„Дедо и внук“ – Kurir.mk

„Дедо и Внук“ на Илија Пиперкоски селектиран во програмата на шест престижни светски филмски фестивали

Магдалена Андонова — Thu, 20 May 2021 05:55:51 +0000

Играниот филм „Дедо и внук“ снимен по сценарио и режја на Илија Пиперкоски.е селектиран за програмата на шест престжни филмски фестивали. Како што соопшти продукцијата, филмот е избран да биде прикажан на Buenos Aires International Film Festival, Osaka International Film Festival – OIFF, Stockholm City Film Festival, Dallas Independent Film Festival и Prisma Rome Independent Film Awards, International film Festival – Sweden. – Станува збор за престижни филмски фестивали, на кои се пријавуваат преку 1500 филмови за да бидат дел од официјалната селекција, со што продолжува успешниот поход по награди за новото дело на Пиперкоски, информира продукцијата на филмот кој досега доби шест награди на познати фестивали низ светот, меѓу кои неодамна за најдобар странски филм на Independent Film Awards во Лондон. Филмот раскажува за проблемите со здравството, политиката, корупцијата, но и обични човечки приказни и односи момче-девојка, татко-син и дедо-внук. Во актерската екипа се Салаетин Билал, Дејан Лилиќ, Даниела Ивановска, Горан Стојаноски, Благој Веселинов… Продуцент е Огнен Антов од „Дрим фактори“, во соработка со: „Пандорас бокс продукција“ и „Елиен филм“, Директор на фотографија е Романецот Патру Паунеску, сценографијата е на Владимир Зафирковски, костимограф е Жаклина Крстевска, композитор Оливер Тевчев, а монтажата ја направи Данчо Стефков. Снимен е со финансиска поддршка од Агенцијата за филм.

Македонскиот филм „Дедо и внук“ прогласен за најдобар на престижниот Independent Film Awards

Ивана Ефремовски — Tue, 23 Mar 2021 07:07:59 +0000

По шест вредни награди на познати фестивали шурум светот, играниот филм „Дедо и внук“ на режисерот Илија Пиперкоски е прогласен за најдобар странски филм на престижниот Independent Film Awards во Лондон. Лондонскиот независен филмски фестивал е британски филмски фестивал што се одржува секоја година во април. Со преку 1.000 пријавувања на филмови од повеќе од 50 земји, станува збор за еден од најреномираните фестивали на сцената. Се доделуваат признанија на филмови и сценарија од над 70 земји од целиот свет во над 20 категории, вклучувајќи играни и кратки филмови, документарци, студентски филмови, анимации, телевизиски реклами, музички видеа и натпревар за сценаристи. Претходно „Дедо и Внук“ ја освои наградата за најдобра режија на The Buddha International Film Festival, наградата за „Најдобар филм“ на Интернационалниот Филмски Фестивал во Париз, а доби и две признанија за извонреден придонес во светот на филмот (Outstanding contribution to the world of Cinema) од 4-th Dimension Independent Film Festival и уште една награда на TIFF -Tagore International Film Festival во категоријата играни филмови. Досега две награди за фотографија освои и Директорот на фотографија, Патру Паунеску. Режисерот Пиперкоски, кој го напиша и сценариото за филмот, раскажува прекрасна приказна, со која сите гледачи ќе можат длабоко да се идентификуваат - проблемите со здравството, политиката, корупцијата, но и обичните човечки приказни и односи момче-девојка, татко-син и дедо-внук. Во филмот играат: Салаетин Билал, Дејан Лилиќ, Даниела Ивановска, Горан Стојаноски, Благој Веселинов и други актери. Продуцент е Огнен Антов од „Дрим фактори“, во соработка со: „Пандорас бокс продукција“ и „Елиен филм“ од Романија, и е финансиски помогнат од Агенцијата за филм на РСМ. Директор на фотографија е романецот Патру Паунеску, сценографијата е на Владимир Зафирковски, костимограф е Жаклина Крстевска, композитор Оливер Тевчев, а монтажата ја направи Данчо Стефков.

