деца без родители – Kurir.mk

Панова до СДСМ: Во ек на пандемија ги заборавивте децата без родители и родителска грижа

Ивана Ефремовски — Sat, 17 Oct 2020 16:03:29 +0000

Ели Панова, пратеничката од редовите на ВМРО-ДПМНЕ денес се обрати на собраниската комисија за финансирање и буџет. При своето обраќање го запраша владиното мнозинство што направија за доброто на децата, дали обезбедија еднакво образование за сите во ек на пандемија. -Дали сите деца во Македонија имаат исти третман? Дали сите деца во Македонија имаат исти услови како условите на вашите деца? За жал не. Во изминатиов период на криза единствено се занимававте со предизборни поткупи во сите досегашни четири сета на мерки. Ја заборавивте една од најранливите категории во Македонија. Со предложениот ребаланс на Буџет во условите кога државата е на чекор до банкрот очекував разумно трошење. Но, не вие останавте единствено посветени на вашата кауза лов во матно, нагласи Панова. Панова додаде дека власта ги заборави децата без родители и родителска грижа, згрижувачките семејства. -Прво ги заборавите, а потоа во четвртиот сет на мерки симболично ви текна на самохраните родители без притоа да се запрашате како живееја во КОВИД услови, со покачена струја, покачени трошоци за живот, од каде најдоа пари да ја отпочнат учебната година со онлајн настава за своите деца, истакна Панова. Панова посочи дека власта ниту еден момент не се запраша како живеат децата на родителите кои ги изгубија работните места поради корона кризата. Повеќе од 40.000 луѓе останаа без работа, таа бројка не е за потценување. 40.000 семејства имаат член во семејство кој остана невработен.

„За тебе“ – здружение кое ќе ги застапува проблемите на децата без родители

Магдалена Андонова — Tue, 23 Jun 2020 10:14:44 +0000

По првпат во Република Македонија е формирано здружение „од деца без родители, за деца без родители“, со целосно име Здружение за помош и поддршка на деца без родители „За тебе“. „За тебе“, информираат од здружението, има за цел да го инспирира општеството да им биде семејство на овие деца, со креирање на програми преку кои експертите во својата област ќе можат споделат дел од своето време, знаење и вештини, за и овие млади луѓе да имаат достоинствен живот. Од Здружението истакнуваат дека секое дете заслужува шанса да си ги оствари соништата. Преку програмите кои Здружението „За тебе“ веќе ги подготвува, ќе се опфатат клучните предизвици со кои се соочуваат младите луѓе кои до 18 години имале статус на дете без родители. Засега, јавноста ќе ги добива сите информации за делувањето на ова здружение преку Фејсбук страна For you - За тебе. Достоинствен живот за сите деца без родители!, посочуваат од Здружението. Прва и единствена организација во Р.М. - од деца без родители, за деца без родители.

Мизрахи оствари средба со претставници на децата без родители: Заев и Царовска им го одземаа правото на вработување

Ивана Ефремовски — Wed, 29 Jan 2020 18:22:43 +0000

Министерката за труд и социјална политика Рашела Мизрахи, денеска оствари средба со претставници на деца без родители на нивно барање со запознавање со сите проблеми со кои се соочуваат. -Со последните законски измени од мај 2019 година правото на парична помош за студирање се вметна член со кој е ставена старосна граница до 26 годишна возраст за користење на ова право. Дополнително со овој закон се исклучени и студентите кои вонредно студираат. Тоа значи дека лицата од оваа категорија кои имаат отпочнато студии, а ја надминуваат старосната граница од 26 години или се вонредни студенти или немаат право да го користат овој додаток. Според податоците добиени од Центрите за социјална работа, заклучно со декември 2019 година има намалување од 32 проценти на корисници на овој додаток во споредба со јануари 2019 година, со што им се одзема веќе стекнатото право. Дополнителен проблем со кој се соочуваат овие лица е тоа што Владата на Зоран Заев и министерката Мила Царовска со неспроведување на програмата Д 10 од страна на Министерството за труд и социјална политика за вработување на лица кои до 18-годишна возраст имале статус на деца без родители и без родителска грижа, и им го одзема правото на вработување кое го имаа, истакна таа. Мизрахи посочи дека програмата се спроведуваше од 2013 година и преку истата до 2016 година беа вработени вкупно 143 лица со таков статус со цел полесна интеграција во општествениот живот. -Од 2016 година оваа програма не се реализира и ниедно лице не е вработено. И покрај бројните барања и укажувања на лицата за спроведување на оваа програма и остварените средби со претставниците на Владата овие проблеми не се надминаа. На средбата истакнав дека даденото право не треба да се укинува и законот наместо да спречи дискриминација, го прави истото. Ќе се заложам по завршување на изборите сите системски грешки да се поправат и оваа категорија на граѓани да не биде дополнително маргинализирана, како што е со ставањето на старосни бариери за додаток, неспроведување на програмата Д 10 и други програми кои ќе им помогнат да се интегрираат во општеството, порача Мизрахи.

Не ги заборави ни во најсреќните денови по свадбата: Еве кого прво го посети Пријовиќ со сопругот и пејачката Беквалац (ФОТО)

Дарко Андоновски — Tue, 26 Jun 2018 12:00:27 +0000

Познатите пејачки Александра Пријовиќ и Наташа Беквалац направија гест за кој зборува целиот Балкан. Имено тие го посетија домот за деца без родители во детското село во Сремска Каменица и донирале подароци. Ново печениот брачен пар Живојиновиќ заедно со Беквалац на овој начин сакаа да им покажат на сите колку е важно да се грижат за оние на кои им е потребна голема помош. Децата се нашиот најголем благослов и затоа мораме да ги чуваме, велат тие.