Давид Алаба – Kurir.mk

Ал Итихад сака да го купи Дабид Алаба

Бошко Тасиќ — Tue, 05 Sep 2023 04:06:40 +0000

Ал Итихад сега тргнува по Давид Алаба, ѕвездата на Реал Мадрид. Се шпекулира дека понудата вредна 40 милиони евра веќе стигнала до “кралевите“, додека Алаба би земал 25 миолиони евра годишно што е двојно повеќе од тоа што сега зема во Мадрид.

Сепак се напоменува дека овој трансфер тешко би се реализирал сега ако се знае во овој момент Алаба и тоа како му потребен на Карло Анчелоти по тешката повреда на Едер Милитао.

Реал со пресврт до победа кај Алмерија: Алаба постигна гол „од клупата“

Ристе Здравков — Mon, 15 Aug 2022 07:14:11 +0000

Реал Мадрид по негативата синоќа кај Алмерија, успеа да го сврте резултатот и на крајот да победи. Иако имаа негатива уште од 6. минута, во вториот дел Реал целосно го промени резултатот и ги однесе бодовите во првото коло. Лукас Васкез донесе изедначување на резултатот во 61 минута, а за десетина минути подоцна, поточно во 75 минута, фантастичен гол постигна Давид Алаба, кој го одбележа натпреварот, бидејки само што влезе во игра, веднаш постигна гол по неколку секунди. Со оглед на тоа дека Реал е актуелен шампион, со воведната победа и пресвртот, само најавува дека и сезонава остануваат главен конкурент за титулата.

What a goal by David Alaba coming straight from the bench to take the free kick!! #AlmeriaRealMadrid pic.twitter.com/BQpJfqoznO
— The Lonely Loner 🆒 (@noonebelievesm3) August 14, 2022

Салихамиџиќ открива каде била грешката на Баерн Минхен во преговорите за нов договор на Алаба

Ристе Здравков — Thu, 21 Jul 2022 12:01:10 +0000

Баерн Минхен минатото лето го загуби Давид Алаба како слободен играч, откако му истече договорот тој замина во Реал Мадрид. Алаба брзо се вклопи во Реал Мадрид и покажа вистинско лидерство на теренот. Тој е еден од најинтелегентните дефанзивци кои може да игра на повеќе позиции на теренот. Спортскиот директор на Баерн Минхен, Хасан Салихамиџиќ смета дека направиле погрешни потези додека се обидувале да го задржат Алаба. „Му понудивме многу пари, од наша гледна точка. Имавме состанок со агентите на Давид и му дадовме ултиматум, им рековме дека Давид мора да донесе одлука до одреден датум“, вели Салихамиџиќ. „Гледајќи наназад сега, би рекол дека тоа не беше неопходно, не е во ред да му давате временска рамка за одлука на фудбалер со квалитетите на Давид“. Баерн Минхен оваа сезона го донесе Матијс де Лихт кој треба да биде долгорочна инвестиција за дефанзивата на тимот.

Алаба подготвен за финалето на Лигата на шампионите

Ивона Петрова — Wed, 25 May 2022 06:06:03 +0000

Дефанзивецот на Реал Мадрид, Давид Алаба изјави дека е подготвен да игра во финалето на Лигата на шампионите, информација која е добредојдена за тренерот на „кралскиот клуб“ Карло Анчелоти. Дваесет и деветгодишниот Австриец поради здравствени проблеми го пропушти реваншот од полуфиналето против Манчестер сити, како и пет натпревари од шпанската Ла Лига. – Се чувствувам многу добро. Имав време да закрепнам. Работев многу напорно во последните денови за да бидам подготвен, изјави Алаба за „ Football Espana“. Оваа сезона Алаба забележа 45 настапи за Реал Мадрид, постигнувајќи три гола и четири асистенции. Финалето на Лигата на шампионите, во кое Реал Мадрид ќе игра со Ливерпул, ќе се одржи на 28 мај во Париз на стадионот „Стад де Франс“ со почеток во 21 часот.

Алаба неизвесен за реваншот на Реал против Манчестер сити

Тале Кристо — Tue, 03 May 2022 09:28:38 +0000

Дефанзивецот на Реал Мадрид, Давид Алаба најверојатно ќе го пропушти реваншот од полуфиналето на Лигата на шампионите против Манчестер сити, објави „Марка“. Според шпанскиот спортски весник, 29-годишниот фудбалер го пропушти последниот тренинг на Мадрид. Постои можност поради повреда да не може да учествува на натпреварот со англискиот првак. Реваншот од полуфиналето во Лигата на шампионите Реал – Манчестер сити ќе се одржи утре, 4 мај, на „Сантијаго Бернабеу“. Средбата започнува во 21 часот. Првиот натпревар Сити го доби со 4:3. Вечерва од 21 часот се игра првото полуфинале. Во него ќе се соочат Виљареал и Ливерпул. Првиот меч го доби англискиот претставник со 2:0.

