давид де геа – Kurir.mk

Фергусон им врачи јубилејни награди на Роналдо и Де Геа

Ивона Петрова — Sun, 16 Oct 2022 15:18:56 +0000

Легендарниот тренер на Манчестер јунајтед, Алекс Фергусон им врачи награди на Давид Де Геа и Кристијано Роналдо пред денешниот натпревар со Њукасл од 11. коло во Премиер лигата. Пред мечот на „Олд Трафорд“ шпанскиот голман и португалскиот напаѓач добија пригодни подароци од Фергусон. Натпреварот против Њукасл беше 500-ти за голманот за Манчестер јунајтед, а Роналдо неодамна го постигна својот 700-ти гол на клупско ниво. Средбата Манчестер јунајтед – Њукасл заврши без победник 0:0.

Де Геа најплатен фудбалер во Премиер лигата

Ивона Петрова — Wed, 12 Feb 2020 08:28:37 +0000

Порталот „Spotrac“ објави список со најплатени играчи во англиската Премиер лига. Голманот на Манчестер Јунајтед, Давид Де Геа заработува најмногу – 23 милиони евра годишно. На второто место е играчот од средниот ред на Манчестер сити, Кевин де Брујн, додека трет е фудбалерот од средниот ред на Сити, Рахим Стерлинг. Во првите 15 најплатени играчи во Премиер лигата, пет се од Манчестер јунајтед, по три од Манчестер сити и Ливерпул, по два од Арсенал и Тотенхем. Списокот на 15 најплатени играчи во Премиер лигата:

Давид Де Хеа (Манчестер јунајтед) – 23 милиони евра 2. Кевин де Брујн (Манчестер сити) – 19,7 3. Рахим Стерлинг (Манчестер сити) – 18,5 4. Пол Погба (Манчестер јунајтед) – 17,8 5. Месут Озил (Арсенал) – 16,5 6. Ентони Марсијал (Манчестер јунајтед) – 15.3 7. Серхио Агуеро (Манчестер сити) – 14.1 8. Мохамед Салах (Ливерпул) – 12.3 8. Маркус Рашфорд (Манчестер јунајтед) – 12.3 8. Хари Кејн (Тотенхем) – 12.3 8. Танги Ндомбеле (Тотенхем) – 12.3 12. Александар Лаказет (Арсенал) – 11.1 13. Роберто Фирмино (Ливерпул) – 11 14. Вирџил ван Дајк (Ливерпул) – 10.1 15. Хари Мегвајер (Манчестер јунајтед) – 10.

Де Геа го продолжи договорот со Манчестер јунајтед

Дарко Андоновски — Mon, 16 Sep 2019 17:09:43 +0000

Шпанскиот голман Давид Де Геа, официјално го продолжи договорот со Манчестер јунајтед до јуни 2023 година. Де Геа кој има 28 години, дојде во редовите на „црвените ѓаволи“ од Атлетико Мадрид во 2011 година и има 367 настапи. Најзначајни трофеи што ги освои му се Премиер лигата во сезоната 2012/2013, и Лига Европа во 2016/2017. Во 2015 година, тој беше многу блиску до преселба во Реал Мадрид, но договорот пропадна поради ненавремено испратен факс во последните минути од преодниот рок. Преговорите околу овој нов договор траеја две години и конечно е договорено тој да остане на голот на Јунајтед уште најмалку четири години.

Ван дер Сар не смета дека Де Геа е незаменлив

Ивона Петрова — Fri, 13 Sep 2019 08:07:52 +0000

Поранешниот голман на Манчестер Јунајтед, Едвин ван дер Сар, верува дека има голмани во Премиер лигата кои можат да го заменат Давид де Геа. Шпанецот се пресели во Манчестер Јунајтед во 2011 година, откако Ван дер Сар ја заврши кариерата. – Другите голмани можат да ја пополнат празнината. Во Премиер лигата има неколку голмани кои можат да направат чекор напред. Се преселив во Манчестер Јунајтед на 34 години, па има многу опции. Во одреден момент, ќе се донесе одлука. Време е да се одлучи веќе, но јас не сум директорот на Манчестер јунајтед, изјави Ван дер Сар. Во последните години, медиумите редовно шпекулираат со заминување на Де Геа.

