Де Хеа – Kurir.mk

Јунајтед го зема Шмајхел за заменик на Де Хеа

Магдалена Андонова — Sun, 02 Aug 2020 14:01:24 +0000

Манчестер јунајтед размислува да го привлече голманот на Лестер, Каспер Шмајхел. Синот на легендата на „црвените ѓаволи“ Питер Шмајхел е на списокот на клубот за да го реши проблемот на голманската позиција. Според раководството, голамнот на „лисиците“ ќе биде најпрофитабилната опција. На „Олд Трафорд“ се загрижени за настапот на Давид Де Хеа. Шпанецот направи серија необични грешки оваа сезона, а неговата игра не беше блескава последната кампања. Младинецот на клубот, Дин Хендерсон, ќе се врати во Манчестер Јунајтед по многу успешниот престој во Шефилд Јунајтед. Сепак, Оле Гунар Солскјер не е подготвен да се обложи на него како постојан стартер. Не е јасно дали голманот ќе остане, бидејќи сака гаранции дека ќе игра. Евентуалниот трансфер на Шмајхел ќе понуди готово решение за проблемот, а на 23-годишниот Хендерсон не му биде дозволено да го продолжи својот развој на друго место. (МИА)

Де Хеа се изедначи со Шмајхел

Тале Кристо — Fri, 17 Jul 2020 06:52:44 +0000

Голманот на Манчестер Јунајтед, Давид де Хеа, не дозволи гол во неговата мрежа во успехот на „црвените ѓаволи“ над Кристал Палас со 2:0 во натпревар од Премиер лигата. Така, по 112-ти пат Шпанецот не дозволи гол на натпревари во Премиер лигата. На овој начин тој изедначи уште еден легендарен голман на тимот – Питер Шмајхел. Сепак, Данецот го оствари ова достигнување по 252 натпревари, а Де Хеа по 311. Трет по овој интересен пласман е Едвин ван дер Сар, кој има 90 чисти мрежи од 186, Фабијан Бартез е на 4-то место со 30 од 92, а на петтото место е Рој Керол со 24 од 49.

Де Хеа го надмина Роналдо: По четврти пат избран за најдобар играч на Јунајтед

Ивона Петрова — Wed, 02 May 2018 07:44:10 +0000

Голманот на Манчестер Јунајтед, Давид Де Хеа беше избран за најдобар играч во клубот за оваа сезона. Шпанецот ја доби наградата, именувана по легендата Мет Басби, за рекорден четврти пат. Тој го надмина по овој показател Кристијано Роналдо, со кого досега имаа по три награди. Победникот е определен во анкетата меѓу навивачите на тимот. Тие повторно ги ценеа брилијантните одбрани на Де Хеа за време на сезоната, што доведе до многу вредни поени за „црвените ѓаволи“. Шпанецот доби повеќе гласови од Ромелу Лукаку, Немања Матиќ, Џеси Линггард и Ешли Јанг, кои останаа зад него во рангирањето. - Тешко е да кажам што значи Манчестер Јунајтед за мене. Неверојатно е да се носи дресот на овој клуб поради неговите фанови и поради неговата голема историја. На почетокот беше тешко, но јас верував во себе и продолжив напорно да работам. Сакам да им се заблагодарам на сите. Јас не очекував да освојам ниту една награда, а сега имам четири. Ви благодариме за сè, рече Де Хеа при примање на наградата.