Давид Луиз – Kurir.mk

Давид Луиз потпиша за Фламенго

Бошко Тасиќ — Sun, 12 Sep 2021 07:50:57 +0000

Искусниот бразилски фудбалер, Давид Луиз, кариерата ќе ја продолжи во Фламенго, и таму ќе го носи дресот со бројот 23. Луиз со клубот од Рио де Жанеиро потпиша едногодишен договор. Давид Луиз минатата сезона играше за лондонски Арсенал, и на 20 меча во Премиерлигата даде еден гол. Откако му истече договорот со Топчиите на 30-ти јуни, тој се обидуваше да си најде клуб во Европа, но не успеа, и одлучи да ја прифати понудата од Фламенго.

По црвениот картон за Давид Луиз, Арсенал ќе поднесе жалба

Магдалена Андонова — Wed, 03 Feb 2021 15:46:31 +0000

Арсенал ќе поднесе жалба за црвениот картон на дефанзивецот Давид Луиз на вчерашниот меч од 22. коло во Англија против Вулверхемптон (1:2). Според „Гол“, во таборот на „топџиите“ се уверени дека фудбалерот се обидел да избегне контакт со напаѓачот на „волците“, Вилијан Хозе, во неговиот шеснаесетник во 45+3. минута од средбата. Забележано е дека лондонскиот клуб ја анализирал ситуацијата неколку пати и е пред поднесување протест, бидејќи не верува дека Луиз ги прекршил правилата. После натпреварот против Вулверхемптон на 2 февруари, главниот тренер на Арсенал, Микел Артета, рече дека ја гледал снимката 10 пати и не видел повреда на правилата од страна на неговиот дефанзивец. (МИА)

Луиз можеби ќе го пропушти почетокот на сезоната во Англија

Магдалена Андонова — Fri, 11 Sep 2020 19:05:06 +0000

Дефанзивецот на Арсенал, Давид Луиз, може да биде надвор од фудбалските терени околу еден месец, информира „Телеграф“. Според изворот, 33-годишниот Бразилец се здобил со повреда на вратот, поради што ќе го пропушти почетокот на сезоната 2020/21 во Премиер лигата. Луиз се пресели во Арсенал летото 2019 година. Дефанзивецот помина 44 натпревари за тимот, постигна два гола и една асистенција. (MИА)

Давид Луиз може да ја продолжи кариерата во Франција

Магдалена Андонова — Tue, 18 Aug 2020 10:35:14 +0000

Францускиот прволигаш Рен е заинтересиран за дефанзивецот на лондонскиот Арсенал, Давид Луиз, пренесува „РМЦ Спорт“. Триесет и тригодишниот Бразилец не му пречи да се пресели во Франција, бидејќи Рен следната сезона ќе игра во Лигата на шампионите. Во исто време, тренерот на Арсенал, Микел Артета веќе даде зелено светло да го продаде дефанзивецот. Луиз се пресели во Арсенал од Челзи летото 2019 година, потпишувајќи едногодишен договор, кој го обнови ова лето за уште една година. Минатата сезона фудбалерот одигра 33 натпревари за Арсенал, постигна два гола и направи една асистенција. (МИА)

Давид Луиз со нов неславен рекорд

Тале Кристо — Tue, 28 Jul 2020 06:17:53 +0000

Фудбалерот на Арсенал, Давид Луиз не се прослави во натпреварот против Ватфорд. Тој во победата на Топџиите (3:2) беше виновникот за пеналот и тоа му беше петти пенал во текот на сезоната. Со вкупно пет направени прекршоци за најстрога казна, Луиз стана рекордер во ПЛ. За споредба, како член на Челси направил три пенали на 160 натпревари, а во дресот на Арсенал веќе пет на 33 натпревари оваа сезона.

5 - David Luiz has given away five penalties in the Premier League this season, the most any player has ever conceded in a single campaign in the competition. Calamity. pic.twitter.com/GWFhbNOjxe
— OptaJoe (@OptaJoe) July 26, 2020

Луис по победата над Сити: Работев напорно секој ден по секоја грешка

Тале Кристо — Sun, 19 Jul 2020 09:12:35 +0000

Фудбалерите на Арсенал изненадувачки го совладаа Манчестер Сити со резултат 2:0 во полуфиналето на ФА Купот. Во претходниот натпревар од Премиер лигата, лондонскиот тим го совлада и шампионот, екипата на Ливерпул. Еден од најдобрите играчи во тимот на Микел Артета беше Давид Луиз, искусен дефанзивец, кој со месеци беше критикуван за неговата лоша форма. – Работев напорно секој ден по секоја грешка. Бев скромен и смирен, работев уште посилно и работев за тимот, истакна Луис. Поранешниот играч на Челси, исто така, истакна дека тимскиот дух на Арсенал е извонреден. – Го заслуживме тоа, целиот тим се бранеше, не само последната линија. Секој треба да се бори за секоја топка, посочи Бразилецот. Тој исто така изјави дека Сити е „милји далеку од Арсенал“. – Одличен резултат против една од најдобрите екипи во светот. Бевме скромни, го разбиравме начинот на кој треба да играме и ги искористивме своите противници. Треба да бидеме зрели и да бидеме свесни во која фаза од процесот се наоѓаме. Имаме неверојатен менаџер, Микел Артета, но не можеме да скокнеме од 0 на 100. Ние напредуваме, истакна Луис.

Луиз ќе го обнови договорот со Арсенал

Магдалена Андонова — Wed, 24 Jun 2020 09:21:31 +0000

Дефанзивецот на Арсенал, Давид Луиз, ќе го продолжи договорот со клубот, објавија британски медиуми. Според „talkSPORT“ 33-годишниот Бразилец ќе потпише нов договор за период од една година. Претходно во медиумите имаше информации дека играчот ова лето може да ги напушти „топџиите“ како слободен агент. Во сезоната 2019/20, Луиз одигра 33 натпревари за Арсенал, има два гола и една асистенција. (МИА)

Артета: Задоволен сум од Луиз и сакам тој да остане со нас

Тале Кристо — Wed, 17 Jun 2020 12:53:37 +0000

Тренерот на Арсенал, Микел Артета, зборуваше за неговата желба да го задржи во тимот дефанзивецот Давид Луиз. Претходно беше објавено дека договорот на 33-годишниот Бразилец истекува на 30 јуни и не се водат преговори за продолжување на соработката. – Јас сум навистина задоволен од Давид и сакам тој да остане со нас. Тој беше пример за поддршка на моите замисли кога дојдов во клубот, изјави Артета. Оваа сезона, Луиз има одиграно 32 натпревари на сите натпреварувања, во кои постигна два гола и направи една асистенција.

Давид Луиз заминува од Челзи

Ивона Петрова — Tue, 25 Dec 2018 08:45:42 +0000

Дефанзивецот на Челзи, Давид Луиз, ќе го напушти тимот идното лето, објавија англиските медиуми. Причината за заминување на Луиз е политиката на клубот да не потпишува договори подолги од една година со играчи кои наполниле 30 години. Главниот тренер на Челзи, Маурицио Сурри, се обиде да го убеди клубот да ја промени стратегијата и да го задржи Луиз, но менаџментот не се согласи. Оваа сезона, Луиз одигра 21 натпревар за „сините“ од Лондон и постигна еден гол. МИА