Даут Харадинај – Kurir.mk

Даут Харадинај: Обвиненијата се напад на слободата на Косово

Тале Кристо — Wed, 15 Jul 2020 06:51:59 +0000

Претставникот на Алијансата за иднината на Косово Даут Харадинај изјави синоќа дека обвиненијата против претседателот на државата Хашим Тачи и претседателот на Демократската партија на Косово, Кадри Весели пред Специјалниот суд за злосторства на ОВК во Хаг претставуваат „директен напад врз слободата на Косово“. Според него, Тачи и Весели биле задолжени за Ослободителната војска на Косово и за „борбата за слобода“. – Повикан како воен водач, повикани се луѓе од Генералштабот, не беа интервјуирани поради активно физичко учество, туку за одговорност, и во случајов мислам дека тоа е директен удар за слободата на Косово, не само на поединците, изјави Харадинај за телевизијата Клан Косова. Учеството на Тачи и Весели, но и на оние чии имиња не се објавени „не беше ништо друго освен обид за ослободување“, тврди Харадинај и додаде дека „слободата на Косово е директно поврзана со воените водачи“.

Австриската полиција го приведе братот на Рамуш Харадинај

Предраг Кукиќ — Thu, 18 Jul 2019 16:49:57 +0000

Пратеникот на Алијансата за иднина на Косово, Даут Харадинај, отпатувал денеска за Австрија каде што во главниот град на оваа држава бил приведен од австриската полиција, јавува Косовапресс. Полицијата во Виена го приведе Харадинај врз основа на потерница издадена од Србија. Но, извори за Косовапресс дознаваат дека Харадинај веќе е ослободен. Поранешните припадници на ОВК имаат потерници издадени од Србија и често кога патувале низ Европа биле приведени врз основа на овие потерници. Врз основа на истата потерница, беше уапсен и актуелниот премиер Рамуш Харадинај на 4 јануари 2017-та година, од страна на француската полиција на аеродромот во Мулхаус.

Даут Харадинај: Тачи греши, промената на границите води во војна

Ивана Ефремовски — Fri, 03 Aug 2018 18:14:50 +0000

Пратеникот на Алијансата за иднината на Косово (ААК), Даут Харадинај смета дека идејата за корекција на границите, која на последните прес-конференции ја пласира претседателот Хашим Тачи, носи нов конфликт и е опасна за Косово, но и за сите земји од регионот, јави дописникот на МИА од Приштина. – Со толку мандат колку што имам јас, и како пратеник и како личност, апсолутно сум против секаква промена на границите. Не ги поддржувам затоа што тоа се славјанско-руски идеи, изјави Харадинај за „Газета Експрес“. Обидот за размена на територии, според пратеникот на владејачката ААК и брат на косовскиот премиер Рамуш Харадинај, би отворил нов конфликт меѓу двете држави, Косово и Србија. – Идејата за промена на границите е идеја за нов конфликт и, без оглед на тоа која ја изнесува, таа тенденција ќе не води во нови ситуации кои не се добри ниту за Косово ниту за Србија, изјави Харадинај. Според него, доколку се почне со обиди за размена на територии, ќе се отвори Пандорината кутија и ќе страда целиот регион. – Ќе се зборува за Македонија, за Црна Гора, за Албанците секаде каде што се, изјави Даут Харадинај, нагласувајќи дека таквите идеи, било да се изнесени од Тачи или од кој било друг, се мошне опасни. На идеите за „корекции на границата со Србија“, покрај опозицијата, се спротивставува и другата владејачка партија, Иницијативата за Косово (Нисма) на вицепремиерот Фатмир Лимај, а единствено Демократската партија на Косово (ПДК), која Тачи ја водеше до изборот за претседател, се нема огласено, ниту со прифаќање ниту со отфрлање на идеите на својот поранешен партиски лидер. Тачи, кој претходно изјави дека „го почитува територијалниот интегритет на Србија“, сега вели дека корекцијата на границите треба да се направи со цел Прешевската долина да се припои кон Косово. Меѓутоа, косовскиот претседател избегнува да одговори на новинарските прашања дали тоа значи дека северно Косово во тој случај ќе се соедини со Србија. (МИА)