дебарца – Kurir.mk

Спортски ден за основците од Охрид и Дебрца

Тале Кристо — Fri, 03 Mar 2023 14:55:29 +0000

По повод 142 години од раѓањето на македонскиот револуционер Тодор Александров денеска во организација на Основното училиште „Живко Чинго“ и Сојузот за училишен спорт, во охридското село Велгошти се одржува „Спортски ден“ за учениците од основните училишта од Охрид и Дебрца. Како што беше истакнато на отворањето на манифестациајта, охридската локална самоуправа секогаш ќе биде подготвена да ги поддржи ваквите манифестации, кои значат правилен психо-физички и социјален развој на децата. - Со спортската игра и натпреварувањето децата ќе имаат можност да научат како да не се возгордеат во победата, но и да не се разорачуваат во поразот. Спортот ќе ги научи дека постојаноста и посветеноста се најважни, а тие карактеристики ќе им помогнат така да се однесуваат и во сите други области од нивниот живот, рече советникот Наум Јамандиев. Во рамки на „Спортскиот ден“ ќе се одржат натпреварувања во фудбал за ученици од шесто и седмо одделение, кошарка за ученици од осмо и девето одделение, шах за ученици од прво до девето одделение и пинг-понг за ученици од шесто до девето одделение. Постигнатите резултати ќе бидат вреднувани во рамките на училишните спортски игри.

До 13 часот во Охрид гласале 16.028 граѓани или 30,57%, во Дебрца 30% од гласачите

Магдалена Андонова — Sun, 31 Oct 2021 13:42:40 +0000

До 13 часот во вториот круг од Локалните избори во Охрид гласале 16 028 граѓани, односно 30.57% информираат од ОИК Охрид. Во првиот круг, пак, од Локалните избори до 13 часот гласале 12 509 граѓани односно излезноста била 23,86 %. Во Дебрца во вториот круг до 13 часот гласале 30%, односно 1347 гласачи информираат од ОИК Дебрца, додека споредбено со првиот круг кога гласале 1289 гласачи односно 29,65%. Во општина Струга излезноста до 13 часот е 18,70%, односно правото на глас го оствариле досега 11 479 граѓани, додека во Вевчани до 13 часот гласале 52,46% односно 1 088 гласачи.

Кривична за жител на Дебрца, мамел дека обезбедува визи за САД

Магдалена Андонова — Mon, 21 Dec 2020 15:58:27 +0000

СВР Охрид поднесе кривична пријава против Р.Б.(53) од селото Мешеишта, општина Дебрца, поради постоење основи на сомнение за сторено кривично дело „измама“. Како што соопшти денеска МВР, тој, во текот на оваа и мината година на лице од Охрид му ветувал дека може да му обезбеди виза за САД и доведувајќи го во заблуда, во два навратa побарал и добил сума од 2.000 американски долари. (МИА)

До 19 часот излезеноста во Охрид 49, во Струга 35 и во Дебрца 53 проценти

Магдалена Андонова — Wed, 15 Jul 2020 17:47:05 +0000

На предвремените парламентарни избори до 19 часот во Охрид на гласање излегле 49,34 отсто од лицата со право на глас. Излезеноста во Општина Дебрца до 19 часот изнесува 53,65 проценти. За истиот временски период во Струга правото на глас го оствариле 35,48 отсто од гласачите. Според информациите од претседателите на изборните комисии на трите општини, гласањето се одвива непречено, без какви било неправилности во фер и демократска атмосфера. На овие 10-ти по ред парламентарни избори право на глас имаат 52.510 граѓани на Охрид, кои гласаат на 89 избирачки места, 4422 гласачи во Дебрца кои гласаат на 20 избирачки места, како и 60.810 лица во Струга, кои правото на глас можат да го остварат на 101 гласачко место. (МИА)

ЛИДЕР: Градоначалникот на Дебарца претепал фудбалски судија – МВР потврди!

Дарко Андоновски — Mon, 29 Oct 2018 19:07:30 +0000

Градоначалникот на Општина Дебарца, Зоран Ногачески, заедно со уште едно лице претепал фудбалски судија на вчерашниот натпревар во село Волино, дознава Лидер. Од МВР го потврдуваат случајот и велат дека работат на негово расветлување. –На 28 октомври оваа година, во 14 часот и 25 минути, во СВР Охрид било пријавено дека на фудбаското игралиште во село Волино, општина Дебарца, за време на фудбалскиот натпревар помеѓу фудбалските клубови „Сатеска“ од селото Волино и „Охрид Лихнидос“ од Охрид, З.Н.(52) и С.Б.(36), двајцата од село Волино, физички го нападнале главниот судија на натпреварот. – стои во полицискиот билтен. Ногачески дојде на функција на последните локални избори од редовите на владејачката СДСМ.

Жителите на Дебарца со порака до Заев: Премиере, не играјте си со нашето трпение! (ФОТО)

Ивана Ефремовски — Sun, 22 Apr 2018 10:56:56 +0000

Жителите на Дебарца излегоа на протест против изградбата на регионална депонија во нивната општина. Тие испратија пораки до премиерот Зоран Заев и до локалната власт дека Дебарца ја наследиле чиста и чиста ќе ја остават. „Премиере, не играјте си со нашето трпение“. „Депонија во Дебарца нема да има, нашето здравје не е ваша ниту европска грижа“. Граѓаните му порачуваат на Заев дека треба нив да им го даде она што им го вети, а не на неговите коалициони партнери. „Институциите на системот се наш сервис, или ќе не послушате или ќе ве нема“- му порачаа граѓаните на Заев.