дечиња – Kurir.mk

Четири деца, еден компјутер: Македонско семејство поминува голгота – рецепт за изгубена школска година

Ивана Ефремовски — Sat, 03 Oct 2020 10:06:53 +0000

Четири деца, еден лаптоп и 2 гига телефонски интернет, вака ќе учат децата на Санде и Јасмина Стојанови од светиниколското село Каратманово. Он-лајн наставата дополнително му создав проблеми на ова десетчлено семејство кое едвај врзува крај со крај. Минатата година од училиштето им дале лаптоп, но Санде прашува како четири деца истовремено ќе следат настава. Нивната сторија ја пренесува телевизија АЛФА: „Додека разговаравме, бевме сведоци на телефонски повик од страна на наставник на едно од децата, кој бараше ученикот веднаш да се приклучи на платформата. Најстарото дете, средношколка неколкупати се обиде, но безуспешно“, објави телевизијата. -Имаме и еден компјутер ни го дадоа добри луге. Има дефект, треба да се поправи. Ама интернет немаме. Денес прашав, ми велат 1000денари месечно, од каде да ги дадам. Ако наредниот месец не платам , ќе ме исклучат, па потоа со извршители ќе си имам работа, изјави Санде Стојанов, татко на осум деца. Стојанови своите осум малолетни деца одвај успеваат да ги прехранат. Месецот го крпат со околу 10.000денари помош од државата, скромната помош ја надополнуваат аргатувајки по тугите ниви. -Ако денес некаде работам и земам 1000денари веднаш ги давам за леб. Струја и вода да се плати и од социјалното ни останува минимално, како за една вреќа брашно. Сега овој период сите одиме да работиме и децата одат на нива. Берат тутун, а ги викаат и на гроздобер. Многу е тежок животот, вели Стојанов Пред две години Алфа ја објави потресната приказна за тешкиот живот на ова многудетно семејство кое е заборавено од властите. Санде тогаш бараше да го вработат, за да може да си ги израснат дечињата. И по две години работите не се променети.. Нивниот лелек го слушнаа граѓаните , но не и властите.

ФОТО: Холивудската легенда Кирк Даглас „уловен“ како им подарува училиштен прибор на дечиња од Егејска Македонија (ФОТО)

Дарко Андоновски — Thu, 06 Feb 2020 10:36:20 +0000

Македонската обединета дијаспора на својот Твитер профил на несекојдневен начин и со фотографија од далечната 1947-та година се прости од холивудската легенда Кирк Даглас. Имено тој бил фотографиран околу 1947-та година како подарува училиштен прибор на дечиња во Егејска Македонија. - Холивудската легенда Кирк Даглас сликан околу 1947 година каде поклонува училишен прибор на дечиња во Егејска Македонија. Бог да го прости Кирк Даглас!, стои во нивниот пост на Твитер.

Холивудската легенда Кирк Даглас сликан околу 1947 година каде поклонува училишен прибор на дечиња во Егејска Македонија. Бог да го прости Кирк Даглас! pic.twitter.com/eKmZhPX3Qj
— UMD (@UMDiaspora) February 6, 2020

Ова е љубов: Не се виделе два дена, а погледнете како се поздравија овие дечиња (ВИДЕО)

Ивана Ефремовски — Thu, 12 Sep 2019 06:52:23 +0000

Двегодишните Максвел и Финеган се неразделни другарчиња. Погледнете како изгледа нивната средба откако не се виделе само два дена. -Кога би можеле сите да бидеме вакви, напиша Мајкл, кој го сними овој сладок момент.

На клиника донесени дехидрирани, валкани и преплашени: Мајката на оставените деца е со нив во болница, ќе превземат социјални служби

Ивана Ефремовски — Thu, 29 Aug 2019 10:51:11 +0000

Синоќа во 23 часот во придружба на Итна медицинска помош и полицајци, на Детската клиника биле донесени две дечиња. Тие биле оставени сами во возило. Од Детската клиника информираат дека станува збор за машко дете кое имало 4 години и неговата сестричка на 7-годишна возраст. На клиника биле донесени во свесна состојба, но многу уплашени. Докторите велат дека децата биле лесно дехидрирани, со стабилни витални параметри. Задржани се на опсервација, а реализирани се сите потребни анализи. Од клиниката информираат дека децата се прегледани, во добра состојба и за денес е планирано пуштање. Дечињата биле во валкана облека, но не се утврдени знаци на насилство. Од синоќа до моментов, со нив во болница е и нивната мајка. По напуштањето на болницата, грижа за нив ќе превземат и социјалните служби.

ФОТО: Ја украдоа галичката свадба! Овие дечиња ги освоија сите гости

Ристе Здравков — Wed, 18 Jul 2018 11:48:38 +0000

Во време на овие два свадбарски денови се одржаа 30 обичаи, а црковната венчавка се одржа во храмот „Св. Апостол Петар и Павле“. На манифестацијата учествуваа околу 100 статисти облечени во галички носии, КУД со околу 30 учесници, коњица и коњи, вкупно околу 250 луѓе. Но церемонијата падна во сенка, откако се појавија овие мали дечиња кои го засенија целиот настан.