитални копчиња, во сообраќај или на станбени згради? Можеби ангелите ви испраќаат пораки дека сте на вистинскиот пат во вашиот живот.

Планирате свадба во 2023 година, ова се најсреќните датуми

Ивона Петрова — Tue, 03 Jan 2023 11:39:52 +0000

Еден од најпосебните настани во животот на секоја личност е секако денот на венчавката. Многу младенци го подготвуваат планирањето на венчавката до најмалите детали, но првото нешто што треба да го направат пред да се венчаат е да одлучат за датумот на венчавката. Паровите кои сакаат да стапат во брак оваа година веројатно веќе почнале да го планираат својот најсреќен ден, но можеби не можат да се одлучат за датум за венчавка. Ова се најсреќните и најнесреќните датуми за брак во 2023 година. Според астролозите, три датуми во 2023 година се особено среќни, додека еден треба да се избегнува бидејќи е неповолен. Најсреќните датуми за свадба се 5 февруари, 17 јули, 14 октомври. Свадба на 5 февруари 2023 година Според астролозите, ниту една планета не се движи ретроградно на овој датум, што е посебен благослов, но е и полна месечина, што е исто така многу добро. Периодот на полна месечина со директно движење на сите планети е особено среќен за почеток на брачна заедница и заедно. Застанете на лудиот камен на 17 јули 2023 година Астролозите тврдат дека 17 јули е датумот кога Месечината и Сонцето ќе бидат во Рак, што укажува на нераскинлива љубовна врска. Затоа, паровите кои се особено фокусирани на семејството и децата треба да размислат за овој датум бидејќи тој укажува на блиска врска полна со заедништво и хармонија. Се венчаат на 14 октомври Друг среќен датум во 2023 година ќе биде 14 октомври, бидејќи на овој датум ќе се случи затемнување на Сонцето. Месечината и Сонцето ќе бидат во дипломатска Вага, знак на партнерство и рамнотежа, што ќе ја донесе потребната хармонија во брачниот живот. Овој датум е многу значаен бидејќи затемнувањата се случуваат само еднаш годишно. Најнесреќниот датум за венчавка е 2 септември. Во 2023 година има само еден датум кој не треба да го изберете за денот на вашата свадба бидејќи е најнесреќниот. Избегнувајте го 2 септември 2023 година бидејќи Меркур на овој ден ќе биде ретрограден што може да предизвика компликации и кавги меѓу партнерите.

12.12 се смета за најмоќниот датум во годината, на овој ден „сите чуда се можни“: За исполнување на желбите треба да го направите само ова

Ристе Здравков — Mon, 12 Dec 2022 12:55:03 +0000

12 декември отсекогаш бил број кој нумеролозите го сметале за ангелски, а се вели дека на овој ден „сите чуда се можни“. На дванаесетти декември се отвораат вратите на бројот 12, што значи дека позитивна енергија влегува во сите нас. Оваа нумеролошка низа ќе му донесе на секој од нас одредена моќна порака од Универзумот. На пример, ако сте на погрешен пат, ќе се појави чувство кое ќе ве поттикне да се вратите на раскрсницата на животот и да изберете добар пат за себе. Или, ќе станете свесни за вашите минати грешки и ќе знаете кои аспекти од вашиот живот треба да ги промените за да станете најдобрата верзија од себе. Сè што треба да направите е да бидете отворени и да ги следите знаците што ви ги испраќа Универзумот. 12 е моќен број во нумерологијата кој симболизира позитивни промени, но тие се јасни, лесни и директни. Тоа означува крај на еден циклус и отворање на нови врати на животот, каде што ќе успеете да се соочите со предизвиците и да најдете повеќе надеж за годината што допрва доаѓа. Исто така, оваа низа нè поттикнува да изградиме добри врски и односи со блиските луѓе, да простиме и да обновиме некои стари пријателства. Тоа нè поттикнува да се поврземе со сопственото битие, да ги читаме кодовите на сопствената душа и да откриеме што е тоа што повеќе не ни треба и што нè саботира. Треба да се ослободиме од таквата енергија и да ја прифатиме новата космичка моќ на промени што доаѓа кај нас. Денеска е важно да започнете нешто ново, нешто што долго време сте сакале да го направите. Сè што започнува денес има шанса да доживее голем успех.

