дебарско – Kurir.mk

Невреме во Дебарско, одрони на патиштата, се препорачува многу внимателно возење

Тале Кристо — Fri, 03 Nov 2023 18:00:30 +0000

Доцна попладнево поширокиот дебарски регион беше зафатен со обилни и интензивни врнежи од дожд, грмотевици и град. Улиците во градот се преполни со вода, но, засега нема регистрирана материјална штета. Обилните врнежи од дожд, кои продолжуваат и вечерва, на патните правци, во поширокиот дебарски регион, предизвикаа чести одрони од камен и земја. Од дебарската единица на Јавното претпријатие за одржување на магистрални и регионални патишта потврдуваат дека сообраќајот се одвива непречено, но се препорачува многу внимателно возење и строго почитување на патната сигнализација. Вообичаено на патниот правец Дебар – Маврово најчести се одроните кај селата Рајчица, Косоврасти и Јанче, месноста Ростушки Мост, потоа во близина на Бигорски манастир и месноста „Сенечки ливади“, на патот кон Струга кај месноста „Три чешми“, како и месноста „Кокошкина краста“ на патот Мелнички Мост-Центар Жупа. Под надлежност на оваа секција се делниците Дебар – Жировница (патен правец Дебар-Маврово), Дебар - Глобочица (патен правец Дебар-Струга), патот кон граничниот премин „Блато“, потоа кракот Бошков Мост кон селата на Мала Река, како и патот Мелнички Мост-Центар Жупа или над 110 километри.

Поради чести одрони се препорачува многу внимателно возење по патиштата во Дебарско

Дарко Андоновски — Mon, 25 Sep 2023 11:36:54 +0000

Обилните врнежи од дожд, кои продолжуваат и во текот на денов, на патните правци, во поширокиот дебарски регион, предизвикаа чести одрони, каде сообраќајот се одвива непречено, но се препорачува внимателно возење. -Поради обилните дождови на патните правци под наша надлежност има чести одрони од камен и земја, по што е познат нашиот регион. Поради тоа но и влажните коловози препорачуваме многу внимателно возење и строго почитување на патната сигнализација. Наши екипи се постојано на терен, со цел навремено расчистување и безбедно одвивање на сообраќајот, рече за МИА, Деар Лиманоски, раководител на дебарската секција на Јавното претпријатие за одржување на магистрални и регионални патишта. Вообичаено на патниот правец Дебар – Маврово најчести се одроните кај селата Рајчица, Косоврасти и Јанче, месноста Ростушки Мост, потоа во близина на Бигорски манастир и месноста „Сенечки ливади“, на патот кон Струга кај месноста „Три чешми“, како и месноста „Кокошкина краста“ на патот Мелнички Мост-Центар Жупа. Под надлежност на оваа секција се делниците Дебар – Жировница (патен правец Дебар-Маврово), Дебар- Глобочица (патен правец Дебар-Струга), патот кон граничниот премин „Блато“, потоа кракот Бошков Мост кон селата на Мала Река, како и патот Мелнички Мост-Центар Жупа или над 110 километри. Дожд секако позитивно ќе влијае во зголемувањето на дотеците на реките и потоците во овој регион, што пак ќе услови зголемен дотек на вода во акумулацијата на Хидроелектраната „Шпилје“.

