дебранец – Kurir.mk

Кривична пријава за дебранец вршел јавен превоз без соодветна лиценца

Дарко Андоновски — Tue, 19 Jul 2022 12:30:51 +0000

Дебарското одделение за внатрешни работи поднесе кривична пријава против жител на Дебар, осомничен за сторено кривично дело „вршење јавен превоз без поседување лиценца“. Според Стефан Димоски, портпарол на Секторот за внатрешни работи-Охрид, кривичната пријава е поднесна против Р.К.(67) од Дебар. – При контрола извршена на 18 мај годинава во 08:45 часот на регионалниот пат Дебар-Маврово, пријавениот е затекнат како со такси моторно возило врши јавен превоз на патници, без да поседува лиценца издадена од надлежен државен орган, рече Димоски. Тој информираше дека се извршени сообраќајни контроли, полициските службеници на подрачјето на Дебар и Центар Жупа, за два дена затекнале и санкционирале осум возачи на моторни возила кои во и надвор од населено место ја надминале дозволената брзина на движење.

Кривична пријава за дебранец, нападнал вработен во „Национални шуми“

Ивана Ефремовски — Sun, 04 Jul 2021 13:18:38 +0000

Педесет и двегодишен дебранец заработи кривична пријава поради вербална расправија и физички напад врз вработен во Јавното претпријатие „Национални шуми“. -Одделението за внатрешни работи од Дебар поднесе кривична против И.Ц. (52) од Дебар, поради постоење основи на сомнение за сторени казнени дела „загрозување на сигурноста“ и „спречување на службено лице во вршење на службени дејствија, изјави Стефан Димоски, портпарол на Секторот за внатрешни работи од Охрид. Тој додаде дека И.Ц. на 25 минатиот месец околу 10:30 часот, во близина на дебарското село Гари, прво вербално, а потоа и физички го нападнал Ш.С. од дебарското село Могорче. Нападнатиот Ш.С. како вработен во Јавното претпријатие „Национални шуми“, во тој реон извршувал работни задачи.

Кривична пријава за дебранец за изнуда на пари

Магдалена Андонова — Fri, 14 Aug 2020 08:27:53 +0000

Жител на Дебар заработи кривична пријава поради изнуда на пари од свој сограѓанин. – Дебарското одделение за внатрешни работи поднесе кривична пријава против Р.Т.(51) од Дебар поради постоење основи на сомнение за сторено казнено дело „изнуда“. Тој, на деветти август годинава од својот сограѓанин А.С. побарал пари, но не ги добил истите, изјави Стефан Димоски портпарол на Секторот за внатрешни работи од Охрид. Тој додава дека откако Р.Т. не ја добил бараната сума пари, физички го нападнал сограѓанинот А.С. нанесувајќи му повреди во пределот на главата. Димоски информираше дека во изминатите два дена на подрачјето на општините Дебар и Центар Жупа, кои со својата активност ги покрива ОВР-Дебар, издадени се седумдесеттина прекршочни платни налози за неносење заштитна маска. (MИА)

Дебранец физички нападнал полициски службеници

Магдалена Андонова — Thu, 06 Aug 2020 11:43:23 +0000

Жител на Дебар физички нападнал полициски службеници откако неговиот син бил сопрен со мопед на главната улица во градот. -Вчера во 17.45 часот во Одделението за внатрешни работи приведени и од слобода се лишени Е.Ј.(18) и У.Ј.(55), двајцата од Дебар. Е.Ј. откако бил сопрен со мопед на улицата „Братство – единство“ во Дебар, одбил да им ги даде личните и возачките документи на полициските службеници. Го повикал неговиот татко У.Ј., кој ги попречувал полициските службеници во постапката за констатирање сообраќаен прекршок и физички ги нападнал, изјави Стефан Димоски, портпарол на Секторот за внатрешни работи-Охрид. Додаде дека по целосно документирање на случајот, ОВР Дебар ќе поднесе соодветна пријава. Низ улиците во градот не е мал бројот на млади кои се движат со мопеди и со голема брзина, кои и во текот на ноќта ги вознемируваат жителите на градот со бучавата што ја создаваат. (МИА)

Дебранец навредувал и се заканувал на полициски службеници

Предраг Кукиќ — Fri, 23 Nov 2018 09:16:33 +0000

Дебранец се спротивставил на полициските службеници, не им дозволил да извршат алкотестирање и им упатувал навреди и закани. -Станува збор за К.К.(21) жител на Дебар. При рутинска контрола полициски службеници го запреле патничкото возило „Фолксваген Фаетон“ кое го управувал. На барање да биде извршено алкотестрање, се спротивставил и не им дозволил на полицајците, упатувајќи им навреди и закани, изјави портпаролот на Секторот за внатрешн работи – Охрид, Стефан Димоски. Според него, настанот се случил на 21 овој месец на улицата „Амди Леши“ во пет часот наутро. К.К. е приведен во Полициската станица од општа надлежност во Дебар, а по целосно документирање на случајот против него ќе биде поднесен соодветен поднесок.