Денеска е 11.11: Најмагичниот ден во годината кога се случуваат големи промени

Катерина Бојаџиева — Fri, 11 Nov 2022 12:27:20 +0000

Еден од најмагичните датуми во секоја година е токму денешниот ден, 11-ти ноември, денот кога имаме најдобра енергија да ги манифестираме своите желби за да ни се исполнат. Денеска е датумот на огледалото, магичната низа од 11.11. тоа носи добра енергија, според нумеролозите. 11-ти ноември е одличен ден да ги споменете вашите најголеми соништа што сакате да ги остварите. Ниту еден сон не е премногу голем за оваа енергија. Било да е тоа вашиот дом од соништата или совршениот партнер, размислете за нив од срце и ослободете ја таа позитивна енергија. Нека универзумот го направи останатото. Бројот 11 се смета за број со исклучително посебна фреквенција, а кога е двојно зголемен, се верува дека носи реализација на желбите и дека Универзумот ни помага полесно да ги достигнеме сопствените цели.

Ова се најопасните датуми во август: На еден од нив ни случајно НЕ РИЗИКУВАЈТЕ и очекувајте себичност, нервоза, пресврти

Ристе Здравков — Mon, 01 Aug 2022 18:39:37 +0000

Август нема да биде полн со важни астролошки настани како што беше јули, но според сите пресметки, може да биде помалку погоден за важни одлуки Во текот на август 2022 година ќе има неколку исклучително влијателни и моќни планетарни транзити, а ќе има и полна Месечина во Водолија. Астролозите објаснуваат што ни носи сето ова. 1-ви август Спој на Марс и Уран Се очекува овој ден да донесе многу непријатности бидејќи најлошото може да излезе на површина – кај луѓето, во нивните меѓусебни односи. Пред се, благодарение на Уран се очекуваат пресврти и значајни промени, а воинствениот Марс би можел се да направи неповолно. Можни се бурни реакции, па добро размислете за се на првиот ден од август и измерете двапати. 11-ти август Венера во Лав Сите хороскопски знаци ќе го почувствуваат негативното влијание на оваа транзиција, а најтешко ќе биде на самиот ден на транзит. Очекувајте и највеликодушните да покажат себичност, да почувствуваат ароганција таму каде што обично ја нема. Сè што е негативно ќе биде уште понегативно! Не е добро време за нови познанства, а 11-ти август е и ден кога треба малку повеќе да размислиме што ќе кажеме бидејќи ненамерно може да повредиме некого. 12-ти август Супер-Месечина во Водолија Полната месечина во август ќе биде во знакот на Водолија, што и не е толку лоша положба, но важните работи дефинитивно треба да ги одложите за подоцна бидејќи ваквата месечина може лошо да влијае на повеќето знаци од Зодијакот. Ни случајно не преземајте поголеми ризици на денот на почетокот на полната месечина. 20-ти август Марс во Близнаци Уште еден многу негативен ден, кој особено ќе влијае на се што бара концентрација и мир. Марс ќе ни овозможи да бидеме опуштени и мирни, а ова е многу лош период за интелектуална работа.

Андоновски: Недобивањето датум за преговори со ЕУ треба да биде последниот знак дека оваа Влада треба да си замине