Помош за Турција се собира во Дебарско

Тале Кристо — Tue, 07 Feb 2023 14:34:35 +0000

Во поширокиот дебарски регион се собираат донации за настраданите во катастрофалниот земјотрес во Република Турција, а првите луѓе на општините изразија длабоко сочувство и солидарност. - Трагичната вест за земјотресот во пријателска Турција не погоди сите нас граѓаните на општина Маврово и Ростуше. Изразуваме длабоко сочувство за изгубените животи, и посакуваме брзо закрепнување на повредените, објави градоначалникот Медат Куртовски. Советот на оваа општина утре ќе одржи вонредна седница на која ќе биде донесена одлука за доделување финансиска помош, а во неколку пункта од вчера веќе се собира хуманитарна помош. Помош се собира и во општина Центар Жупа, каде е прогласена и седумдневна жалост, а Советот на општината утре ќе одлучува за висината на финансиската помош. Двете општини имаат бројна дијаспора во Република Турција а во последниот период тие се збратимени со повеќе општини во оваа земја. - Потресени сме од трагедијата што ја снајде пријателска Турција. Од мое и од име на жителите на нашата општина изразувам длабоко сочувство за изгубените животи и посакувам брзо закрепнување на повредените, рече за МИА, градоначалникот на Дебар, Хекуран Дука. Тој упати апел до жителите на општината, кои и самите во 1967 година прежеааја катастрофален земјотрес, да ја потврдат нивната многупати до сега покажана хуманост.

За утрешниот втор уписен рок, во гимназиите во Дебарско слободни места на претек

Тале Кристо — Sun, 21 Aug 2022 20:30:20 +0000

Во трите гимназии, колку што функционираат во Дебарско, за утрешното, второ пријавување за упис во прва година, слободни се 338 ученички места, откако во трите пријавувања од првиот, јунски, уписен рок, се запишале само 70 ученици или 17,1 отсто од предвидените 408 со Конкурсот на министерството за образование и наука. Во дебарската гимназија „28 ноември“, во прва година, предвидената квота од 272 ученика пополнета е само за 13,6 отсто. Запишани се 37 ученици, од нив 14 за настава на македонски и 23 на албански наставен јазик. -Врз основа на конкурсот на МОН, можност за упис во прва година имаат 272 ученика, во осум паралелки, од кои три, со 102 ученика, за настава на македонски и пет, со 170 ученици на албански наставен јазик, велат од управата на училиштето. И во двете останати гимназии слободни места има многу. Во гимназијата “АТА” во Центар Жупа планираната бројка за упис е 68 односно по 34 ученици на македонски и турски наставен јазик. Пополнети се само 18 ученички места од нив 17 за настава на турски и само едно на македонски наставен јазик. Од предвидените 68 ученички места, во две паралелки на македонски наставен јазик, во гимназијата ” Маврово-Ростуше” во Ростуше пополнети се само 15. Пријавувањето, кое е по електронски пат, ќе се врши во текот на утрешниот ден до 24 часот.

Нормализирано снабдувањето со електрична енергија во Дебарско

Тале Кристо — Mon, 11 Jan 2021 10:48:04 +0000

По непрекината 16-часовна работа стручните лица од екипите на АД МЕПСО го нормализираа снабдувањето со електрична енергија за жителите на Дебар, информира компанијата. – Стручните лица успеаја по непрекината 16 часовна работа да го вклучат под напон 110 киловолтниот далекувод ТС Вруток – ТС Шпиље. И со тоа денеска во 04:15 часот да создадат услови за жителите на Дебар и неколку околни населени места да добијат снабдување со електрична енергија. Електро монтерите на МЕПСО минатата ноќ работеа во исклучително тешки временски услови на студено и врнежливо време проследено со силен ветар, се наведува во соопштението на МЕПСО. Инаку, прекинот во снабдувањето со електрична енергија, предизвикан од невремето, беше регистриран вчера во 10:35 часот.

