Давид Луис – Kurir.mk

Арсенал неколку недели без Давид Луис, ова е причината

Ивана Ефремовски — Sun, 04 Apr 2021 18:10:17 +0000

Фудбалерот на премиерлигашот Арсенал, Давид Луис, ќе отсуствува од тимот следните неколку недели, откако на бразилскиот интернационалец денеска му беше извршена полесна операција на десното колено, соопшти лондонскиот клуб. Луис поради проблеми со коленото го пропушти вчерашниот натпревар против Ливерпул и поразот од 3:0 од актуелниот англиски првак. -Процедурата беше успешно извршена и Давид закрепнува во домашни услови. За неколку денови ќе се врати во тренинг центарот каде ќе ја извршува рехабилитацијата под надзор на клупските лекари, јави телевизијата „Скај“. (МИА)

Луис се согласи на сериозно намалување на платата во Арсенал

Дарко Андоновски — Sun, 28 Jun 2020 12:56:55 +0000

Бразилскиот дефанзивец на Арсенал, Давид Луис, се согласил на значително помала плата со цел да потпише нов договор со „топџиите“, јавува „Телеграф“ на своите страници. Поранешниот играч на Челси и ПСЖ го продолжи договорот, иако беше остро критикуван за неговиот настап во дербито со Манчестер Сити. Сепак, финансиската криза што ги зафати екипите поради пандемијата Ковид-19 ги принуди да донесат некои необични одлуки и сериозно да ги ограничат износите што ќе бидат потрошени во следниот трансфер прозорец. „Телеграф“ објави и дека намалувањето на платата на Луис довело до можноста „топџиите“ да понудат нови договори на Седрик Соарес и Пабло Мари.

Официјално: Луис е „топџија“

Катерина Бојаџиева — Thu, 08 Aug 2019 20:17:12 +0000

Арсенал и официјално го објави на клупскиот сајт трансферот на поранешниот дефанзивец на Челзи, Давид Луис. Дефанзивецот потпиша 2-годишен договор со клубот од Северен Лондон. Трансферот беше објавен по официјалниот крај на трансфер-прозорецот, кој заврши во 18 часот по македонско време. Сепак, двата клуба веќе го завршиле делот околу документацијата и го финализираа договорот. Тренерот на Арсенал, Унаи Емери, кој веќе соработуваше со Луис во Пари Сен Жермен, ги сподели своите очекувања по трансферот. – Давид има огромно искуство и јас со нетрпение очекувам повторно да работам со него. Тој е добро познат играч кој додава стабилност на нашата одбрана, рече Емери.

Луис останува во Челзи до 2021 година

Дарко Андоновски — Fri, 10 May 2019 19:09:01 +0000

Давид Луис потпиша нов договор со Челзи кој ќе го задржи на „Стемфорд Бриџ“ до летото 2021 година. Во оваа сезона, бразилскиот фудбалер учествуваше во 48 натпревари во кои постигна три гола. – Многу сум среќен што сум тука и ја имам оваа можност да го продолжам договорот и да останам во Челзи. Го сакам овој клуб. Сè уште имам амбиција на млад фудбалер. Многу ми е што се квалификувавме за ново европско финале. Сè уште имаме можност и да завршиме на третото место во Премиер лигата. Ќе продолжам да се обидувам да давам се од себе за тимот и да помогнам со она што можам, изјави дефанзивецот. Директорката на Челзи, Марина Греновскаја изјави дека од клубот се среќни што Луис останува на „Стемфорд Бриџ“. – Тој е совршен пример за сите околу вас. Има огромно влијание на теренот и пошироко. Ние сме пред финалето на Лигата на Европа и се надеваме дека ќе ја завршиме сезоната на третото место во Премиер лигата. Давид има голема заслуга за сите овие успеси, рече Русинката. Давид Луис има 246 натпревари со дресот на Челзи, во кои постигна 18 гола.

Луис: Челзи не е задоволен од Топ 4, ја сакаме титулата

Ивона Петрова — Sat, 22 Dec 2018 10:51:07 +0000

Централниот дефанзивец на Челзи, Давид Луис е категоричен дека тој и неговите соиграчи нема да бидат задоволни со пласман во првите четири во Премиер лигата оваа година. Бразилецот тврди дека „сините“ се заинтересирани единствено за освојување на титулата. Денес тимот од Лондон го пречекуваат Лестер во својот дуел од 18-тото коло, кој стартува во 16 часот по македонско време. Пред неговото одигрување, Челзи се наоѓа на 11 поени зад лидерот Ливерпул, кој вчера го отвори кругот со победа од 2-0 над Вулверхемптон. – Сите знаат колку е тешко ова првенство, ние мора да одиме чекор по чекор. Се разбира, тренерот се обидува да ги направи потребните пресметки и ни даде насока за следење. Се обидуваме да освоиме што е можно повеќе поени. Ние не се бориме само за топ 4, рече 31-годишниот Луис. На прашањето дали е можно Маурицио Сари да ја освои титулата во првата сезона, тој одговори потврдно. – Да, мислам така, иако со одредена воздржаност. Ние цврсто стоиме на земја, одиме чекор по чекор. Се разбира, изгубивме некои бодови и можеше сега да сме во подобра позиција, но сите знаат како стојат работите во оваа лига и како секој може да победи секого. Ова не е моја прва сезона тука, па знам дека сè е можно, заклучи Луис. МИА

Луис: Челзи не е задоволен од топ 4, ја сакаме титулата

Дарко Андоновски — Sat, 22 Dec 2018 08:55:54 +0000

Давид Луис: Меси е најдобар

Ивона Петрова — Thu, 06 Sep 2018 11:51:37 +0000

Бразилецот во Атлетико Мадрид, Давид Луис, изјави дека Лионел Меси е без конкуренција најдобар фудбалер на светот. Изјавата на Луис доаѓа по номинацијата на ФИФА на тројцата претенденти за „Златната топка“. По 11 години Меси нема да биде меѓу тројцата кандидати за фудбалер на годината. - За таа наградата треба да конкурираат најдобрите на светот. За мене тоа е Меси. И сега и годините наназад тој е на врвот. Во тој момент кога Меси нема да ја освои наградата за најдобар играч, таа го куби кредибилитетот, изјави Луис. Оваа година за најдобар планетарен играч Светската фудбалска асоцијација во најтесен круг ги смести Лука Модриќ, Мохамед Салах и Кристијано Роналдо. Изминатата деценија наградите ги освојуваа Роналдо и Меси. МИА