Магдалена Андонова — Sat, 21 May 2022 12:00:45 +0000

Недобивањето датум за преговори со Европската унија, за што се поизвесно е дека во јуни нема да ги отпочнеме преговорите, треба да биде последниот знак дека оваа Влада на чело со премиерот Димитар Ковачевски, треба да си замине. Ова го вели Секретарот за меѓународна политика на ВМРО-ДПМНЕ, Стефан Андоновски во неговото интервју за македонското радио, при што истакна дека впрочем токму на надежите за добивање датум за преговори се спасија оваа Влада и ова парламентарно мнозинство од распаѓање после минатогодишните локални избори. - Недобивањето датум, за жал очекуваме дека нема да добиеме преговори би требало да биде последниот знак на оваа Влада дека таа треба да замине. Затоа што треба да се сетиме дека оваа Влада и ова владејачко мнозинство, така и се спасија од распаѓање. Со дојавата на фамилијата на еден од пратениците дека и се јавиле на сопругата од Париз или од Вашингтон дека само што не сме добиле преговори и никако да не излегуваат од Владата и да почека. Истото тоа го кажаа и некои помали партии и од етничките Албанци и од другите политички партии и за очекување е, барем такви беа нивните најави, дека ако не се случи тој процес тие ќе ја напуштат оваа коалиција, рече Андоновски. Тој додаде дека актуелната влада и парламентарно мнозинство се брод што тоне, затоа што немаат исполнето ниту едно ветување кон граѓаните, меѓу кои клучно беше датумот за преговори со ЕУ. Освен кон граѓаните, Андоновски потсети дека власта нема исполнето ниту едно ветување и кон помалите партии кои што се дел од владината коалиција, како што е барањето за една изборна единица кое што требаше да се донесе до април месец. Но, не само април туку и мај помина а законското решение за една изборна единица никаде го нема. - Ова е брод што тоне. Нема испорачано ниту едно ветување за граѓаните. Сите ветувања кои што беа дадени, не се испорачани и тоа граѓаните го гледаат. А, не само кон граѓаните, не е испорачано ни едното единствено ветување кон, условно речено, помалите партии во рамки на владејачката коалиција кои што бараа една изборна единица до април. Април помина, мај помина, истакна Андоновски. Во однос на одбивањето на премерот Ковачевски да се сретне со лидерот на опозицијата, Христијан Мицкоски на која средба ќе се разговара за да се изнајдат решенија за предизвиците со кои се соочува Македонија, како економски-финансиската криза, енергетската криза, здравствената состојба како и преговорите со Бугарија, го смета за несериозно за човек кој што се претставува себеси за лидер на државата, извршувајќи ја функцијата премиер. - Несериозно е за човек кој што сака себеси да се претставува како лидер на оваа нација како претседател на владата и Социјалдемократскиот сојуз да најави средба со лидерот на опозицијата и во моментов убедливо најголемата политичка партија во Македонија, ВМРО-ДПМНЕ и во Собранието и во локалната самоуправа и потоа да го снема човекот и да наоѓа изговори зошто не можел сега, зошто не можел подоцна, па тоа да било во друг формат, да било тајно, да било надвор од очите на јавноста и да не било со агенда. Тоа е многу несериозно затоа што државата можат да ја водите само ако зад вас имате поддршка за основните национални барања и опозицијата, посочи Андоновски.

