давид бабунски – Kurir.mk

ТРЕТА СРЕЌА, НО МАЛКУ ПОРАНО: Македонскиот фудбалер стана татко, го откри уникатното име на ќеркичката – во Македонија е многу ретко (ФОТО)

Дарко Андоновски — Mon, 03 Apr 2023 07:21:35 +0000

Македонскиот фудбалер Давид Бабунски и неговата сопруга Кристина трет пат станаа родители. Самиот фудбалер ја објави веста на социјалните мрежи. -Нашата ќерка Алина пристигна денеска. Малку порано од очекуваното, но перфектно здрава, напиша Бабунски. Давид и Кристина имаат два сина, а сега добија и ќерка.

Бабунски: Селекторот ме познава, ми верува и благодарен сум што ме врати во репрезентацијата

Бошко Тасиќ — Sun, 05 Jun 2022 18:44:14 +0000

Давид Бабунски се врати во националниот тим и одигра одлични два натпревари на стартот на новата сезона од Лигата на нациите. По вториот меч и првата победа во Гибралтар (0-2) играчот од средниот ред потенцира дека важна му е вербата на селекторот и дека е благодарен што има шанса да игра за националниот тим. „Не беше лесно да се игра попладнево. Како професионалци имаме одговорност да играме на секој натпревар максимално. Јас сум истиот од пред десет години, оние кои ме знаат, ги знаат моите карактеристики. Селекторот ме познава, ми верува и благодарен сум што ме врати во репрезентацијата“, изјави Бабунски. Нашиот национален тим сега се враќа во Скопје каде следат два натпревари - прво против Грузија (9 јуни), а потоа уште еден реванш против Гибралтар.

Димитриевски: Ако ја победиме Португалија, нека дојде уште Бразил па нека ни ја дадат титулата!

Ристе Здравков — Sun, 27 Mar 2022 07:48:07 +0000

И покрај онаа специфична грешка на дуелот со Италија во Палермо, Столе Димитриевски се издвои како еден од најдобрите поединци во националниот тим во историската победа над актуелниот европски шампион. Голманот на Рајо Ваљекано потоа беше и тоа како сигурен на голот на националниот тим издвојувајќи се и во најдобриот тим на полуфиналните бараж пресметки за СП 2022. Сето тоа носи дополнителен мотив кај Димитриевски за финалната пресметка со Португалија… „Запишавме уште еден неверојатен натпревар за историјата на македонскиот фудбал. По оној триумф над Германија во квалификациите, сега е победен и европскиот шампион Италија. Па, ако ја победиме и Португалија нека дојде потоа само уште Бразил и нека ни ја дадат светската шампионска титула“ – вели низ шега и Димитриевски, дополнувајќи дека еуфоријата после Палермо е завршена и сега мора максимално концентрирано кон дуелот во Порто. „Нарадот нека се радува, но ние мора да продолжиме со максималната подготовка. Знаеме дека Португалија е голем фаворит, но знам дека повторно ќе бидеме подготвени и ќе го дадеме и последниот атом од силата да дојдеме до уште еден успех“.

Бабунски: Ќе дадеме сè од себе во Палермо

Бошко Тасиќ — Mon, 21 Mar 2022 17:24:01 +0000

Македонската фудбалска репрезентација е асочена кон еден од своите најголеми натпревари во својата фудбалска историја, полуфиналето од баражот за пласман на Светското првенство против актуелниот европски шампион Италија в четврток (24 март, 20.45 часот) на стадионот „Ренцо Барбера“ во Палермо. Денеска се комплетира селекцијата предводена од селекторот Благоја Милевски кој освен суспендираните Елиф Елмас и Тихомир Костадинов (поради жолти картони поради кои немаат право на настап против Италијанците) нема проблеми со повредени играчи или отсуство. Давид Бабунски е повратник во нашата најдобра репрезентација, играчот на унгарскиот клуб Дебрецин е среќен што по долго време е повторно во сениорскиот национален дрес. – Тука сум со истата желба и истата гордост кога првпат настапив за репрезентацијата. Свесни сме против кои играме, ќе биде тежок натпревар, но и за ривалите ќе биде тешко. Покажавме дека можеме да се носиме против најголемите репрезентации, ќе излеземе на теренот, ќе дадеме сè од себе за да победиме. Нема што да загубиме, одиме со големи амбиции, на гостински терен, така што мислам дека сме подготвени на ваков предизвик. Мислам дека можеме да постигнеме нешто убаво. Од наша страна ќе играме со срце и со желба да го дадеме максимумот за да славиме на крајот – вели Бабунски

Браќата Бабунски ќе играат заедно за Македонија

Ристе Здравков — Wed, 09 Mar 2022 15:47:01 +0000

Двоецот на унгарскиот прволигаш Дебрецин, Давид и Дориан Бабунски добија повик од селекторот Благоја Милевски за престојниот бараж против Италија за место на Светското првенство во Катар. Пред некое време браќања порачаа дека сонуваат заедно да играа за Македонија и дека би било неверојатно заедно да настапат на големот натпреварување за нашаат земја, па сега ќе имаат можност тоа и да го остварат. Давид и Дориан се првотимци и играат постојано во дресот на Дебрецин, па таа своја добра форма можат да ја пренесат во националниот тим. Баражот со Италија е закажан за 24 март на „Ренцо Барбера“ во Палермо, а ако ја минеме оваа пречка тогаш во финалето на оваа фаза ќе се соочиме со подобриот од Португалија-Турција.