Во Дебарско се препорачува внимателно возење поради одрони и влажни коловози

Магдалена Андонова — Wed, 05 Aug 2020 10:10:43 +0000

Обилниот дожд, на моменти проследен со град, кој претпладнево го зафати дебарскиот регион не предизвика поголеми проблеми, потврдуваат надлежните. Според нив, освен мали оштетувања на земјоделските култури, поради дождот присутна е појавата на помали одрони од камен на патните правци кон Маврово и кон Струга. Поради одроните и влажните коловози од дебарската секцијата на „Македонија пат“ препорачуваат внмателно возење посебно по клисурата на река Радика. – Има помали, но чести одрони од камен и земја. Нашите екипи се постојано на терен во нивно расчистување и сообраќајот се одвива без поголеми проблеми. Поради можноста од одрони, но и влажниот коловоз препорачуваме многу внимателно возење и строго почитување на патната сигнализација, порачуваат од секцијата. Вообичаено, најчести се одроните кај селата Рајчица, Косоврасти и Јанче, месноста Ростушки Мост, потоа во близина на Бигорски манастир и месноста „Сенечки ливади”, на патниот правец Дебар – Маврово, како и кај месноста „Три чешми” на патот кон Струга, и месноста „Кокошкина краста” на патот Мелнички Мост-Центар Жупа. Под надлежност на оваа секција се делниците Дебар – Жировница (патен правец Дебар – Маврово), Дебар – Глобочица (патен правец Дебар – Струга), патот кон граничниот премин „Блато”, кракот Бошков Мост кон селата на Мала Река, како и патот Мелнички Мост – Центар Жупа или над 110 километри. (МИА)

Зачестија одроните на патиштата во дебарско, одрон од 20 метри кубни кај Косоврасти

Ивона Петрова — Mon, 09 Mar 2020 11:09:38 +0000

Обилните врмежи од дожд во изминатите два дена, предизвикуваат чести одрони на патните правци во поширокиот дебарски регион. Претпладнево одрон беше регистриран кај селото Долно Косоврасти, на патиот правец Дебар – Маврово, делница Дебар – Жировница. – Станува збор за одрон од камен и земја или во колична од 20 кубни метри, што падна во 10:30 часот. Нашите вработени со соодветна механизација го отстрануваат материјалот од коловозот. Одронот не создаде проблеми во одвивањето на сообраќајот, изјави за МИА, Деар Лиманоски, раководител на дебарската секција на „Македонија пат“. Мали, но чести одрони има сите патни правци кои се под надлежност на секцијата и тоа најчесто кај селата Рајчица, Косоврасти, и Јанче, месноста Ростушки Мост, потоа во близина на Бигорски манастир и месноста „Сенечки ливади“,на патниот правец Дебар – Маврово, како и кај месноста „Три чешми“ на патот кон Струга, и месноста „Кокошкина краста“ на патот Мелнички Мост-Центар Жупа. Поради одрони и влажни коловози се препорачува внимателно возење. – Има помали, но чести одрони од камен и земја. Нашите екипи се постојано на терен во нивно расчистување и сообраќајот се одвива без поголеми проблеми.Поради можноста од одрони но и влажниот коловоз препорачуваме многу внимателно возење и строго почитување на патната сигнализација, препорачува Лиманоски. Под надлежност на оваа секција се делниците Дебар – Жировница (патен правец Дебар – Маврово), Дебар – Глобочица(патен правец Дебар – Струга),патот кон граничниот премин „Блато“, потоа кракот Бошков Мост кон селата на Мала Река, како и патот Мелнички Мост – Центар Жупа или над 110 километри.

Кривични пријави за две лица од Дебарско поради тешки кражби

Дарко Андоновски — Thu, 19 Apr 2018 13:12:23 +0000

Надворешната канцеларија за криминалистички работи Дебар поднесе четири кривични за четири тешки кражби. Кривични пријави се поднесени против М.Р. (26) од село Житинени и М.С.(29) од село Бајрамовци, Центар Жупа. Во периодот од 1 октомври до 1 декември 2016 година на подрачје на Дебар во куќи и деловни објекти, пријавените извршиле четири тешки кражби. Со употреба на подесен предмет и физичка сила делувале на влезните врати и прозорци и одзеле 2.200 евра, 4.000 денари, златен накит, 200 куршуми калибар 9 мм и облека во вредност од 60.000 денари, со што предизвикале материјална штета од околу 250.000 денари.