давеник – Kurir.mk

Се трага по давеник во Дојранското Езеро- паднал од педалинка, а не знаел да плива

Катерина Бојаџиева — Sun, 13 Aug 2023 12:24:02 +0000

Регионалниот Центар за управување со кризи (ЦУК) Струмица информира за давеник во Дојранско Езеро, кој исчезнал во водата кон пладне. Лицето не е пронајдено и е непознато. - Настанот се случил кога лицето било качено на педелинка што најверојатно се превртела, а лицето не знаело да плива. Засега, нема податок дали имал безбедносен елек. Телото се уште не е пронајдено заради тоа што во езерото има многу трски, алги,а и слаба е видливоста - до еден метарм длабочина. Местото на настанот било блиску до брегот и било обезбедено од припадници на МВР, кои ги известиле сите институции и побарале помош од специјалните нуркачки единици од МВР Тигри за да се спроведе акцијата за пронаогање на телото, информираа од ЦУК. Додаваат дека на лице место се ТППЕ и СВР Гевгелија.

Три нуркачки тима трагаат по изчезнатиот во езерото Глажња (ФОТО+ВИДЕО)

Ристе Здравков — Mon, 31 Jul 2023 09:00:40 +0000

Три нуркачки тима на Специјалната антитерористичка единица „Тигар“ од утринава продолжуваат со потрагата по исчезнатиот маж во езерото Глажња. Потрагата била прекината ноќеска, а започнала вчера во попладневните часови. Исчезнувањето на Ф.Р. (30) од селото Никуштак било пријавено во ПС Матејче вчера околу 15.30 часот, бидејќи не се вратил подолг период откако влегол да се капе во вештачкото езеро на браната Глажња на оддалеченост од 1.5 километри. Преку СВР Куманово е повикана нуркачка екипа на МВР со цел да се пронајде исчезнатиот.

Три нуркачки тима трагаат по изчезнатиот во езерото Глажња pic.twitter.com/3XOx7lpHtb
— Курир (@KurirMK) July 31, 2023

Се трага по 30-годишен маж, влегол да се капе, не излегол од езерото

Ристе Здравков — Sun, 30 Jul 2023 18:37:19 +0000

Во Центарот за управување со кризи Куманово денеска било пријавено дека лице влегло во езерото кај браната Глажња, но потоа не излегло од водата. Се работи за Ф.Р. маж на околу 30 години. Во тек е потрага по него.

ТРАГЕДИЈА: Жена се удавила во Охридско Езеро

Катерина Бојаџиева — Wed, 26 Jul 2023 10:44:05 +0000

Во водите на Охридското Езеро во близина на плажа во Струга вчера бил најден давеник. СВР Охрид соопшти дека по направениот увид било утврдено дека се работи за 67-годишна жена од Ресен. - Во ОВР Струга, вчера во 15 часот и 25 минути е пријавено дека, во водите на Охридското Езеро, во близина на плажа во Струга, забележано е безживотно тело. Од извршениот увид, констатирано е дека се работи за Ф.С.(67) од Ресен, појасни портпаролот на СВР Охрид Стефан Димоски. Доктор од Здравствениот дом и Итната медицинска помош од Струга, констатирале смрт без траги на насилство. По наредба на јавен обвинител, врз телото на починатата ќе биде извршена обдукција.

Турист се удави на одмор во Бугарија

Ристе Здравков — Tue, 18 Jul 2023 09:50:40 +0000

Турист загина во Поморие, град во jугоисточниот дел на Бугарија. Трагедијата се случила вчера попладне, јавуваат бугарските медиуми. Триесет и осумгодишниот софијанец со ќерката влегол во морето, а набргу потоа бил забележан во беспомошна состојба од спасувачите. И покрај укажаната лекарска помош, мажот починал.

