Истражување: Во Кина повеќе од половина од возрасните се дебели

Ивона Петрова — Thu, 24 Dec 2020 09:49:24 +0000

Во Кина, повеќе од половина од возрасните се дебели и има зголемување на стапката на хронични болести како резултат на луѓе со прекумерна тежина, се вели во извештајот на кинеската Влада. Истражувањата покажаа дека луѓето се повеќе јадат надвор и консумираат засладени пијалоци и дека приближно една петтина од децата на возраст од шест до 17 години имаат прекумерна тежина, според СЦМП. Повеќе од 10 проценти од децата на возраст под шест години се дебели, односно имаат прекумерна тежина, се додава во написот. Студијата, која траеше четири години, опфати повеќе од 600.000 луѓе низ Кина и забележа зголемување на бројот на луѓе со прекумерна тежина во сите категории на население. Сепак, СЦМП наведува дека уделот на дебелото население е се уште помал во Кина отколку во многу други развиени земји, но дека процентот рапидно расте. Во Кина, во 2015 година, повеќе од 30 проценти од возрасните биле со прекумерна тежина, што е зголемување за седум проценти во споредба со 2002 година.

Единаесет години заедно уживаат во храната: Само јадат и лежат, вкупно имаат 568 килограми- ќе починат ако некој не им помогне

Матеја Петровски — Fri, 12 Jan 2018 16:54:17 +0000

Парот од Мисури, 42 годишниот Ли и 39 годишната Рене, кои заедно имаат 568 килограми, се запознал на клиниката за губење на вишок килограми пред 11 години и од тогаш заедно го прават она во што најмногу уживаат, а тоа е јадењето. Толку се дебели што веќе воопшто не можат да се грижат за себе, па секојдневно доаѓа сестрата на Ли, која им помага. Признаваат дека без неа веројатно не би преживеале. Ли, кој 323 килограми и Рене која е тешка 245 килограми, ќе се појават во ријалити шоу на телевизијата ТЛЦ. Од клиниката во која се запознале мора да излезат затоа што прекршиле едно од најважните правила, влегле во врска. -Не смеевме ниту да се држиме за рака. Одлучивме дека сакаме да бидеме заедно и дека сакаме врска. Се сакавме, се уште се сакаме и денес и веќе сме 11 години, вели Рене која од почетокот се грижела за Ли, но откако и таа се здебелила, веќе не може да се грижи ниту за себе. Планираат да одат кај хирург во Тексас, кој би ги оперирал и би им го променил животот.

дебели луѓе – Kurir.mk

Истражување: Во Кина повеќе од половина од возрасните се дебели

Единаесет години заедно уживаат во храната: Само јадат и лежат, вкупно имаат 568 килограми- ќе починат ако некој не им помогне