Филмот „Дедо и Внук“ на Илија Пиперкоски од денес во Кинотека во Скопје

Ивона Петрова — Fri, 12 Feb 2021 06:25:57 +0000

Играниот филм „Дедо и внук“ на режисерот Илија Пиперкоски од денеска до вторник ќе се прикажува на репертоарот на Кинотека во Скопје. Вечерва и во понеделник, гледачите ќе можат да го погледнат филмот во терминот од 20:00, а во сабота и вторник од 18:00 часот. Филмот ја раскажува приказната за настаните поврзани со смртта на еден млад пациент, по која младиот доктор Никола се обидува да направи ред во својот живот и оди на посета кај неговиот дедо. Последен пат бил кај него пред 10 години. Ова е филм за конфликт на генерации, со контраст на морални вредности, моменти за втора шанса. Пиперкоски за „Дедо и Внук“ освои бројни награди на меѓународни фестивали, меѓу кои и наградата во категоријата „Најдобар филм“ на Интернационалниот Филмски Фестивал во Париз, за најдобра режија на The Buddha International Film Festival, а доби и две признанија за извонреден придонес во светот на филмот (Outstanding contribution to the world of Cinema) од 4-th Dimension Independent Film Festival и уште една награда на TIFF -Tagore International Film Festival во категоријата играни филмови. Во филмот играат: Салаетин Билал, Дејан Лилиќ, Даниела Ивановска, Горан Стојаноски, Благој Веселинов и други актери, меѓу кои се истакна и тогаш 12-годишниот охриѓанец Наум Цветкоски. Продуцент е Огнен Антов од „Дрим фактори“, во соработка со: „Пандорас бокс продукција“ и „Елиен филм“, и е финансиски помогнат од Агенцијата за филм. Директор на фотографија е Романецот Патру Паунеску, сценографијата е на Владимир Зафирковски, костимограф е Жаклина Крстевска, композитор Оливер Тевчев, а монтажата ја направи Данчо Стефков.

Македонскиот филм „Дедо и Внук“ на Илија Пиперкоски најдобар на Интернационалниот Филмски фестивал во Париз

Ивона Петрова — Thu, 10 Dec 2020 06:27:24 +0000

Екипата на филмот „Дедо и Внук“ на режисерот Илија Пиперкоски ја освои наградата за „Најдобар филм“ на Интернационалниот Филмски фестивал во Париз, соопшти „Пандорас бокс продукција“. Ова е шестта награда за првиот долгометражен филм на Пиперкоски, кој претходно ја освои наградата за најдобра режија на The Buddha International Film Festival, а доби и две признанија за извонреден придонес во светот на филмот (Outstanding contribution to the world of Cinema) од 4-th Dimension Independent Film Festival и уште една награда на TIFF -Tagore International Film Festival во категоријата играни филмови. Досега две награди за фотографија освои и директорот на фотографија, Патру Паунеску. Парискиот интернационален филмски фестивал (PIFF) е единствен месечен филмски фестивал, создаден како одговор на меѓународната побарувачка за уметнички филмови и можност за откривање на млади таленти. Секој месец се организираат проекции со најдобри филмови и настани за вмрежување во „срцето на Париз“. Сепак, поради Ковид-19 кризата, ограничувањата за патувања и владините регулативи, организаторите на фестивалот беа принудени да ги откажат скоро сите настани и да го преместат целиот фестивал онлајн. Илија Пиперкоски, кој го напиша и сценариото, во „Дедо и Внук“ успеа да раскаже прекрасна приказна, со која сите гледачи ќе можат длабоко да се идентификуваат – проблемите со здравството, политиката, корупцијата, но и обичните човечки приказни и односи момче-девојка, татко-син и дедо-внук. Грешките од младоста често знаат да отворат големи дупки подоцна во животот на секој од нас, па гледачите во многу делови од филмот ги препознаа сопствените или проблемите од нивните најблиски и пријатели. Според Пиперкоски, уметноста не треба да се занимава со големи теми, туку со мали, навидум секојдневни приказни на обичниот човек. Големите приказни се во малите мигови…. Покрај Салаетин Билал, во филмот играат и Дејан Лилиќ, Даниела Ивановска, Горан Стојаноски, Благој Веселинов и други актери, меѓу кои се истакна и тогаш 12-годишниот охриѓанец Наум Цветкоски. Продуцент е Огнен Антов од „Дрим фактори“, во соработка со „Пандорас бокс продукција“ и „Елиен филм“, и е финансиски помогнат од Агенцијата за филм. Директор на фотографија е романецот Патру Паунеску, сценографијата е на Владимир Зафирковски, костимограф е Жаклина Крстевска, композитор Оливер Тевчев, а монтажата ја направи Данчо Стефков.