Нов ужас во Грција: 10-годишно девојче се удавило во базен

Ристе Здравков — Mon, 17 Jul 2023 09:50:06 +0000

Десетгодишно девојче кое било на одмор со нејзините родители во Грција вчера се удавило во базен, јавуваат грчките медиуми. Инцидентот се случил околу 18 часот по локално време, кога девојчето било во дворот на комплексот во Неа Макри, каде што си играло со својата другарка. Нејзините родители, кои живеат во Атина, се подготвувале да си заминат, а во моментот на несреќата тие ги префрлале куферите во својот автомобил. Во еден момент 10-годишното девојче останало само во базенот. Играјќи си игра со другарите, девојчето нурнало во базенот по маската која децата ја фрлиле во водата, како дел од играта. Десетгодишното девојче потонало на дното на базенот, каде што било најмалку 3 минути. Менаџерот на комплексот истрчал да ја спаси. Кога пристигнал, детето имало модринки и тешко дишело. Двајца лекари, кои биле во близина, се обиделе да ја спасат. Како што пишува „Прототема“, девојчето исфрлало храна од устата додека добивало прва помош најмалку 20 минути. „Детето го најдов свесно. Не можеше лесно да дише и правевме рунди реанимација јас и татко ми заедно, кој исто така е лекар, и еден господин, кој знаеше прва помош и работеше во соседната продавница. Наизменично си помагавме и се обидувавме да извадиме стомачна содржина од девојчето, од цревниот систем на детето. Се обидувавме барем 15-20 минути додека не дојде брзата помош. Но, за жал, не успеавме“, вели младиот доктор. Според информациите, девојчето не се соочувало со никаков здравствен проблем и било страстен пливач. Сепак, останува непознато зошто се удавило во базенот.

Тело на давеник пронајдено во Вардар

Ивана Ефремовски — Mon, 16 Jan 2023 15:31:04 +0000

На 15.01.2023 во 11:52 часот во СВР Скопје било пријавено дека во близина на пешачки мост на подрачјето на Карпош, во водите на река Вардар е забележано тело на давеник. Полициски службеници и екипа од противпожарната единица Скопје излегле на местото, известени се ЦУК и ДЗС и се преземаат мерки за пронаоѓање и вадење на телото односно расчистување на случајот.

Познат идентитетот на мажот кој се удави во Охридско езеро

Ивона Петрова — Wed, 06 Jul 2022 08:35:06 +0000

Шеесет и шест годишниот В.Ц. од Струга е лицето кое вчера се удави во водите на Охридското езеро. Телото на давеникот било пронајдено во близија на автокампот „Ас“ кај Струга, а било забележано од капачите на плажата. Смртта била констатирана од Итната медицинска помош, а на телото не се забележани траги на насилство По извршениот увид на кој приствувал и јавен обвинител, телото било предадено на семејството за погреб.

ТРАГЕДИЈА ВО ЦРНА ГОРА: Се удави Момче од Македонија

Тале Кристо — Sun, 19 Jun 2022 10:59:08 +0000

Македонец се удави во Црна Гора. Младо момче од Македонија се удави вчера околу 18 часот на плажата Утјеха кај Бар, јавува порталот Приморски.ме. Според информациите на овој портал, 22-годишниот млад човек денеска пристигнал во заливот меѓу Бар и Улцињ, каде требало да работи сезонски. На телото немало траги на насилство. Треба да се утврди причината за смртта, а обвинителот ќе нареди обдукција пренесе порталот.

Давеник пронајден во Охридско Езеро

Ивона Петрова — Wed, 04 May 2022 09:38:44 +0000

Давеник утрово е пронајден во водите на Охридското Езеро, кај карпите меѓу плажите „Горица 2“ и „Горица 3“. Според првичните информации, се работи за несреќен случај со трагични последици. Рибар од Охрид се лизнал од карпата од која рибарел. Случајот за МИА го потврди портпаролот на СВР Охрид Стефан Димоски, посочувајќи дека полициски екипи се на местото на незгодата и вршат увид. Телото на давеникот го забележале случајни минувачи и пријавиле во полиција.