деца мигранти – Kurir.mk

Во САД околу илјада деца мигранти чекаат да бидат вратени кај нивните родители

Катерина Бојаџиева — Thu, 02 Feb 2023 20:07:54 +0000

Американското Министерство за внатрешна безбедност (ДХС) денеска соопшти дека 998 деца мигранти и по две години се уште се разделени од своите родители. Децата се разделени од родителите и се сместени на американско-мексиканската граница за време на администрацијата на поранешниот претседател Доналд Трамп. Според ДХС 148 деца се во процес на враќање кај нивните семејства.

УНИЦЕФ: На децата мигранти во Мексико им се закануваат болести и неухранетост

Ивона Петрова — Thu, 09 Dec 2021 07:05:41 +0000

Илјадници деца мигранти во импровизиран камп во јужно Мексико се изложени на ризик од неухранетост, болести и одвојување од нивните семејства, предупреди УНИЦЕФ. Во кампот подигнат до фудбалскиот стадион во јужниот мексикански град Тапачулa, илјадници мигранти, меѓу кои многу деца, чекаат одговор на барањето за азил или хуманитарна виза. Во видео порака, заменик-претставничката на УНИЦЕФ во Мексико Пресија Арифин-Кабо предупреди дека ситуацијата е критична. – Многумина се загрижени поради ширењето на Ковид, рече таа. – Освен тоа, има многу ѓубре, а мигрантите немаат ни пристап до вода за пиење и хигиена, а исто така им недостига и храна. УНИЦЕФ е особено загрижен поради можноста за разделување на семејствата, а многу семејства по пат ги загубија документите, додаде Арифин-Кабо. Мексиканските власти се обидоа да го расформираат кампот, кој се наоѓа во близина на границата со Гватемала и почнаа да ги преместуваат мигрантите од Тапачула во други делови на земјата, ветувајќи дека ќе го регулираат нивниот статус. Според официјалните податоци, околу 40 отсто од 84.600 бегалци кои доаѓаат во Мексико се малолетни. Многу мигранти се надеваат дека ќе можат да побараат азил во САД, кои минатата недела повторно ги започнаа Протоколите за заштита на мигрантите, според кои барателите на азил мораат да чекаат во Мексико на сослушување од страна на американските имиграциски власти.

САД:Одбиено барањето да се продолжи времето за држење деца мигранти во притвор

Матеја Петровски — Tue, 10 Jul 2018 07:17:17 +0000

Администрацијата на американскиот претседател Доналд Трамп загуби обид да убеди федерален суд да дозволи долгорочно затворање на семејства мигранти, што претставува значително правно назадување во агендата за миграција на претседателот, пишува „Њујорк Тајмс“. Во пресуда која е против речиси секој аргумент на Министерството за правда, судијката Доли М. Ги од Федералниот окружен суд во Лос Анџелес смета дека нема основа да се измени досегашниот пропис со кој децата мора да бидат пуштени во лиценцирани програми за нега во рок од 20 дена. Владата тврди дека долгорочното затворање е единствениот начин да се избегне одвојување на семејствата кога родителите се притворени поради кривични обвиненија. Судијката Ги изјави дека барањето на администрацијата да го измени декретот, договорот Флорес од 1997 година, е „циничен обид“ да се префрли политиката за миграција во судовите, „по повеќе од 20 години конгресна неактивност и лоши ивршни акции кои довеле до сегашниот ќор-сокак“. (Миа)