Дебар-Маврово – Kurir.mk

Повторно се отвори кратерот на патот кај Косоврасти, овој пат е поголем

Ивона Петрова — Sat, 11 Jun 2022 11:38:42 +0000

На регионалниот пат Дебар – Маврово, делница Дебар- Жировница, кај селото Долно Косоврасти, повторно се отвори кратер. Станува збор за кратер, пропадната дупка на коловозот, на истата локација каде што истиот се појави во неколку наврати, но овој пат со поголеми димензии. Сообраќајот се одвиваше по оспособен пат а со максимална ангажираност на вработените во дебарската секција на ЈП за одржување магистрални и регионални патишта, истиот е пополнет со песок. Поради обилните дождови присутни деновиве, на овој, како и на патните правци Дебар-Струга, Мелнички Мост- Центар Жупа, како и патот кон селата на Мала Река, има појава на одрони. Поради тоа од секцијата препорачуваат внимателно возење и строго почитување на патната сигнализација.

ФОТО: Дупка длабока над 20 метри и широка 6 метри се отвори на патот кај Долно Косоврасти

Ивона Петрова — Tue, 14 Dec 2021 09:35:54 +0000

На патниот правец Дебар-Маврово, кај селото Долно Косоврасти, делница Дебар-Жировница, сообраќајот се одвива неизменично по оспособена девијација, поради појава на кратер, пропадната дупка на коловозот. -Кратерот, односно пропадната дупка ја забележа наша екипа во 2:30 часот. Таа се наоѓа на истото место на онаа која беше на 16 октомври. Истата е со длабочина од над 20 и широчна од 6 метри. Сообраќајот го оспособивме по истата девијација, како и пред два месеца. Работиме на пополнување на кратерот со материјал-песок, изјави за МИА, Деар Лиманоски, раководител на дебарската секција на ЈП за одржување на макистрални и регионални патишта. Очекуваме, додава тој, сообраќајот да се нормализира за неколку часа. Во исто време препорачува внимателно возење на сите патни правци кои се под надлежност на секцијата, поради појава на помали одрони, прилагодување на брзината според условите на патот, почитување на поставената сообраќајна сигнализација и внимателно управување со возилата.

Нормализиран сообраќајот на патот Дебар – Маврово

Тале Кристо — Tue, 30 Nov 2021 10:52:17 +0000

Од 10:30 часот е нормализиран сообраќајот на патниот правец Дебар – Маврово, кај местото викано Врбјанска Раскрсница. Како што претходно информира АМСМ, од 10 часот сообраќајот на овој патен правец беше во прекин во двата правци поради паднато дрво.

ВИДЕО: Снегот го блокираше патниот правец Дебар-Маврово

Тале Кристо — Tue, 30 Nov 2021 09:45:34 +0000

Интензивното паѓање на снег од вчера вечерта во Македонија предизвика потешкотии за патување со моторни возила на планинските предели. Во прекин за сообраќај е патниот правец Дебар-Маврово, откако поради врнежите од снег паднало дрво. На терен излегоа надлежните и се работи на отстранување на истото. Видео: ТВ21

Затворен за сообраќај патниот правец Дебар – Маврово

Ивана Ефремовски — Sat, 16 Oct 2021 07:12:15 +0000

Од утрово од 8 часот за сообраќај е затворен на регионалниот пат Дебар – Маврово, кај Бања „Косоврасти“, поради пропадната дупка на коловозот со длабочина од 10 метри и со можност да се прошири, информира АМСМ. Сообраќајот од и кон Дебар се пренасочува преку Струга. На останатите патните правци надвор од градските средини сообраќајот утрово се одвива непречено по влажни коловози со умерен интензитет. На граничните премини, од македонска страна, нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. (МИА)

Нормализиран сообраќајот Дебар-Маврово кој беше прекинат поради одрон од карпа

Ивана Ефремовски — Wed, 11 Nov 2020 17:43:41 +0000

Сообраќајот на патниот правец Дебар – Маврово и обратно е нормализиран, соопшти вечерва АМСМ. Беше во прекин попладнево поради голем одрон од околу 200 кубни метри камен кој се урна на коловозот кај селото Долно Косоврасти, на патниот правец Дебар – Маврово. Одронот настана дваесетина минути по последниот земјотрес и е последица од серијата потреси во поширокиот Дебарски Регион во текот на денешниот ден кои ги разнишаа карпите на овој патен правец. (МИА)