Бабунски го победи коронавирусот, се врати на тренинзите

Ивона Петрова — Fri, 06 Nov 2020 09:57:49 +0000

Македонскиот фудбалер Давид Бабунски го победи коронавирусот. Романскиот клуб Ботошани, за кој настапува Бабунски, пред два дена објави фотографии од одржаниот тренинг, а меѓу нив се најде и фотографијата на која Бабунски тренира. Бабунски кон крајот на минатиот месец доби позитивен тест на Ковид-19.

Давид Бабунски потпиша за романски Ботошани

Дарко Андоновски — Mon, 02 Mar 2020 15:33:30 +0000

Давид Бабунски од денеска е нов член на екипата на Ботошани од истоимениот романски град. Двете страни се обврза на соработка во наредните 18 месеци. Македонскиот интернационалец со ова прави кам-бек во европскиот фудбал по трите години што ги мина во Јапонија, во екипите на Јокохама Маринос (2017/18) и во Омија Адрија (2018-20). Бабунски потекнува од познатата академија на Барселона, „Ла Масија“, стигна до Б тимот на Каталонците по што направи трансфер во Црвена звезда, а од таму се упати кон Далечниот исток. За македонската „А“ репрезентација одигра девет меча додека со У21 тимот настапи на Европското првенство во Полска во 2017 година.

Прекрасен „волеј“ на Бабунски во Јапонија! (ВИДЕО)

Предраг Кукиќ — Wed, 06 Nov 2019 16:11:05 +0000

Омија славеше со 3:0 против Ависпа Фукуока со 3:0, а третиот гол го постигна македонскиот фудбалер Давид Бабунски. Ова за него е четврти погодок сезонава. Омија и Бабунски се дел од втората јапонска лига, во моментов се на второто место со 72 бода, и имаат големи шанси за пласман во најдобрата лига. До крајот на сезоната има уште пет кола.

ВИДЕО: Гол за најавни шпици на Бабунски

Предраг Кукиќ — Sun, 10 Mar 2019 08:45:04 +0000

Давид Бабунски му донесе победа на второлигаш Омија. Македонскиот интернационалец и неговиот тим славеа на гостувањето кај Токушима благодарение на прекрасниот погодок на Бабунски од околу 25 метри.

【Pick upプレー】 3/10・徳島戦 70分#11バブンスキーが相手DFの外を巻く華麗なシュートを決めて先制！#ardija #大宮アルディージャ #Jリーグ #121パーセント #ORANGE #徳島_大宮 #寝ても大宮ハイライト・レビューショーは #DAZN 詳細はこちら→https://t.co/j2nddZgYIr pic.twitter.com/avKCe4ZVE6
— 大宮アルディージャ公式 (@Ardija_Official) March 10, 2019

Големо засилување за Вардар: Поранешниот фудбалер на Барселона пристигнува во Скопје?

Матеја Петровски — Sat, 18 Aug 2018 10:21:14 +0000

Заврши авантурата на Давид Бабунски во Јапонија каде настапуваше за тимот на Јокохама. Фудбалерот кој досега во кариерата покрај во јапонскиот клуб има настапи и за Барселона Б и Црвена Ѕвезда ќе бара нова фудбалска средина. Кај фановите на Вардар има голема желба Бабунски да пристигне во Скопје и доколку клубот успее да ги исполни финансиските барања на 24 годишниот фудбалер, можно е него да го гледаме во дресот на тимот кој лани настапуваше во групната фаза од Лигата на Европа. Давид беше лидер и капитен на младинската репрезентација на Македонија, со која имаше и настап на Европското првенство за фудбалери под 21 година во Полска. Во сениорскиот тим поретко добива шанса, а причината за тоа е најмногу поради тоа што настапуваше во Азија досега, но со неговото враќање на европско тло може да се очекува да има повеќе настапи за селекцијата. Давид Бабунски е роден на 1 март 1994 година и е македонски фудбалер кој игра на позицијата лево крило. Покрај македонското, тој поседува и шпанско државјанство. До сега тој играше за јапонскиот клуб Јокохама Ф. Маринос. Бабунски настапувал за екипата на „Барселона Б“, за која одиграл 16 натпревари во сезоната 2014-2015. Во јуни 2015 година, италијанскиот портал „Туто меркато“ објавил дека Бабунски потпишал за „Сампдорија“. Сепак, оваа најава не се остварила и Бабунски останал во Б-екипата на „Барселона“, која го пријавила на потенцијалниот список за настап во Лигата на шампионите во сезоната 2015-2016. Во февруари 2016 година, Бабунски станал член на ФК „Црвена ѕвезда“ од Белград. Инаку, на почетокот на оваа сезона тренер на Вардар беше токму таткото на Давид, Бобан Бабунски, кој беше сменет од таа позиција.