Шверцерот о’баче Таче и шарените булки

Љупчо Цветановски — Sat, 21 May 2022 07:43:25 +0000

Додека насмејаниот Петков се радикализираше и стануваше поголем Бугарин од Аспарух, софиските медиуми пренесуваа дека животната сопатничка на неговиот македонски колега Димитар Таче била Бугарка. Ок, ова може и би било некоја вест, доколку до сега о’баче Таче се покажеше како Македонец. Вака е 2:0 за Радев... Истиот тој престолонаследникот Таче среде Чаир изиграваше Шверцер и навиваше за Шкупи насмејан и гушнат со Форина, Артан и Алија. Мора да признаете, на ликот кој така шверцерски и стана премиер на држава, улогата одлично му прилегаше... Во исто време доктор Сали „прогнизираше“ Клинички центар кој би не’ чинел меѓу 150 милиони и милијарда евра (850 милиони евра „различе“ кое е зависно од тоа колку ќе им лепат рачињата), Грујо и Миле добиваа драконски казни за дивоградбата на Фиќо, а европските лидери Макрон, Шолц и Драги на Македонија и’ токмеа евроинтеграции според украински рецепт. Не, не со војна, туку со „џек-пот“ награда за маките наречена „ајт сиктер у периферија“, погранична испостава ли, нешто за 13-ти прасиња и непосакувани, непланирани дечиња. Современи Ускоци, француска измишљотина за „утешна награда“ на недоветните Балканци, Украинци, Македонци, Албанци и останата ситна, европска боранија. Можеби, кога ќе треба да менуваме историја, новата лага на билбордите на Заевци ќе биде: “За бесплатно здравство во погранична ЕУ. Во Тирана и Киев“. Во второто и со бесплатна шанса за брзо кратење на маките, трајно и засекогаш... Сега, по 17 години кандидатски статус, 13 години стара ЕК препорака за преговори, сменето име на држава, Устав, преамбула, двојазичност и тендерско трпење на аздисани Заевци и нивните престолонаследници, истиот тој Брисел ќе не’ лаже дека се’ е тамам, дека припаѓаме во ЕУ си сите нишани и убавини, ама не бил моментот. Поради Украина... Пак таа Украина. Пред седум години, едни шарени суртуци од една уште пошарена дееволуција ги практикуваа истите финти од киевски Мајдан, се сликаа со цвеќиња пред полицајците во кордоните, ги копираа слоганите, пееја и и исти песни, кршеа, фарбаа, ломотеа. Да, тогаш дури и Украина беше држава, а Македонија не беше протекторат. И што стана? 6 години потоа, учесниците во шарената дееволуција испаднаа мајмуни, државата веќе не е ни држава, ни Македонија, а стандардот, правдата, здравството и се’ друго отиде во амбис. УПМ, што би рекол спикерот, командант и дежурен пцујач Форина... „Најголемиот“ им протест, оној за која лажеа дека биле 50-100.000, а светските медиуми (не само домашни) ги сведоа на реални 10 илјади (10.000 по 20 = 200.000 евра зијан), идиотштината која, демек, ја изродила шарената глупоштија. Го славеше дури и Заев, пишуваа сите суртуци кои се офајдија. Се јави и Забрчанец, ова била БУЛКАТА. Некоја шарена булка ли?!?!? Првата претпоставка беше дека исто ко и Заев и тој застанал со небразбата на Зоки Поки и „Булки крај шините“. Но не било така, во меѓувреме читале и нешто друго. Кама сутра, Вруќи кај и Канвас прирачници за рушење демократски системи... И за изненадување, конечно, нешто погоди пустиот. Она, кога и ќоравата кокошка ќе клукне некое зрно, на тепка. Протестот беше БУЛКА. Точно. Само поената и симболиката ја утнаа, скроз... Булката, барем во светот, е синоним за гробиштата на илјадниците паднати борци во светските војни, како цвеќе кое расне на нивните, огромни по површина, гробишта. Да, можеби шалабајзерскиот протест кој ја изроди Шарената глупоштија и може да се нарече БУЛКА за Македонија, која оттогаш почнаа да ја уништуват и закопуваат, на секое поле. Само дечки, носете се сосе булките. Шарени или не, сте се зезнале. Пирејот многу брзо ќе ги изџвака и свари вашите булки. Ок, можеби БУЛКИТЕ наскоро ќе раснат врз вашата северна и идиотските договори, а во саксии ќе можете и да си ги чувате во затворените институции во кои на општеството ќе му враќате за лепливоста на рачињата. Булка/споменик за имагинарната и краткотрајна северна, може. За Македонија, јок. МАКЕДОНИЈА Е ВЕЧНА! А тие што не знаат, каде и да е, ќе дознаат...

МАГИЧНИТЕ БРОЕВИ 5:5 ЌЕ ВИ ДОНЕСАТ ДЕНЕС СРЕЌА: Едно е најважно, не пропуштајте да го направите

Ристе Здравков — Thu, 05 May 2022 12:19:32 +0000

5 мај се смета за исклучително среќен ден, родените на овој датум се предодредени за големи нешта, слава и богатство. Нумеролозите велат дека повторувањето на бројките е знак на Универзумот дека се отвора нова енергија, а бројот 5 претставува слобода, промена и авантура. Бидејќи нумерологијата се заснова на толкување на броевите од 0 до 9, петтиот ја претставува точната средина на циклусот и времето за донесување одлуки. На 5-ти мај треба да бидете храбри и да го изберете вашиот пат и да се одлучите за авантура. Сепак, треба да бидете и доволно мудри, бидејќи она што го планираме денес може да влијае на втората половина од циклусот. Затоа е важно добро да размислите за вашата одлука и да ја донесете до крајот на денот доколку ги имате сите информации што ви се потребни. Нумерологијата на пари дава добри прогнози за 5 мај, бидејќи петти традиционално е среќен ден за богатство. Треба да го купите она што сте го сакале и планирале доколку во цената гледате број 5. Исто така, добро е да купувате подароци на овој ден, тие секогаш ќе бидат добро примени. Ова не е ден за штедење.