Алаба по осми пат е прогласен за најдобар фудбалер во Австрија

Дарко Андоновски — Wed, 22 Dec 2021 10:43:11 +0000

Дефанзивецот на Реал Мадрид, Давид Алаба е прогласен за најдобар фудбалер за 2021 година во Австрија, објави Австриската новинска агенција. Алаба победи во гласањето на главните тренери на 12 клубови во австрискиот шампионат. Дваесет и деветгодишниот играч го добива ова признание осми пат во кариерата. Фудбалерот го држи рекордот за оваа титула во Австрија. Во сезоната 2021/22, австрискиот дефанзивец одигра 23 натпревари за Реал Мадрид на сите турнири, постигна два гола и забележа три асистенции.

Алаба: Одлучив да не одам по полесниот пат

Ристе Здравков — Thu, 16 Dec 2021 15:46:46 +0000

Австрискиот репрезентативец, Давид Алаба од оваа сезона го гледаме во нова средина и тоа во таборот на Реал Мадрид во кој се пресели како слободен фудбалер, односно откако му заврши договорот со Баерн Минхен. Многумина не ја разбраа оваа одлука на Алаба кој имаше се во Минхен, беше стандарден првотимец, освојуваше титули, неговата екипа постојано е конкурентна и во Лигата на шампионите, но дефанзивецот се одлучи да проба нешто нови и заврши на „Сантијаго Бернабеу“ -По 13 години во истиот клуб, се прашував што да правам понатаму. Минатата сезона беше најдобра во историјата на Баерн, со дури шест освоени трофеи, а јас се прашував што сакам да правам понатаму. На крајот решив да ја променам средината и да се соочам со нови предизвици во новата средина што не е лесен пат, -истакна Давид за магазинот „GQ“. -Кога ќе почнете да тренирате фудбал, веќе знаете дека Реал Мадрид е најголемиот клуб во светот. Не бев изненаден што пристигнав овде, тоа отсекогаш ми била желба. Ако сте вредни и целосно посветени на фудбалот, секогаш можете да се стремите кон највисоките цели дури и ако тоа е Реал Мадрид, -дополни Алаба кој досега за „кралевите“во Ла Лига има дадено еден гол и запишано три асистенции.

Алаба и Крос открија како потпишале за Баерн: Секогаш истиот трик

Ристе Здравков — Fri, 15 Oct 2021 12:48:19 +0000

Тони Крос и сезонава има проблеми со повредите, но тоа не го спречува да му асистира на својот брат Феликс во реализација на подкастот каде се зборува на фудбалски теми. Браќата Крос често имаат и популарни гости, а во последната епизода тоа бил Давид Алаба, фудбалерот кој ова лето дојде од Баерн Минхен, по истиот пат по кој одеше и Крос. Алаба и Крос се согласиле дека Баерн има иста метода за убедување на младите фудбалери да потпишат за овој гигант. – Имав само 15 години, понуди од неколку австриски, па и англиски тимови. – Баерн на крајот сепак беше најупорен и не попушташе, а клубот ме повика во Минхен да се уверам со свои очи што ме очекува. Вернер Керн (важен член на младинската академија) комуницираше со татко ми, подоцна не собра од аеродром и отидовме во клубот. Веднаш се заљубив во Баерн и немав дилема каде сакам да продолжам, – изјавил Алаба. – Значи секогаш истиот трик. И нас Керн не превезе од аеродром во луксузен хотел, а потоа бевме гости на натпревар од Лигата на шампионите. Не можев да ги одбијам, – дополнил Тони Крос.

Нов проблем за Реал: И Алаба е повреден, сигурно нема да игра во ЛШ

Ристе Здравков — Fri, 15 Oct 2021 08:25:41 +0000

Шпанскиот прволигаш Реал Мадрид со соочува со проблеми со дефанзивната линија, па по Едер Милитао повреден е и Давид Алаба. Алаба се врати повреден по обврските што ги имаше со Австрија и како што стојат работите сигурно ќе мора да го скокне дуелот со Шахтјор Доњецк во Лигата на шампионите. Со оглед на тоа што во иста ситуација е и Милитао ова ќе донесе главоболки за тренерот Карло Анчолоти кој исто не може да смета ниту на десниот бек Дани Карвахал. Се очекува Начо и Валјехо да бидат стратери, Васкез да игра десно, додека Марсело или Менди да ја покријат левата бековска позиција. По дуелот со Шахтјор „кралевите“ се соочуваат со Барселона, па останува да видиме дали дотогаш ќе се подобри ситуацијата особено кога се во прашање централните дефанзивци.

Алаба со коментар за изјавата на Хенес дека сакал да игра во Барселона

Ристе Здравков — Thu, 07 Oct 2021 07:46:31 +0000

Давид Алаба ја игра првата сезона како член на Реал Мадрид, а напуштањето на Баерн Минхен за преселба во Шпанија му донесе неколку „отровни стрели“ од поранешниот претседател на Баварците, Ули Хенес. Во последната изјава Хенес тврдеше дека самиот Алаба му се доверил дека сонува да настапува за Барселона, па тој бил изненаден дека прифатил да игра за најголемиот ривал Реал Мадрид. За време на собирот со австриската репрезентација, Алаба добил прашање за ова тврдење, на што тој со насмевка одговорил дека Хенес не ја кажува вистината. – Се сеќавам на нашиот разговор, но содржината беше поинаква. – Разговорот течеше поинаку, а не како што вели Хенес, – изјавил Алаба. Австриецот го напушти Баерн по 13 години, а сезонава има голема минутажа во новиот клуб.