Давид Дејвис Камара – Kurir.mk

Дејвис и Лосерт најдоа нов клуб по заминувањето од Вардар

Бошко Тасиќ — Sun, 16 Oct 2022 06:16:29 +0000

Давид Дејвис Камара и Венио Лосерт си заминаа од Вардар откако клубот не доби дозвола да игра во Лигата на шампионите, а веќе најдоа нов клуб. Нов предизвик за шпанскиот тренер и неговиот хрватски партнер кој е тренер на голманите ќе биде Ал-Ахли, клуб кој доаѓа од Египед. За 45-годишниот Дејвис земјата на фараоните нема да биде новост, затоа што тој претходно една година беше селектор на Египет, пред да го преземе Веспрем. Венио Лосерт во тимот на Ал-Ахли ќе ја има улогата на асистент, истовремено ќе работи и со голманите. Шпанецот Дејвис една сезона го водеше тимот на РК Вардар и успеа да ја обедини двојната круна на домашната сцена.

Дејвис: За нас како Вардар оваа реми е многу важно

Бошко Тасиќ — Wed, 06 Apr 2022 22:01:50 +0000

Тренерот на „црвено-црните“ Давид Дејвис вели и покрај тоа што го завршија својот настап во осминафиналето, задоволен е со ремито бидејќи многу е тешко да дојдеш до таков резултат на гостување кај унгарскиот тим.

„Најпрво честитки за Илиќ за пласманот во четвртфиналето. Многу среќа понатаму. Честитки за Веспрем, тука бев две и пол години и им посакувам се најдобро. Исто и за мојот тим затоа што знам дека тука е никогаш не е лесно да се игра. Иако губевме по првото полувреме, ние продолживме да играме и да растеме. Имаме уште важни натпревари. Среќен сум поради резултатот, да одиграш нерешено со Веспрем не е лесно. Иако за нив можеби ремито е неважно, за нас е многу. Исто и благодарност до навивачите кои дојдоа тука со нас“, изјави Дејвис.

Дејвис: Имаме уште многу за работа

Бошко Тасиќ — Thu, 31 Mar 2022 20:41:51 +0000

Тренерот на Вардар, Давид Дејвис вели дека одиграле добро само во првите 15 минути, но невозможно е за два месеци да го подготви тимот на ниво за овие натпревари од Лигата на шампионите. „Најпрво сакам да му честитам на Илиќ за одличната работа во Веспрем и мило ми е што соработувавме заедно. Сакам да им честитам и на моите ракометари, откако сум тука тие работат навистина напорно. Се обидовме да се подготвиме за овој меч колку што е можно подобро, но одигравме добро само во првите 15 минути. Но, невозможно е за два месеци да дојдете до ниво за играње на вакви натпревари. Треба уште многу да работиме. За реваншот ќе се подготвиме максимално сериозно, иако можеби изгледа невозможно, но додека има математика ние ќе се надеваме. Им благодарам на сите кои дојдоа вечерва да ни дадат поддршка“, вели Дејвис.

Дејвис: Среќен сум за победата, зад нас се тешки 15 дена

Бошко Тасиќ — Wed, 23 Feb 2022 22:00:45 +0000

На прес-конференцијата по натпреварот своето задоволство го изнесе тренерот на ракометниот шампион Давид Дејвис Камара. „Среќен сум за победата. Натпреварот беше многу тежок. Исто така играчите беа многу нервозни и мислам дека дуелот не беше многу убав за гледање, ама победа е победа. За Загреб мислам беше сега или никогаш, но не победија. Ова е втора победа во ЛШ и задоволен сум. Имаме малку одмор по овој тежок февруари, имавме само два дена да се подготвиме за Загреб, но добро е што победивме. Сега имаме помирен распоред, во системот ќе влезат Додиќ и Крстевски, па ќе биде подобро. Многу тешки 15 дена се зад нас во кои игравме ист ракомет поради недостатокот на време, ама добро е што победивме“, изјави Дејвис.

Повратникот Дејвис назначен за нов тренер на Вардар 1961

Ивона Петрова — Sat, 25 Dec 2021 12:55:45 +0000

По пауза од повеќе од три години, шпанскиот стратег Давид Дејвис Камара се врати во редовите на Вардар 1961 за да го предводи во пролетниот дел од сезоната македонскиот ракометен првак во одбрана на домашната титула и настапите во Лигата на шампиони. – Дејвис ќе остане во Вардар до крајот на сезонава по што управата и тренерот ќе разговараат за продолжување на соработката, соопшти денеска актуелниот македонски шампиони. Четириесетипетгодишниот Дејвис во периодот од 2014 до 2018 година беше дел од Вардар и заедно со Раул Гонзалес на клупата ја освоија првата европска шампионска титула за „црвено – црните“. Работеше и како дел од женскиот тим на Вардар, по што беше помошник во репрезентацијата на Русија, селектор на Египет, а последниот ангажман му беше како тренер на Веспрем. – Задоволен сум што брзо го решивме прашањето на тренер. Имавме многу понудени опции и повеќе познати тренери и им благодарам на сите кои изразија желба да бидат дел од Вардар. Се решивме за Давид Дејвис поради фактот што тој веќе претходно беше во Скопје како дел од Вардар, познава дел од играчите и работел со нив, нема јазична бариера, бидејќи зборува и македонски и претходно работел во систем и со систем кој донел одлични резултати. Покрај работата со првиот тим, Дејвис ќе биде задолжен и за координација со младите селекции на Вардар. Со ангажирањето на Дејвис нашите цели за сезонава остануваат исти, изјави претседателот на Вардар 1961 Михајло Михајловски. Вардар 1961 подготовките за пролетниот дел од сезоната ќе ги почне на 10 јануари, а веќе во февруари „црвено – црните“ ги продолжуваат натпреварите во домашното првенство и Лигата на шампионите, како и дуелите од СЕХА лигата.