деа – Kurir.mk

САД: Годинава запленета количина фентанил доволна да ги убие сите Американци

Ивона Петрова — Wed, 21 Dec 2022 14:46:17 +0000

Количината запленета фентанил во 2022 година е доволна за да ги убие сите граѓани на САД, соопшти денеска американската Администрација за борба против дрогата (ДЕА). Фентанил е смртоносна дрога која е 50 пати посилна од хероинот, а смртоносната доза за човек може да се стави на врвот на молив, јави Би-Би-Си. Во 2022 година, ДЕА заплени повеќе од 4.500 кг фентанил и 50,6 милиони апчиња фентанил погрешно претставени од препродавачите како лекови против болки, што двојно повеќе отколку во 2021 година. Најголемото количество од оваа дрога пристигнува во САД од Мексико, каде што се произведува во тајни фабрики од нарко картелите Синалоа и Халиско, користејќи хемикалии од Кина, а главен приоритет на ДЕА е да ги уништи овие два наркокартела, соопшти ДЕА. Повеќе од 100.000 Американци починаа од последици на дрога во 2021 година, а фентанилот беше одговорен за две третини од овие смртни случаи.

ДЕА предупредува на растечки тренд смртни случаи од предозирање со фентанил во САД

Магдалена Андонова — Thu, 07 Apr 2022 07:39:10 +0000

Американската Администрација за борба против трговијата со дроги (ДЕА) предупреди на нагло зголемување на бројот случаи на масовно предозирање со дроги збогатени со фентанил. Фентанилот е синтетички опијат и се злоупотребува како додаток на посточките дроги како што е кокаинот. Во извештајот ДЕА посочува дека од јануари оваа година се регистрирани седум инциденти на предозирање со фентанил со смртен исход. „Само во последнитедва месеци има седум смртни случаи, а статстиката покажува дека има 58 случаи на предозирање и 29 смртни случаи“, се наведува во соопштението на Агенцијата. Во документот се опишува случај од 28 јануари кога десет лица земале кокаин со фентанил. За дури деветмина од нив тоа била фатална доза. На 4 март во засолниште за бездомници во Остин, Тексас, се предозирале 21 лице. Тројца починале како последица на предозирање со кокаин и метамфетамин, вклучително и фентанил. Други слични случаи на предозирање се пријавени во Јужна Флорида, Колорадо, Небраска и Мисури, што се заедно укажува на големината на проблемот. Фентанилот кој предизвикува голема зависност може да се набави по илегални канали во сите 50 американски сојузни држави. Дилерите на дрога сè почесто го мешаат со дрога, во обид да ја зголемат зависноста и обезбедат редовни клиенти. Агенцијата, исто така, укажува и на случаи трговците со луѓе ставале фентанил во фалсификувани лекарства што се издаваат на рецепт како „OxyContin“, „Percocet“ и „Vicodin“, а често се користат од зависниците од дроги. Фентанил, кој е евтин за производство и смртоносен дури и во мали количини, е причина за две третини од 105-те илјади смртни случаи последица на предозирање во САД регистрирани во првите 10 месеци од 2021 година. (МИА)

ДЕА ја поддржува борбата со нарко трговијата

Ивона Петрова — Tue, 13 Apr 2021 10:42:24 +0000

Продолжуваме со поддршката за Северна Македонија во детектирање, спречување и ликвидација на организациите кои се се занимаваат со тргување со дрога, изјавија синоќа за МИА од Американската служба за борба против дрога (ДЕА). ДЕА потрвди дека службеници на агенцијата се вклучени во истрагата на МВР и Основното јавно обвинителство за гонење организиран криминал и корупција околу заплената на 200 килограми марихуана во петокот од страна на полицијата. Пазарната вредност на запленетото наркотично средство на црниот пазар е речиси еден милион долари. Од ДЕА не сакаа да коментираат за текот на истрагата и осомничените лица вклучени во организацијата на неовластено производство и пуштање во промет наркотични дроги. Полициската акција беше изведена во петокот попладне кога на патот Прилеп – Росоман, полициските тимови го пресретнале автомобилот„Ауди А8“, во кој биле висок полициски функционер од Прилеп, и уште едно лице. Веднаш потоа е запрено патничко возило „Дачија дастер“, во кое се превезувале уште две лица, а зад нив и товарно возило „комбе“, во кое се наоѓала марихуаната спакувана во 40 картонски кутии во кои имало 400 полиетиленски пакувања. ДЕА е служба во рамките на американското Министерство за правда.

