дебар маало – Kurir.mk

ФОТО: Удрена девојка на пешачки премин во Дебар маало

Дарко Андоновски — Thu, 17 Mar 2022 10:08:28 +0000

Утрово малку по 8,30 часот на крстосувањето меѓу улиците „Рузвелтова“ и „Орце Николов“ во скопско Дебар маало на пешачки премин е соборена девојка, велат очевидци за Нетпрес. Од приложените фотографии може да се види како граѓани укажуваат помош на лице кое е на асфалтот пред запрени возила. Засеге нема информации за поединостите од инцидентот во строгото градско подрачје, а од МВР информираат дека подоцна ќе излезат со детали за настанот.

ПОЖАР ИЗБУВНА СРЕДЕ БЕЛ ДЕН ВО ДЕБАР МААЛО: Се запалија контејнери, црн чад го надви Центарот на Скопје (ФОТО+ВИДЕО)

Магдалена Андонова — Sun, 13 Mar 2022 12:52:28 +0000

Избегната трагедија во скопско Дебар маало каде по третпат се палат контејнери. Овојпат палењето се случило среде бел ден, а прво пристигнала полицијата, а потоа и противпожарните возила. Пожарот беснеел околу 15-на минути, во близина на кружниот тек. На кратко растојание од контејнерите имало и возило кое било зафатено, но било спечено да се случи катастрофа и истото да експлодира. Дополнително во близина на пожарот има и неколку згради, како и детско игралиште. Во пожарот изгореле целосно четири контејнери, од кои едниот за рециклирање пластика.

Улица во Дебар Маало со месеци не исчистена (ФОТО)

Тале Кристо — Mon, 21 Feb 2022 14:47:40 +0000

И покрај уригирњето кај надлежните, а и кај самиот градоначалник Горан Герсимовски, Општина Центар се уште не ги исчила улиците во Дебар Маало. Како што велат револтирани граѓани, кои што живеат во овој дел на општина Центар, иако уште во месец декември било побарано од општината истите да ги исчисти, и по два месеци од тоа нема ништо. -Крајно непримерено е, ама од декември молам за да се исчисти, па да Ве известам доколку истото не е направено неделава сликиве ќе ги испратам по сите медиуми. Искрено, немам никаква намера да живеам во кал, прашина и „ризли“, реагира револтиран граѓанин. Како што вели тој, од страна на надлежните бил убедуван дека улиците се исчистени иако живее на самата улица. -Најпрво, бев убедуван дека е чисто (со „одговорно тврдење“) иако живеам на улицава. Потоа бев замолен да сликам, затоа што сум правел проблем од ништо и, претпоставувам, затоа што некој можеби и мисли дека од хоби пишувам мејлови со молби до општина да зачисти каде што чистење е потребно. По небулозата со сликањето, ми беше речено дека се „само ризли“, што тоа и да значи. Не е исчистено, не е ни почнато. Претпоставувам ќе излезе дека некој за нешто не е одговорен, вели тој. Во продолжение фотографии кои што пристигнаа до нашата редакција:

Дел од скопско Дебар Маало без вода

Тале Кристо — Tue, 30 Nov 2021 11:33:23 +0000

Без вода денеска од 12:05 часот се корисниците од улицата „Орце Николов“ на потегот помеѓу „Ѓорѓи Пулевски“ и „Рузвелтова“ во Дебар Маало во Општина Центар. Како што соопшти Регионалниот центар за управување со кризи – Скопје, прекинот е поради санирање на уличен дефект од Ф-100 милиметри на улица „Орце Николов“ бб, спроти ПУИГ. Корисниците ќе бидат без вода се до санирање на дефектот.

Дел од Дебар Маало утре ќе остане без вода

Ивана Ефремовски — Wed, 27 Oct 2021 11:24:57 +0000

Без вода утре од 9 часот ќе бидат корисниците од раскрсницата „Орце Николов“, на потегот од улиците „Ѓорѓи Пулевски“ до „Костурски Херои“, дел од улиците „Дане Крапчев“ и „Дебарца“, како и цела „Славка Недиќ“ во скопско Дебар Маало. Од ЈП „Водовод и канализација“ – Скопје информираат дека причината за прекинот е промена на водоводен затворач Ф80 милиметри на раскрсницата на „Орце Николов“ со „Дане Крапчев“. Водоснабдувањето ќе биде прекинато до завршување на работите.