Филмот „Дедо и внук“ награден на фестивалот „Буда“ во Индија

Ивона Петрова — Tue, 01 Dec 2020 08:46:21 +0000

Играниот филм „Дедо и внук“ на режисерот Илија Пиперкоски освои награда за најдобра режија на фестивалот „Буда“ (The Buddha International Film Festival-TBIFF) во Индија, кој е посветен на прикажување нови и иновативни филмови. Фестивалот е силен поборник за социјални промени и ја охрабрува културната разновидност и разбирање меѓу народите. Ова е четврта награда за првиот долгометражен филм на Пиперкоски, кој претходно доби две признанија за извонреден придонес во светот на филмот (Outstanding contribution to the world of Cinema) од 4. Dimension Independent Film Festival и уште една награда на TIFF -Tagore International Film Festivalв во категоријата играни филмови. Светската премиера на „Дедо и внук“ беше на Меѓународниот филмски фестивал „Прифест“ оваа година во Приштина. Главните улоги во филмот ги играат Салаетин Билал, Дејан Лилиќ, Даниела Ивановска, Благој Веселинов, Горан Стојаноски. Продукцијата на филмот е на „Pandora’s Box“ од Охрид во соработка со „Dream Factory“ од Скопје и „Alien Film“ од Романија.

Премиера на играниот филм „Дедо и внук“, Билал си замина пред да го види својот последен филм

Ивона Петрова — Fri, 06 Dec 2019 07:03:08 +0000

Во Центарот за култура „Григор Прличев“ во Охрид денеска премиерно ќе биде прикажан „Дедо и внук“, прв долгометражен филм на охридскиот режисер и сценарист Илија Пиперкоски. Филмот почна да се снима во април 2017 година. Во главните улоги се актерите Салаетин Билал и Дејан Лилиќ. Како што вели режисерот, „Дедо и внук“ заедно со „Мирно лето“ на Димитрие Османли, се единствените два долгометражни играни филма во македонската кинематографија целосно снимени во Охрид. Филмот раскажува за едноличниот живот на пензионерот и вдовец Никола, кој е навикнат да биде сам во мал туристички град, сè до ненајавеното доаѓање на неговиот единствен внук кој го нема посетено повеќе од 10 години. „Дедо и внук“ е последен филм на актерот Салаетин Билал, кој почина по долго боледување на 76-годишна вораст во мај минатата година. Зад себе имаше седумдесет одиграни театарски и 40 телевизиски и филмски улоги. – Беше вистинско задоволство да се работи со еден од доајените на македонскиот филм. Човек од кого може многу да се научи, не само за филмот, туку и за животот воопшто, вели режисерот Пиперкоски. Покрај Дејан Лилиќ и Салаетин Билал, во актерската екипа на „Дедо и внук“ се и Даниела Ивановска, Горан Стојаноски, Благој Веселинов и тогаш 12-годишниот охриѓанец Наум Цветкоски