Де Геа по стоти пат со „сува“ мрежа во Премиер лигата

Дарко Андоновски — Sun, 24 Feb 2019 17:19:26 +0000

Голманот на Манчестер јунајтед, Давид де Геа не прими гол на денешниот натпревар од 27. коло во првенството на Англија против Ливерпул. Мечот заврши 0:0, за Шпанецот ова беше 100. Натпревар со „сува“ мрежа во Премиер лигата. Де Геа е само седмиот голман во историјата на Премиер лигата кој на сто натпревари не бил совладан. Воедно, Де Геа е вториот чувар на мрежата без примен гол на 100 меча. Првиот беше легендарниот Данец, Петер Шмајхел.

Де Геа не се откажува од своите високи финансиски побарувања

Ристе Здравков — Sun, 10 Feb 2019 13:02:45 +0000

Голманот на Манчестер Јунајтед, Давид де Геа е немилосрден во однос на финансиските барања за да го обнови договорот со „црвените ѓаволи“, пишува „Мирор“. Шпанскиот голман е подготвен да се поврзе со Манчестер за долго време, се додека неговите барања за надоместокот што ќе го добива бидат задоволни. Голманот побарал 400.000 фунти неделно, што значи 21 милион евра годишно. Таквата сума ќе го направи Де Геа втор најплатен фудбалер на Јунајтед по Алексис Санчез (23 милиони евра годишно). Во меѓувреме, блиски до клубот велат дека Јунајтед не е многу склон да ги исполни условите на Де Геа, и бара начин да постигне консензус со голманот. Актуелниот негов договор истекува летото 2020 година. Во минатото Де Геа беше баран од Реал Мадрид, но оваа страница се чини дека е затворена откако „белите“ го купија Тибо Куртоа во летото 2018 година. Меѓутоа, шпанскиот репрезентативец е во плановите на Јувентус.

Де Геа бара зголемување на платата во Манчестер

Ивона Петрова — Tue, 15 Jan 2019 07:43:38 +0000

Голманот на Манчестер јунајтед, Давид Де Геа, кој е обврзан на соработка до 30 јуни 2019 година, сака да добие нов договор, зголемен за 100.000 фунти седмично повеќе од актуелниот. Според „Мирор“ 28-годишниот фудбалер кој добива 200 илјади фунти неделно, охрабрен од одличните изданија сака да дојде до поголема плата. Од друга страна Манчестер јунајтед очајно се обидува да го задржи во своите редови шпанскиот голман, но досега преговорите не донесоа резултати. Претходно беше објавено дека Де Геа е внимателно следен од ПСЖ и Јувентус. Тој на „Олд Трафорд“ е од 2011 година. Оваа сезона одигра 27 натпревари и прими 34 гола.

MJ подготвен да го направи Де Геа најплатен голман во светот

Ристе Здравков — Fri, 14 Dec 2018 12:23:25 +0000

Премиерлигашот Манчестер Јунајтед прави сé што е можно за да го убеди голманот Дејвид Де Геа да го продолжи договорот, објави „The Sun“. Според изворот МЈ е подготвен да го направи 28-годишниот Шпанец најплатен голман на светот. На Де Геа му е понуден договор со плата од 445 илјади евра неделно или 21 милион евра годишно. Сегашниот договор на чуварот на мрежата на Јунајетд истекува на крајот на летото 2019 година.

Јунајтед го продолжи договорот на Де Хеа за уште една година

Ристе Здравков — Thu, 29 Nov 2018 15:26:45 +0000

Раководството на Манчестер Јунајтед го продолжи договорот на голманот Давид де Геа за уште една година до летото 2020 година, објавија англиските медиуми. Шпанецот, кој во последните години стана еден од најдобрите голмани во светот, преговараше со клубот за нов долгорочен договор веќе околу една година, но засега без успех. Според англиските медиуми Де Хеа инсистира за плата од 350.000 фунти неделно, што ќе го доближи до највисокоплатениот фудбалер во клубот – Алексис Санчез.

Јувентус планира да го донесе Де Геа во Торино

Ристе Здравков — Sat, 27 Oct 2018 07:57:18 +0000

Јувентус се вклучи во трката за трансфер на голманот на Манчестер јунајтед, Давид де Геа. Според англиските медиуми Де Геа е алката која недостасува за италијанскиот клуб да завладее со Европа. Во моментов мрежата на голот на италијанскиот шампион ја чуваат полскиот голман Војчек Шчешни и младиот Италијанец, Матија Перин. Де Геа пред неколку дена одлично бранеше на натпреварот меѓу Јунајтед и Јувентус, а во клубот од Торино на него гледаат како на наследник на Џанлуиџи Буфон.