ВМРО-ДПМНЕ: Спасовски молчи за акцијата на ДЕА, уапсен шоферот на Трајче Заев, а Трајче Заев избегал во Дубаи

Ивона Петрова — Sun, 11 Apr 2021 07:20:28 +0000

ВМРО-ДПМНЕ вели дека кланот Заеви прерасна во картел Заеви и тоа го потврди МВР. -После цел ден молк, МВР на Спасовски призна дека во текот на акција за спречување на шверц на дрога предводена од американската ДЕА, уапсен бил личниот шофер на Трајче Заев, братучедот на Зоран Заев. Личниот шофер на Заеви Александар Ушилковски, заедно со командирот на прилепската полиција Кире Спиркоски - Чипсио, директно поставен од Оливер Спасовски, го предводеле транспортот на нарко пратката во белото комбе со грчки таблици. Во комбето имало марихуана, омилениот бизнис на Заеви, во вредност од 800 илјади евра. Пратката со марихуана тргнала од Фирмата Медика 420 од Битола. Патем оваа фирма се поврзува директно со фамилијата Заеви. Братучедите на Зоран Заев, Трајче и Вице, се вели во соопштението на партијата. Оттука логично се поставува прашањето дали и кога братучедите на Заеви ќе бидат испитани за овој нарко криминал кој го прекина американската ДЕА? Од ВМРО-ДПМНЕ велат дека исто така треба да одговорат дали Трајче Заев, братучедот на Зоран Заев е во Македонија или избегал во Дубаи? -Криминалот на власта излегува на виделина. Ништо веќе не може да го сокрие сојузот на власта и криминалот, стои во партиското соопштение.

ВИДЕО: Детали од МВР за акцијата во која запленета е дрога вредна над 800.000 евра, ова се уапсените

Ивона Петрова — Sat, 10 Apr 2021 13:10:51 +0000

Денеска ОВР Кавадарци до Основно јавно обвинителство за гонење на организиран криминал и корупција Скопје поднесе кривична пријава за организирана криминална група, и тоа против Д.Ј.(35) од Струмица, А.У.(45) од Скопје. М.З.(29) од Куманово, М.С.(36) од Битола, К.С.(46) од Прилеп, Г.К.(25) од Скопје, поради постоење основи на сомневање дека го сториле кривичното дело „неовластено производство и пуштање во промет наркотични дроги, психотропни супстанции и прекурсори”, предвидено и казниво по чл. 215 ст.3 од Кривичниот законик . -Имено, Одделот за криминалистичка полиција – Сектор за недозволена трговија со дрога оружје и опасни материи, во соработка со Одделот за спречување на организиран и сериозен криминал и Специјалната антитерористичка единица „Тигар“, со поддршка на Американската служба за борба против дрога - ДЕА спроведоа повеќемесечна истрага, во координација и по насоки на Јавен обвинител од ОЈОГОКК, а во текот на вчерашниот ден беше реализирана заеднички координирана акција, при што на патниот правец Прилеп – Росоман, во близина на с.Раец биле запрени патничко возило „ауди А8“, со скопски регистарски ознаки, во кое биле пријавените К.С. и М.З.. Веднаш потоа е запрено патничко возило „дачија дастер“, со скопски регистраски ознаки, управувано од А.У, каде како сопатник бил Г.К., а зад нив и товарно возило „комбе“, во кое се наоѓала поголема количина дрога, спакувана во 40 картонски кутии во кои имало 400 полиетиленски пакувања со дрога. Лицата се лишени од слобода и од извршеното вештачење на пронајдената дрога е утврдено дека станува збор за марихуана во вкупна количина од околу 200 килограми, информира МВР. Во Прилеп, во исто време, е лишен од слобода и М.С., кој управувал товарно возило „ивеко“, со битолски регистарски ознаки, додека во Гевгелија, на бензинска пумпа, бил лишен и организаторот на криминалната група Д.Ј., кој управувал патничко возило „опел астра“, со скопски регистарски ознаки. -При извршен претрес кај А.У. во стан во Скопје пронајдено е поголемо количество оружје, муниција, гранати, барут и делови за оружје, за што ќе му биде поднесена и кривична пријава за кривично дело по член 396 од Кривичниот законик, а при претрес извршен во стан во Битола, кај него се пронајдени 13.600 евра и 50 илјади денари, колекција луксузни часовници, како и документација за фабрики за производство на марихуана во медицински цели. При претрес кај М.З. во Куманово, пронајдени се два пиштола и куршуми, а поголема количина парични средства се пронајдени и при претрес кај К.С. во Прилеп, полициски службеник. При претресот кај Д.Ј. од Струмица пронајдени и одземени се мобилни телефони и сим картички, парични средства,а при негов личен претрес е пронајдена марихуана. Претрес бил извршен и кај М.С. во Битола, при што биле пронајдени парични средства и обоени банкноти од евра кои потекнуваат од кражба на банкомат, посочуваат од МВР. По наредба на Јавен обвинител и добиена наредба од Судија на претходна постапка во соработка со Комисијата за оценување на исполнетост на условите и контрола за производство на медицински канабис при Министерството за здравство, во текот на ноќта е извршена контрола и во две фабрики за производство на медицински канабис во Прилеп и во Битола, со кои соработувал А.У.. Сите шест лица се лишени од слобода и денеска ќе бидат изведени пред Судија на претходна постапка од Основен кривичен суд, а продолжува интензивна истрага со цел идентификување на други инволвирани лица во неовластена набавка, држење, пренесување и продажба на наркотична дрога. Министерството за внатрешни работи продолжува со бескомпромисната борба со криминалот, велат од МВР.