ХАОС ВО ДЕБАР МААЛО: „Тигрите“ влегле во локал и лишеле од слобода двајца скопјани, уапсени и останати четири лица

Дарко Андоновски — Sat, 17 Jul 2021 10:27:15 +0000

Полициски службеници од Одделот за криминалистичка полиција и САЕ „Тигар“ синоќа околу 23:30 часот при преземени заеднички мерки и активности на подрачјето на Дебар Маало, пред угостителски објект ги лишиле од слобода Г.П.(34), Н.С.(35), двајцата од Скопје, бидејќи при преглед извршен кај нив биле пронајдени и одземени две ќеси со кокаин, наменет за продажба. На ул.„Боемска“, информираа денеска од МВР, бил лишен од слобода и С.Г.(25) од Скопје, кој управувал патничко возило „ауди“, со скопски регистарски ознаки, затоа што при преглед и кај него е пронајден кокаин, а поради управување на возило под дејство на алкохол и наркотични супстанци, тој бил исклучен од сообраќај и изречена му е соодветна санкција. – На истата улица се лишени од слобода и А.А.(24), Б.И.(20) и О.А.(23), сите од Скопје, кои се превезувале со патничко возило „БМВ“, со скопски регистарски ознаки, бидејќи при преглед биле пронајдени нож и дрвена палка. И кај нив биле констатирани сообраќајни прекршоци, кои биле соодветно санкционирани. Лицата се приведени и предадени на Полициска станица Центар и по документирање на случаите против нив ќе бидат поднесени соодветни поднесоци, се појаснува во соопштението од МВР.

Разиграни жени по масите му пркосеа на вирусот: Кафеаните за 8-ми март преполни, музиката ечеше најгласно што може (ВИДЕО)

Дарко Андоновски — Tue, 09 Mar 2021 15:13:47 +0000

Со турбо фолк музика, весели како да нема ниту ковид, ниту пандемија, гости главно жени се забавуваат во кафеана. Видеото се појави на социјалните мрежни и според она што беше напишано во коментарите од граѓани, прославата пишува дека била вчера за 8 март во кафеана во Дебар Маало во Скопје. Видеото редакцијата на МКД.мк го испрати до Државниот пазарен инспекторат од каде ни одговорија дека 8 инспектори, вчера од 17 до 22,30 биле на терен во овој реон, но ваква прослава не била затекната. Од видеото на социјалните мрежи очигледно е дека се работи за прослава во време на пандемија бидејќи дел од персоналот носи маски, но точната локација, време и ден не се знае.

Па добро бе неиживеани едни, одма у Бардовци сите до еден. Кластер кафана Дебар Мало во најава. Ало пазарна работете или не сам знајала работава? pic.twitter.com/qF9UgKSJ6p
— maru6ka🙎‍♀️ (@idiotkataM) March 9, 2021

Кршеле инвентар во кафеана во Дебар Маало бидејќи не сакале да го напуштат локалот по 21 часот, па го нападнале сопственикот

Дарко Андоновски — Fri, 29 Jan 2021 08:25:08 +0000

Гости нападнале сопственик на кафеана во Дебар Маало и искршиле дел од инвентарот затоа што не сакале да си одат во 21 часот, до колку што сега работат угостителските објекти. Според информациите на МВР, вчера З. В. (53) од Скопје пријавил во полиција дека во 14.20 часот, додека бил во својот угостителски објект во Дебар Маало, едно лице физички го нападнало, а другото оштетило дел од инвентарот. Според пријавеното, на ова претходела вербална расправија бидејќи претходниот ден истите лица не сакале да го напуштат локалот по завршување на работното време. Од МВР велат дека се преземаат мерки за расчистување на случајот.

Нетпрес: Кои се директорите од СДСМ кои прегазиле човек во Дебар Маало?

Тале Кристо — Sun, 19 Jul 2020 12:32:33 +0000

Сведоци на немил настан во Дебар маало во центарот на Скопје пишуваа на Фејсбук дека млади директори од СДСМ дивееле во маалото во пијана состојба, при што направиле сообрќајна несреќа и претепале „некое дете“, како што велеле тие, а кое претходно го удриле движејќи се огромна брзина. Еве што пишува на постот на сведокот на настанот кој ставал и фотографија од случувањата: „Многу јаки вака пост-изборно а? Двајца битанги од СДС директорчиња пијани кој дивееја вечерва во Дебар Маало покрај тоа што за малку ќе утепаа во собраќајка други лица, истите и го претепаа крвнички детето (дете за нив) што предходно го удрија со колата со огромна брзина, малиот со брза помош е на Скопските клиники! МИНИСТЕРСТВО ЗА ВНАТРЕШНИ РАБОТИ“! Извор: Нетпрес

Карпош и Дебар маало во мрак, се работи на санирање на дефектот

Ивана Ефремовски — Mon, 02 Dec 2019 18:40:46 +0000

Голем дел од населбата Карпош попладнево остана без електрична енергија. Улицата „Илинденска“ е во мрак и не работат ниту семафорите на булеварот, пишува Нова Македонија. Електрична енергија нема ниту во кафеаните во Дебар маало. Од ЕВН информираат дека дефект настанал во главната трафостаница во Козле и се очекува наскоро да биде саниран, пренесе весникот.