Во акцијата на ДЕА уапсени началникот на полицијата од Прилеп и возачот на Трајче Заев, братучедот на Зоран Заев

Катерина Бојаџиева — Fri, 09 Apr 2021 20:26:59 +0000

Во акција на Американската агенција за борба против наркотици – ДЕА, запленета е марихуана во вредност од 800.000 еура, а притоа уапсени се и началникот на полицијата од Прилеп, Кире Чипсио (СДС) и Александар, возачот на Трајче Заев, братучедот на Зоран Заев. Ова на Фејсбук го напиша Александар Пандов, коментирајќи за полициската акција предводена од Американската агенција за борба против наркотици- ДЕА, во која е запленета дрога во вредност од над 800.000 евра. -МВР е информирано на неколку минути пред апсењето поради страв од повторно пробивање на акцијата!!!, додава Пандов.

Голема полициcкa aкциja на МВР и ДEA: 3aпленета дpoга во вpeдност од 800 илјади евра, yaпceн командирот на ПС Прилеп и началник при БЈБ

Тале Кристо — Fri, 09 Apr 2021 15:28:49 +0000

Во заедничка полициска акција на МВР и американската ДЕА запленета е дрога во вредност од 800 илијади евра, а во акцијата уапсени се командирот на ПС Прилеп К.С, како и началник на организиран криминал при БЈБ, дознава Курир од извори во МВР. За акцијата претходно на социјалната мрежа на Фејсбук објави и министерот за внатрешни работи Оливер Спасовски. -Во голема полициска акција заедно со Американската агенција за борба против наркотици - ДЕА запленета е дрога во вредност од над 800.000 евра, приведен е висок полициски службеник. Продолжуваме заедно со нашите стратешки партнери во неселективна борба против криминалот, пишува во својата објава Спасовски.

Насмеана и расположена: Водителката Деа видена пред болница, еден детаљ сите ги остави без зборови

Дарко Андоновски — Tue, 26 Mar 2019 10:58:58 +0000

Водителката Деа Ѓурѓрвиќ утрово од Воената медицинска академија беше префрлена во Клиничкиот болнички центар на оделението за ортопедија. Како што пишува „Блиц“ водителката била видно расположена и насмеана. Таа со медицинско возило и во придружба на медицински лица, како и нејзината мајка и вереник таа била префрлерна на Институтот за ортопедска хирургија и трауматологија на Клиничкиот центар. Со насмевка на лицето Деа беше донесена во Институтот, а мајка и била веднаш зад нејзе. Храбрата водителка цело време беше расположена, а со насмевката потврди дека е добра. Водителката цел месец и пол беѓе сместена на оделот за интензивна нега на Воената медицинка академија, а утрово во возило на Брзата помош беше префрлена на оделот на кој се наоѓа доктор Марко Бумбаширевиќ кој што и ја спаси раката на познатата водителка.

Во САД од наркотици дневно умираат околу 200 лица

Ивона Петрова — Fri, 02 Nov 2018 15:21:45 +0000

Од предозирање со наркотици дневно умираат околу 200 луѓе во САД, се наведува во извештајот на американската Управа за сузбивање на дрога (ДЕА). Според податоци на ДЕА во текот на 2017 година од предозирање со опијати починале вкупно 72.000 луѓе. Во извештајот се посочува дека е забележана голема застапеност на метамфетамини и кокаин во местата каде претходно не биле употребувани. Според ДЕА загрижувачка е и злоупотребата на легализација на марихуана, бидејќи канабисот се превезува во подрачја каде таа не е легализирана. Во јужниот дел на САД забележан е пораст на лица предозирани со хероин за 22 проценти во текот на 2015 и 2016 година, додака во североисточниот дел на земјата забележан е раст од 25 отсто. Според агентите на ДЕА, американскиот пазар е преплавен од фентанилин и слични синтетички опијати, кои се поевтини и многу посилни од хероинот. Фентанил и другите синтетички дроги, според ДЕА, потекнуваат од Кина. МИА